01-14-2015, 11:34 PM
| #11 | |
 |  رد : الشاعر وليد بن زيد المصري ( أبو راكان ) بحوث التخرج قصيده تم القائها في حفل مناقشة بحوث التخرج للدفعه الخامسه كلية التجاره قسم المحاسبه جامعة إب 25/5/2004م كلما تسمح الفرصه لبـن زيـد يشعـر=بايجاوب لـه الهاجـس ويفتـح مـداره يشرح الوضـع لايمكـن مزاجـه تعكـر=والقوافي تصـل بالحـال غـاره بغـاره حفلنا اليوم لـه عنـوان راقـي مطـور=بالنقاش الموسـع فـي علـوم التجـاره عن بحوث التخرج يشرحوا كـل محـور=من تحدث علـى بحثـه ينـال الجـداره كل طالب على الموضوع خطـط وفكـر=واعتنى في اللتقـاط العنونـه والعبـاره فالمواضيـع تتحـدث عـن الكمبيوتـر=والرقابه وعن شعب اليمـن وازدهـاره منهجيـه, وفرضيـه, نتائـج ،ومصـدر=والمشاكل لها استبيـان فـي استمـاره كل مشرف بذل مجهود واحـدث وغيـر=تابع البحث من اجـل اكتسـاب المهـاره ريس القسم باقلـه عـن الكـل تشكـر=عاش دكتورنـا خالـد صريـح العبـاره واشكر المشـرف الآخـر ولابـد يذكـر=الجبـوري لريـس قسمنـا مستشـاره منهم قـد كسبنـا فكـر بالعلـم يزخـر=فـي مجـال العلـوم الحاسبـه والاداره كل طالب تعب في ظلمـة الليـل يسهـر=كـم تكبـد وكـم عانـى وذاق المـراره كارثه بعد ما يتعب على البحـث يخسـر=بايكون السبـب فـي علتـه وانتحـاره والف اصلي على المختار ذو الوجه الانور=ليت والله وانـا امـوت وابقـى جـواره
| |
 |
|
01-14-2015, 11:36 PM
| #12 | |
| رد : الشاعر وليد بن زيد المصري ( أبو راكان ) بدع الشاعر المعروف بورعد بن قصيله مرسل لوليد المصري ((1)) ابو رعد قال يارب يا منصف الضعيف = ويا ناصر المظلوم عند المناصفه سألتك بحق النور في دينك الحنيف = تخارج جميع الناس من كل لاهفه وازكى صلاتي تبلغ الطاهر العفيف = محمد واله والصحاب المئآلفه ومن بعد يالهاجس من الماجل النظيف = تسقّى لي الاقوال واملي مغارفه وسجل قصيدت بدع من قولك الحصيف = ورسل بها لاهل الوفا والمكاتفه إلى عند ابو راكان والشاعر المخيف = اذي له كثير اسرار رغم المعارفه برغم انّه الحساس والذوق واللطيف = ودايم يشد الناس له بالملاطفه فياليت شعري ما ورا ذلك القنيف = هل الخير والبشرا أو ابشِر بعاصفه ولكنّ أباقوّي فؤادي وباستضيف = وباشوف وآنقب عن ايّت مخالفه فلا بد له من يوم يسقط من الصُّفيف = وتستلقفه يدي رضا او محالفه ولا بد ما اهزه بصاروخي العنيف = وبالبرجنيف اقصف وقوات ناسفه عسا ربما يصحا من النوم لا يعيف = يبطل خموله والكسل والمناهفه وبابارزه بالسيف والمرهف الرهيف = وبالقوس والانبال باعطيه سالفه لحتى يرى الجمهور من مننا الحريف = ومن مننا له حق يفتح ملاقفه نشئنا سوا واليوم يشتي يقع عريف = ويدخل مع العرّاف بحر الفلاسفه رأيتك تجاملهم كانك لهم وصيف = كأنك موقع رقم باسم المضارفه وتضحك مع الشعّار حمّيك يا ضريف = هل الخوف هزك قول ماانت خايفه إذا كنت خايف قل بأن اسمك الأليف = وإن المكينه ذي معك شبه تالفه وعند اعترافك بانقل روح ياأنيف = فما بيننا مقعد لذي هم انايفه أذي يعشقون الزنط والمقعد النضيف = وذي عندهم اجواف ليّن وراهفه وذي يكرهون الحيد والخبت والعجيف = كأني بهم رهبان والا اساقفه وليش الدلع يا ذاك عاد انت باتجيف = وباتشتبج من كل دوده وزاحفه فعجل بها من قبل تبقا بها اسيف = وخوض الحرك فالعمر ايام آزفه أنا اشتيك تتحرك وتكرف بها كريف = تدمّ السما واقوال شعرك زخارفه وتبقا ملك للشعر في شامخ الكِفِيف = محصّن بحصن الجان من كل زاهفه وإلاّ فلي وقعت واصطف في الصفيف = وفي صف جندي كن عريف العرايفه وكن طوع امري نفّذه مثلما الكفيف = ولبّي ندايا قبل يأتيك هاتفه وحاذر من التخريب في الشامخ المنيف = ومن كثرة التنقيب في كل طايفه فما عاد بايقطع في الصبه العطيف = ومنذا يهز اكتاف صمّا مراصفه وعد باخبرك عن حال امة بني جنيف = واوسلو وشرم الشيخ واهل المواهفه في القدس شفت الارض زادت من الرعيف = تلاقت دماها بالدماء الموالفه فلسطين وابناها بالاحجار والوِضيف = وشارون بيزاغف رصاصه مزاغفه وسوداننا منفي في ارضه كما الهطيف = ومحروم من خيرات حاضر وآنفه وصومال يشكي قلّة الماء والرغيف = وعد به من العربان عمره مداهفه وبغداد يا ويحي ويالهفها لهيف = ذبحها ولدها واهلها شبه شايفه فذلت بلاد العُرْب للحلف والحليف = وما فادها عهد العدا والمحالفه وفي اخر الاقوال بالفّ لك لفيف = بباقه من الازهار خاصّه موالفه وارجوك تعذرني على بدعي العنيف = فلا بد للاموات هزات راجفه وبالختم باصلي على احمد الشريف = شفيعي وكل الناس يوم المكاشفه الجواب من وليد المصري لواءإب والبيضاومارب مع الصليف= وصنعاءاليمن وابين وشبوه وخارفه ترحب بشاعرقلب اخو قيس مستضيف =سموه لاخلاقه وقوة مواصفه تراحيب ما الراعد تزرجم في الخريف=وماسال سيل الحيدمن كل شانفه رعودي بوارق تعصف المنطقه عصيف= ونيران بركاني حمم كل قاذفه ولااعرف خمول الجسم او قلب يستخيف=ولااهتاب لايتها سمينه وعاجفه وفي قبضتيي شرمه من النامر الخفيف=سلاح الحرايب لادنت كل طارفه ومحلا الصدف يوم جاءيبارزني الحليف=ويافرصة الرامي بهذا المصادفه طلبني يبارزني على طرفة الرصيف=وقوسه ورمحه والحدايد مراصفه خلط بين صاروخه وسيفه مع العطيف=وماضي وحاضر كيف يمكن يرادفه تجاهل حقيقه يعلموهابكل ريف=وبندر وكل الناس بالارض عارفه بان الفتىالمصري اذاقدنوىالمكيف=يخلي عيون الند بالدمع ذارفه مكيفه على مكريب ينسف بهانسيف=وامامه جميع القوم تصطف واقفه فياويل من ودف يقع في يدي صعيف=يلاقي هزيمه منتهيه وناشفه وابورعد قد ودف برغم انه الرديف=لخو قيس والصاحب وانا دوم نايفه ومن قدتحداني له اليوم ما استعيف=ويرحب على حارق وخارق وكاشفه وانا مستعد ازويه في زوةالسقيف=ومن قام يتعنوط انا الان قاصفه ومن فكراني تهت باحدث لهالنزيف=براسه لان لايملك افكار هادفه وللكبروالتيهه انا دائما معيف=ولاحب قول الزيف او كل زايفه ولاا عرف اجامل لا ولا منطقي ذليف=ولاحب قول الشعرلاهي مذالفه وجاهز ومتجهزكما الحيف ذي يحيف=وصوت الوتر لارن اخوقيس عازفه واصادق جميع الناس واعتاز للعفيف=واصاحب جماعه للتهاريج عايفه فمن قد مشى مغتر قد فاكره سخيف=وافكاره الكبرى نتيجه مخاشفه وعن ماذكرته عن وطا القصف والنديف=بأمه ضعيفه حولها الغرب عاكفه اسف يااسف عن حالنا المؤسف الحفيف=باخطار مزروعةعلى كل شارفه تمزق فوادي من قوى العسف والعسيف=سيول الدما ياذاك فيالارض جارفه واصبح وطنا يفقد ارضه ولا يضيف=وماقدتبقى ناصفه رهن ناصفه مواقف عصيبه انحلت جسمي النحيف=وقاداتنا الابطال صارو صيارفه واصلي على المختار ماحن بالخريف= رواعد وما القاري يرتل مصاحفه
| |
|
|
01-14-2015, 11:50 PM
| #13 | |
| رد : الشاعر وليد بن زيد المصري ( أبو راكان ) البدع من ابورعد محمد حميد قصيله((2)) مرسل لوليدالمصري يقول ابو رعد يـا محلـى التهوجاسـي=محلى الهواجيس حن تسرح وحن ترجع ومجمل الكيـف وافـلاك الدجى غاسـي=وموكـب الغـيـد لا ابــدع ولا اروع شفت التضاريـس وان الكـل متناسـي=والبـدر والريـح والكثبـان تـتـوزع وشفت صنعاء مـن شبّـاك محراسـي=وبهـرج النـور والزينـات تتشعشـع وإنـي بطلقـات ناريـه وكسكـاسـي=والضـج والـرجّ والبـاروت يتفرقـع فقلت مالامر قالـوا بعـض الاعراسـي=واطفال تلعب وبعـض النـاس تتبـرّع وإنـي بمضـروف لا ليّـن ولا قاسـي=من عند اخو قيـس بالدمغـات مطَّبّـع رحبت بالـرد واعليتـه علـى راسـي=مليون هامه علـى الهامـات او ارفـع مرحب بخو فيس ذي شدّيت بـه باسـي=والصاحب الجيد ذي في صحبتـي ابـدع ذي صاغ في الرد مجمل ما في احساسي=ويفهـم القصـد فيمـا كـان واتوقّـع مـالآن يكفيـك تحفيـزي وحمّـاسـي=واستقبـل البـدع والبـدّاع واتشـجـع باسقيك وارويك يا خو قيس من كاسـي=وانته على مهل شلّ الكـاس واتجـرّع شفتك تماديـت فيمـا بيـن الاقواسـي=(الفخر ) و (العُجب)و(التهديد)و(المردع) ولمت سيفـي مـع رمحـي واقواسـي=وهندوانـي ورشاشـي مـع المـدفـع مالبندقيـه بيـد الـجـنّ والنـاسـي=حتى الصبايـا فـي الميـدان تتنصّـع مالسيف يشتي من الفرسـان فرّاسـي=ذي يتقن الضرب في الشريان والمخـدع ذي يجعل الخصم في حيره وبهساسـي=ويكسب الحرب قبل الحـرب مـا تبـدع يخلـي النّـدّ يتحسـوس تحسـواسـي=مخضوض مرجوج لا ينـزل ولا يطلـع وإن رد فالـردّ بالقامـوس بعساسـي=مهما بلغ حجـم ذاك الـرد مـا ينفـع حتى يواسيه وسط الـراس وسواسـي=ويضرب اخماسهـا واسداسهـا باربـع وانّه تسلـل اليـه الخـوف والياسـي=فيرفع اعلامـه البيضـا وهـو يدمـع فلا تكن مثـل عبـاس ابـن فرناسـي=مهما ترقّيـت يـا خـو قيـس باتنكـع وكمّن اعصَر وسط بحـري وغطاسـي=غرق ، فحـاذر بهـذا البحـر تتشـرّع وانته مأكد يجي لـك يـوم الافلاسـي=تخسر ضمارك وباترجع وبـا تخضـع والان يكفيـك مـن شرحـي ودرّاسـي=وحـاول الـردّ لا تخشـى ولا تـفـزع ومختم القـول يـا حبـري وقرطاسـي=صلّي وسلّم علـى المختـار واتضـرّع لله ذي لـه ببـاب العـدل فسطـاسـي=ومن له البـدع والتكويـن والمرجـع يهزم فلول الضلاله واهـل الارجاسـي=بحـق طـه حبـيـب الله ذي يشـفـع الجواب من وليد المصري ابوراكان يقول اخو قيس عندي قطـع الانفاسـي=وومضة الموت عنـدي للعـداء تلمـع ومن تقـرب بخطـوه نحـو متراسـي=قرب بموته ولا وسـط اللحـود اسـرع متراس راسي محصن حولـه اجواسـي=قاسي يباسي شرس عنه القبل تسمـع كمـن عـدو بيرقـه لاقـى التنكاسـي=وكمن اغمار من هوج اللضـاء تقـوع فليـش لا والزنـاد اذيـاب الاغلاسـي=يشهد لهـم اسعـد الكامـل مـع تبـع لاقد دنا الليل يسرو سـرو الاحماسـي=حين تضطرم نارهم ياويل مـن تلسـع قالو وصل ضيف عندي ضيف نبراسـي=حنج مخلـق وفـي قلبـي قـد اتربـع فالضيف بارشرشه من عطر تكساسـي=باريسي الصنع مامثله وسـط مصنـع وافرش له الارض بالكاذي ونرجاسـي=وفل عاطر وزهـر الياسميـن اجمـع يستقبلـه ميمـون ذو خشـم لهاسـيي=طلـق لـه الاف بالاجـواء تتشـكـع مرحب بضيـف الغـلا لاحيـد ملاسـي=الحيـد ذي للنمـور الضاريـه منـبـع هي عادتي طول من ساسي ومغراسـي=للضيف اقل ياهلا والعـرف ماتزعـزع حتى ولـو انـه اقبـل دق الاجراسـي=متناسي انـه بساحـه موجهـا يفجـع بالقنـه درس يعـرف كيـف مقياسـي=ويـوزن الفاضـه الهوجـا ويـتـورع ويعرف الجرمـل الشرفـاء وترباسـي=وكيـف لااردت مابيـن العيـون اقبـع مش من وصل قال انارامـي ومراسـي=ومن حمـل بندقيـه قـال انـا مسبـع انامعـك يملكوهـا عــدة اجنـاسـي=لكن هناك فرق بين القنـص والمشنـع والسيف ذي قلت اصبح للاسف هاسـي=مانبصـره غيـر لاقـد دقـو المرفـع وفوق كتف الحراوى وقـت الاعراسـي=وفي المتاحف وللتصويـر ذي يوضـع من قال فارس وهـو سيـاف هلاسـي=كيف يحمل السيف وازناد ايديـه جفـع وان كان معك سيف هو لعبة تهنداسـي=ماهوشي السيف ذي للصخـر بايقطـع زيـدت بالهـرج واقـوال التخلباسـي=وصـرت للحـرب والاخطـار باتدفـع اين انت ويـن الحرايـب والتفرداسـي=ياويلك الويـل مـن مكريـب يتلعلـع ذايومـك اليـوم تتجبـس بجبـاسـي=وتلعـق المـر والغضـروف يتفـلـع باحط لك قيد فـي المعصـم وجلاسـي=واجعجعك في مضاف الهـول واتمتـع واقلك ان الضرم فايق علـى العاسـي=وان الاساليـب وقـت الصـدق تتنـوع ونـورس الـواد يتنسنـس بنسناسـي=وكل قرناس مـن راس الجبـل يسجـع مازلت انقب عن الجوهر مـع الماسـي=ونجم اخوقيس في كبد السمـا يسطـع وصاحب الجاه ذكـره يجلـي الياسـي=صلاة ربي عليه من قلـب ذي يخشـع
| |
|
|
01-14-2015, 11:53 PM
| #14 | |
| رد : الشاعر وليد بن زيد المصري ( أبو راكان ) بـــدع الشاعر ابو رعــد قصيله مرسل للشاعر وليد المصري بسم الله يا هاجسي=يـا راسـي ويـا مترسـي بانشرب وبانحتسـي=كـاس العـز والهيلمـان دام اني محمد حميد=من حصن الرخـام المجيـد حصن الجان كمّن مريد=والشامخ جبـل كوكبـان سيف الغافقي في يدي=والرعد القـوي مرعـدي والفولاذ من مزنـدي=واكتافـي مـن الميلـوان والراس الذي من حديد=الصلب القـوي الشديـد لا قد حـزّ قرنـه يبيـد=الرومـان والتركمـان بورعد الفتـا لا نهـم=هـز ارواسهـا والقمـم رافع رايتـه والعلـم=فـوق اقنافهـا والمـزان كمـن صـم قـد دان لـه=واترجـاه واتوسلـه واتمنـاه لا يقتلـه=أو يشـويـه بالصولـجـان وانت اليوم ها ياوليد=لا ترمي بـذي مـا يفيـد باتخطي نصاعك اكيد=والتصويب عنـد النشـان باتصدّا رصاص الكرع=والميم ون وتلك القطـع واحطم جميـع البـدع=بالكربـوك والخيـزران فاحـذر لا تـزل القـدم=قبـل الكارثـه والنـدم والا فانت عندي رقم=باضيفـك بـراس البيـان واحطك فـي القايمـه=ضمـن الفرقـه الهايمـه ذي بادت وهي نايمه=من خلف النُّـوَب والامـان مااحد شي درا ما حصل=كيف له مات كمن بطـل موت الحق والا انقتل=او هو فعل اشطـان جـان كل اجسامهم هي صحيح=ما احد منهم شي جريح ماتوا موت هاني مريح=قد كلـن ملبـس كفـان خذلك منّهم واعتبر=واسـأل ذي هـو المختبِـر خير الحبّ ذي كان بِر=والا المجلـس الطيرمـان وانت الان بعد العُلُم=لا عد شي تقـل هـم وهـم شد العزم هيا وقـم=لا يسقـط عليـك الرهـان خذ صفي وقف جانبي=لا كانك صحيح صاحبـي كيف اصحاب تتحاربي=او توقـع فـي الالعبـان هذه مرحله قـد مضـت=والاقـلام فيهـا طغـت والارواح فيها سمت=قد فـازت فـي الامتحـان واجتازت حدود الطلب=واحتلـت عـلاو الرتـب قد حازت على اكبر لقب=والتكريـم والمهرجـان اما الان قـد بنصحـك=مادمنـا بهـذا المحـك بلغِز لك وبالمّحك=وانته شـوف لـك ترجمـان خبّ الاليه خبهـا=يـا مصـري او العـب بهـا بانرديك من سبها=وانت الروح يـا بـو ركـان عـاد البندقيـه معـي=والرشـاش والمدفـعـي واف ستعش من مصنعي=والصاروخ والهنـدوان لكن جيت فوق الفرس=في ليل الدجـا والغلـس والمرهف بيدي وبس=والـدرع الـذي مايـلان متحدي سيول الرصاص=والتنشيـن والاقتنـاص حامل لك بيدي خلاص=مما انت بـه مـن دفـان جيتك حرب راسن لراس=وانك تاخذ الاحتـراس ما عندك في الحرب باس=خايف من هدير الطعان شوف السيف حرب الرجال=يوم المعركه والسجال حن يلمع بريق النصال=ذا عن ذاك من ذا يبـان وانته ماسـك الاليـه=ذي قـد شفتهـا حاليـه ذات القـدره العاليـه=بالتسـديـد والاتــزان لا تغتـر فـي حملهـا=او تركـن علـى فعلهـا كم للاليه كم لهـا=فـي يـدك مـن اول زمـان عد باهديك بالقانصـه=طلقـه واحـده شاخصـه لا زايد ولا ناقصـه=بيـن الخشـم والحاجبـان أما السيف ذي تبخسه=كافي بـس يـا هلوسـه عد له علم في المدرسه=والتاريخ شاهـد عيـان شوف السيف في مامضا=والتاريخ ذي به أضـا شل العز له وارتضا=رغما عن انـوف الهـوان بعد الله مـا عضّمـه=كـان السيـف بالمقدمـه في ايدي فئه مسلمه=دان الشـرق والغـرب دان واليوم شوف كيف وضعنا=بين الدندنـه والغنـا كن احنا ولا احنا هنا=يـا غبنـي علينـا غبـان غبن القدس يا قهرها=ضاق الصبر من صبرهـا والثعبان في وكرهـا=والشيطـان راس اللِّعـان اسرائيل باقوى سلاح=بتحارب صمـود الكفـاح وانتو في ليالـي مـلاح=يـا دانـه وياليـل دان قارن وضعنا الاولي=بيـن السيـف والجرملـي لا تبلـي ولا تبتلـي=فـي تكويـن ذاك القـران واين النصـر ذا بايجـي=والعربـان تتبرمجـي حسب الخط والمنهجي=ذي يختـاره الحارسـان بن علّوش ذي كال كيل=ذي ربـاه بابـا نويـل ذي قد سال في الناس سيل=والتفاح والبرتقـان هذه نشرتي موجزه=عمـا صـار فـي التلفـزه كيف السم ذي تفـرزه=كـزّ اعصابنـا والبـدان عد بافتيك يا سيّدي=من سيدي وهو فـي يـدي في حرفين سي ثم دي=لا له فـم او لـه يـدان عد له شكل كالدايـره=مثـل العيـن ذي حايـره من حبّـه ومـن سايـره=بايلقيـه بادنـا دوان واخر قول يا نرجسي=يا حصنـي ويـا مترسـي لا قولي شويه قسي=هو لجلك ولـك يـا فـلان واهدي لك مية باخره=محمولـه عطـور فاخـره والفين سكس متقاطره=فيهـا النـد والزعفـران ختم القول ذكر النبـي=ذي بالحـق طـه ربـي والمأمون كانه صبـي=والمختـار ختـم الِّلبـان ختم الرُّسْلْ والمصطفى=ذي قلبي بذكـره صفـا والهاجس كفا واكتفا=والريشـه رفعهـا البنـان جواب وليد المصري على ابو رعد بدع القول باسم الاله=ذي بسمه نطق كـل فـاه الواحـد احـد لاسـواه=مخزانـه وكفـه مـلان واثني بالصلاه والسلام=عالهادي بمسـك الكـلام ذي بدد عصور الضلام=بالسبع الحروف المثـان من يصبح وحيد اللسي=جيت الخصـم يامجلسـي ذي جسمه وجب يكتسي=مني بالكفن فـي ثـوان كمن هيـج قبلـه عنيد=اصبـح للجـوارح ثريـد وادنى حكم عند الوليد=للمغـرور قطـع اللسـان ثـوب الـذل بايرتـدي=والاغـلال والـمـرودي وكباده بليل اسـودي=تتفجـر كمـا الشـذروان والعزي طـرازه جديد=يتمنـى يقـع لـه رصيـد لكنـه وقـع بالمصيد=واتحطـم وهـو بالفهـان ماهـو كـفـو للمعركه=والتخطـيـط والتكتـكـه والنيـران باتربكـه=لابصرهـا يــدوخ ثـمـان ويله من وهيج الحمم=ذي منها صـرخ كـل فـم والاهـات وقـت الالم=ماتنفـع لمخلـوق فــان لاداري مـع البوصله=نحـوه بـاول المرحـلـه باهـده وبازلزلـه=واردي كـل حاسـد وشــان يابورعـد مايستـوي=الليـن وذي هـو قـوي قرن المصري الملتـوي=ماتوزيـه كـل الزبـان كمن قران قاسي خضع=واستسلم وعنـدي هجـع اما انت مالي طمع=حتـى اعلـن لـك القبريـان مالـي فخـر حيـن اهزمك=واتعـداك واتهزمـك لكن واجبي بلزمـك=تُكـرم قبـل كرهـا تُهـان حامت حولـك الحايمـه=لجـل افكـارك العايمـه واعضاء اللجنه الدايمه=قالو انت ابو شوربـان ذي دمر كيـان الدول=وانهـى كـل قمـه وتـل بعـد القـات لاقـد بـذل=ولا عمـر البردقـان من هلسه وكثر الشطيح=كل الجان منـه تصيـح من هذرم يقـع مستريح=متمتـع بكثـر الجنـان والمصري شفه مختبر=يجعل كـل عاصـي يبـر آخذ منهجه من صبر=والغرسـي وكـم بهلـوان سل عيبان واسال نقم=واسـال شمخـات الرجـم عن مقـدام ماقـد هزم=عمـره اوتراجـع جبـان ودف لاكهوفـه غبـي=فكرنفـسـه المحنـبـي عاده في الحرايب صبـي=ياحيـوه لا مـا يبـان شوف المرحله مانتهت=عد حوم الزوايـب بـدت والجـوده بارضـي رست=وانـا للقبايـل سنـان اما انت يابوشنب=ماانتـه مـن رمـاة السلـب لكن شوف فيما انكتب=من قد صان قولـه يصـان ماتخجل تقول انصحك=كيف تنصح لـذي سلحـك قبل الشمـس ماتلفحك=اويبطـش بـك اليعزفـان شجعتك لدحـر الخطر=واصبحتـه تعيـد النضـر عندي ياقليـل البصر=وانـا ذي نصبـت الكنـان من مصدر قـوي قوتي=باتحـدى وفـي قبضتـي اربي جي وتي ان تي=والشفره بـراس السنـان مهما الخصم بايدعي=باصـده بـراس اصبعـي ماهـو حيـر نتصارعي=بازتـه بـخـزم الاذان يابورعد خذلـك نفس=واتجهـز لـدق الجـرس ماهي قول من جا هلس=او يهتف على البـورزان مالك من رعودي مناص=حان اليوم وقت القصاص مايمكـن يقيـك احتراص=اوياويـك ايـة مكـان عزمك قل مابك حماس=مالك في الحرايب اسـاس خطي من دخل فيه خاس=يُدهن بين دمـه دهـان تدخل حرب هذا محال=مالك معرفـه فـي القتـال لو جيتك في الميم دال=بايصبـح محمـد وكـان نكتـه يافتـى حاليه=اضحكتهـا بهـا الجالـيـه من مضمونها باليه=مـن يسمـع يجيـه احتقـان الرايه لمـن شلهـا=لاهـي لـك ولا انتـه لهـا خل المعركه لهلها=واعبـر لـك طريـق الامـان روحك فـي يـدي داحصه=واليـدات متراقصـه واعلى هامتـك ناكصه=والخيبـه كلاهـا سيـان يالعـزي دع الهدرسه=والخفـقـان والخلبـسـه شوف السيف ماتلمسه=لكن حلم لا انتـه غـوان فاشل فـي وقيـد اللضا=ماينفـع لوقـت الحضـا غصبا بادحره اورضا=يصبح لي بعمـره مـدان شوف السيف بالملحمه=مش بالشعـر ذي تحلمـه والبنطـال والمحزمه=يالومـاه تعـلـو حـصـان يـوم العـز يـوم المنا=مايمكـن يقـع يومـنـا لان النصر ماهو لنا=واحنا حول راقـص وغـان واين النصر واعلى وشاح=واينك يالايوبي صلاح الامـه بعمـق الجراح=مهزومـه بواقـع مهـان اما الوضع ذي قلت لي=هل به حـد يشبـه علـي لاقد سل سيفه جلي=كـل الهـم والنصـر حـان قد كل العـرب ملتجـي=لامريكـا وماحـد نجـي والاكثر بهـم مرتجـي =u.s.aوكوفـي عنـان صار الرقص وسط العراق=يتسابق عليها سبـاق واصبح فسقهم لايطاق=جافو بعد مـا الكـل خـان والفتـوى زمـن مبتدي=بالدسكـات ذي يقتـدي بعض انواع هذا ردي=والاخر يجيـب الحسـان رغـم اوضاعنـا الجايره=كـم ياافكاربـه بايـره والاكثـر بـذا طايـره=نحـو الغـزو والاكتـهـان سي دي مثل حد السيوف=كم ياناس حوله صفوف من يغنم زمانه يشوف=نضرة حـق فـي كـل آن واهدي بالتحيه الوف=والاشـواق منـي تـزوف للعزي وشم الانـوف=باكـادي مـع الاقحـوان هـذا واحترامـي وجـب=للعـزي اميـر الادب واصحابه اسود اللجب=ذي يسلـو ليالـي حـزان واختم بالصلاه والسلام=عالهادي بمسـك الكـلام ذي بدد عصور الظلام=بالسبع الحروف المثـان
| |
|
|
01-14-2015, 11:54 PM
| #15 | |
| رد : الشاعر وليد بن زيد المصري ( أبو راكان ) بــدع وليد المصري مرسل الى الشاعر محمد النصيري الثــأر [يامن على العرش من فوق الطباق =سالك الهي بفضل الواقعة والنور والمائدة والانشقاق =تنجني يوم نارك والعه واغفر ذنوبي ويسر كل شاق= قلبي يخافك ونفسي طايعه ياطاير السعد حد الانطلاق =ملفاك عند الرجال الشاجعه اسود ماهمهم لا الوقت ضاق=سيوفهم ضد الاعدا قاطعه والقبيلة قابلتهم بالعناق=دام الله أهل الصفات الرايعه سلم عليهم بلهفة واشتياق= وخصهم بالحروف ألبا دعه صقر ألحدا ذي يصون الاتفاق= وآبو أسامه نجومه ساطعة يبن النصيري دمي زاد احتراق = من يوم شفت القبل متصارعة الجهل ضيق على القوم الخناق=وسبب أحداث عده فاجعه كم راحت اغمار من فعل الشقاق =وأجيال بالثار صارت ضايعه الأم تبكي بساعات الفراق =والطفل تمسي عيونه دامعه هذا توفى وذا عايش معاق= وذاك شارد وخصمه تابعه والنار يشعل حماها كل عاق=ما قوتها إلا الرجال الفازعه وكل واحد يقل عاد الغلاق =نار المضلع لخصمي طامعة ايش السبب دمهم في الأرض راق= وروسهم بالافن متقامعه ماحد من الزوبعة فكر وفاق=إلا ذوي العقول البارعة ماذى جنى ذي زرع بذرة نفاق =وذي تسبب لفتنه واسعه بين الخلايق حمل ما لا يٌطاق=في يوم تلقى النواصي راكعة حرب القبا يل مشقه وانزلاق= بين الجرايم وقعر اللاسعه هل من أمل يا نصيري للوفاق = والا مواقف نراها رادعة والأمن في الشعب ما يلقى اختراق=والقوم يلقوا معيشة قانعة وكل فاسد في الدولة يساق=والمرتشي واللصوص الجا وعه والختم صليت ما طاف البراق= على النبي ذي صعد لا السابعة[ جواب الشاعر القدير محمد النصيري يالله سهـل لعبـدك بالـوفـاق=بحرمـة الفاتحـه والقارعـه وجنّبَه فتنـة النـاس الحمـاق=يامن لك الخلق تركع خاشعه وبعد يامرحبـا غَطَـى نطـاق=الكون واملى سماه الشاسعـه بمن ربح كل جـولات السبـاق=واجتاز كل الخطـوط المانعـه مصري من اهل المعاليق الوثاق=والقبيله فـي جبينـه لامعـه ياهاجسي قوم بـادر باستبـاق=الوقـت والثانيـة متسارعـه وانطم لي الرد في نفس السياق=وحـل كلماتـه المتقاطـعـه قال النصيري محمـد يارفـاق=الثار خلا العـرب متواجعـه الثار لعنـة وفتنـه واشتقـاق=واللعنه اكبرمصيبـه فاجعـه ياصبرأيوب لا ..ما الصبر طاق=ياأرض ضاقت رحاها الواسعه يامصري الشعب عاده ما أفـآق=مُحـال تلقـى أذانا"سامـعـه بنظرة العطف حدقـت إحتـداق=لعل نفسـك عليهـم باخعـه ماتدري إن التراحـم والشفـاق=مقطوع وانته عيونك دامعـه الثار ماهو مذاهـب واعتنـاق=للثار دافـع وبشـرح دافعـه مادام والجهل ملصوق إلتصـاق=بالشعـب عقليتـه متراجعـه والحقدوالغل هوسـاس إفتـراق=النـاس بالنازلـه الطالـعـه وابليس لادلهف البـواق بـاق=مايخرج إلاوهـي متقارعـه والنار تمضي بلحضة لرتشـاق=عميا ولاتدري اينـي جازعـه والـدم لـوراق بعـده باتـراق=دمـا وماضنهـا متفـارعـه هذايدورغريـمـه باشتـيـاق=وذاك هارب وخصمـه تابعـه وصاحب الدم ينسـاق انسيـاق=ونـار ثـاره بتبقـى والعـه يضل يتنشق المـوت انتشـاق=ولومعه فـي حياتـه مامعـه ماتنطفـي نـاره إلا بانزهـاق=روح اعتدت أورئآهآ نازعـه في ذلك الحيـن يتهنـى مـذاق=النوم والناس تبقـى هاجعـه ماعاد بايسرق السمع استـراق=يمشي وبيضاء ترفرف ناصعه وهكذا الثـار يُخلـق باختـلاق=الجهـل وآ آثـآره المتتابعـه والا قد الكل حاسـس بختنـاق=ماواحـد إلا ونفسـه ناكعـه لاحـظ بنفسـك إذا مـا دم راق=والناس في حينهـا متنازعـه إن كان له من واء الضهر واق=كـل القُبـل باتثورهـا معـه وان كان مال القتيل اي التحـاق=ولا وساطه ولا اسره شابعـه من سوف يآخذ بثاره واللحـاق=بقاتلـه والأيـادي الضالعـه مادام والأمن مالـه اي طـاق=ولامعـه اي قـوه رادعــه لو يمضغون الدماء بين البصاق=لن يستطيعوا يزوعوا زايعـه ياأمن ما أمن النـاس القـلاق=ياعدل وين العدالـه ضايعـه هل آن نلقي قدم أمني وسـاق=والعدل هل آن يمنحنـا سعـه أم أن شعب اليمن بيضـل بـاق=رهن المحن والمآسي طابعـه يكفيه ماقد مضى به في غـلاق=سنينـه التاسعـه والرابعـه ومانشاهد ونسمع في العـراق=من المذابـح أدلـه ساطعـه تبت يد الفسق والناس الفسـاق=واهل الفساد الأداري جامعـه ون قالـوا القبيلـه بالاتـفـاق=ضرر فقد رُب ضـره نافعـه كانـت قديماًبحـدات الــذلاق=أكبر قبيله تجي لـك طايعـه واحكامها بالمـراود والحـلاق=تمضي وكل القبايـل خاضعـه ماليوم ماهـل نعتقهـا عتـاق=من بعد ما الكل ضيع وازعـه ياليت والأمن يمسك بالوشـاق=يقمع بشـده وقـوه رازعـه لاكن عليلة مُصابـه بالفتـاق=وكل الامراض فيهـا واقعـه وكل ضابط زفيـره والشهـاق=مايآخذه غير لا املى لاجعـه لن ننهـي الثـار إلا بانطبـاق=أحكام ربي بصـوره قاطعـه ولا قد الوعـي والتعليـم فـاق=الجهل بتكون خطـوه رائعـه واتناسق العدل والأمن انتسـاق=للزام الأطراف ذي متشارعـه وكل مسئـول حـارب لرتـزاق=بصدق نيـة ونفسـه قانعـه وحاول إصلاح من حوله وتـآق=لردع كل النفـوس الطامعـه ختامها ضاق بالحرف الخنـاق=بالكاد صغنا الحلـول النافعـه عليك ياشافعـي يـوم التـلاق=صلى فؤادي ونفسي خاشعـه
| |
|
|
01-14-2015, 11:59 PM
| #16 | |
| رد : الشاعر وليد بن زيد المصري ( أبو راكان ) مايو المجيد ووحدته المباركه عبارات متواضعه اقدمها بهذه المناسبه العظيمه قال اخوقيس عنوان الهويه يماني = والوشاحات والمحزق مع العيلمانه قمة المجد والتاريخ شاهد عياني =والمحيطات ما تجهل لحمير مكانه شُعلة النصر تتوهج بروس الزباني = والبيارق رفارفها توضح كيانه قد أتى يوم نتزومل بعدة معاني = والعبارات تتلاصى بها البورزانه مايو العز والناموس والاتزاني = أشعل النور في الآفاق صرخة بيانه وحدة الشعب في آيار عبر الزماني = مالها مثل والتاريخ يشهد زمانه يالواء إب فيك المجد عامر وباني = وانت للمجد عنوانه وصك الضمانه كم فيالق من اجل الحق قدمت عاني = في ممرات وانهيته مسار الخيانه لاح بالنصر عنوانك وطاح الجباني = والمخرب بحد السيف يسقط عنانه من جبل ربي المشهور شفت المباني =زينة واحة الخضراء بيوم احتضانه عيد الاعياد متوهج بنور الاماني =في ربى الانس مستبهج وكاسب رهانه وحدة الشعب في وجداننا كل آني = والمحاول لقول الزور نقطع لسانه رغم انف الحسد والمغرضين الشواني= وحدة الشعب محروسة ودوماَ مُصانه هاجس نبض إحساسي ومعنى بياني = لانسج قول ما يفشل وعنده حصانه والف صليت مايتلوا حروف المثاني = تبلغ المصطفى طه وتوصل مكانه
| |
|
|
01-15-2015, 12:00 AM
| #17 | |
| رد : الشاعر وليد بن زيد المصري ( أبو راكان ) الاخوه الاكارم تحيه وتقدير وانقل لكم هذه المساجله التي كان سببها زامل ارسلته للشاعر خالد صالح السعيدي من ابناء منطقة القفر لواء اب حول حرب صعده تقول كلماته تحيتي يالقرن الاعصر والسلام اتقبله= مني وربعي والشماريخ المنيعه واللكام صعده مشاكل تذهل السامع وقالوا جندله= ياهل ترى ذا الجرح ياخالد يجيه الالتئام وقد تأخر الرد واذا بالشاعر يرسل قصيده حول الموضوع تقول كلماتها :- مرحب يابو راكان اقوله وانت عده واجمله= مليون بسمك حاصله تقدير مني واحترام ياشامخ القُلّه وحيا مهيدك والزومله= قافي وشَله جاتني لامقيلي والهجس قام يعلن تراحيب الزماله والمخوه والصله= قال السعيدي في رساله عطرها مثل الخُزام في شعر لوله بيض وافصاص العقيق المُرسله= مثل الاهِلّّّه لاسرت وابراجها قصر الرُّخام وابياتكم مثل الزبيب ذي قلت واطماعي ولَه= لوهن ميِّه سلَُّه وانا ادفع لك ثمنهن بالتمام غير اطلبك مهله سنه للرد لاتستعجله= فالهجس ماهله معي ذا الحين وانا وسط الزحام ماعن سؤالك فانته ادرى بالسؤال ذي تسأله= حسبي تفاصيله وانا لاقراء ولافهم بالكلام وان قلت لاحوله ولاقوه سوى بالله وله=ماراد باحكامه وعدله من معارك واصطدام والحق واهله شق مؤمن في حلول المسأله= واهل الضلاله شق مؤمن بالعداوه والخصام ما الحرب إمًّاحرب من اجل المبادىء سجله= واجب مقدس واجعله ياخي وليد ظمن المهام وامًّاعماله قد يغرك ثوبها ذي تغزله= بسم الوطن واصل النذاله تحت دسمال اللِّئام ماحرب صعده فالدلاله واضحه من أوله= داعي الطوايف قل عقله ذي دعانا من رزام واقبل بجمله فارسيه قد نجادي مًّوله= فيها وقلًّه حرب شيعي طايفي يابن الامام والسيف والبغله علينا وان طلبت القنبله= والصعق شله ياحمر العينين فالهيبه تمام ذا الحرب تحليله على الظاهر سمعته وانقله= من مصدرالدوله لكم وان كان والصدق التزام فالحرب كلًّه بين عشاق الهوى والديوله= واهل الكراسي بالوكاله ثوروا قبل الهيام حرب المحنش والحنش والخاتمه قد يقتله = لاماتهياء له سوى ها والتحيه والسلام يانهر دجله والمحيط الاطلسي ذي ساحله = جاني بتمويله من قداك والصبح باين والضلام الجــواب سطح القمر حوله محطات الحروف المذهله= ترسل وتستقبل وصوله صاحبي باعلى انسجام والحصن والتله وحيد اعماد قام استقبله = والارض مشتله وتقديره وزن شامخ ريام شاعر وله صوله وجوله والادب مايجهله= أصله وفصله من رجال الموت وانسال الكرام ابن السعيدي قد محله في الكبد ذي داخله= فُله وبستانين والقصر المشيد له مقام حيا ببوخولان خالد ذي تغذى بركله = من بحر موجاته عتيه تلقي الشامخ رُكام أرسلت له زامل وقوله قد تعدى مرحله= وطالت الرحله وانا فكرت له بالانتقام أزداد في طوله وثُقل الحجم كنت اتخيله = في وزن مجموله مية مليار ياخالد جرام وهل مرسوله وجا بالرد تاج المخوله= ذي حل مدلوله وسط خانات لحمي والعظام شاهدت تفصيله وبينت السبب ذي اجله= فالسيل من قوة زجيله لاتأخر ما يُلام والحرب بانفتح سجله والامور المقفله= تحليلها يحتاج نقله من ثرى صعده وسام شباب مؤمن يستغله ظلم كاهن خوله= للقتل بالنبله وبالخنجر وفي حد الحُسام مايردعه جهله ولا يختل فكر المرذله= من راس قد شُغله دمار الارض واعدام الانام تفكيرهم ضِله قد استشرى وصارت بلبله = في ارضنا عله وصار الصف يلقاه انقسام افكار مختله تبث السم واصبح معضله= شيعه وهم قله وكلاً يفتي الثاني حرام فئات تتقسم بحاله ياصديقي مخجله= وارض اليمن صاله لتوسيع الطوايف والمرام فروق بالملة وزيدي شافعي والحنبله= حتى السلف واهله وزاد المبتدع فك اللجام دستورنا القرآن قاله حي قادر وانزله= على محمد والرساله بددت عصر الظلام قال المثل قوله بإن الرمح يطعن باوله = ومن ظهر فعله يذوق المر من كاسه ونام واسباب مجهوله وعاد اسباب عده واصله= كلين تأويله على ماجاه من وسط الخيام لكنها بكله تحملها اليمن ذي كاهله= قد ضاق من حمله وكم ياهم يحتاج اهتمام والمعتدي حبله قد اتمزق وصفه خلخله= وداعمة ذله وجنده اعلنوا بالانهزام والريش مبتله لنظم الشعر حول المشكله= وهاجسي شُعله ويكفي لاهنا كان الختام والختم باصلي على طه ذي الله فضله= صلاه من قلبي تزوره توصله بدر التمام 3/6/2007م وتقبلوا خالص التحيه والتقدير
| |
|
|
01-15-2015, 12:03 AM
| #18 | |
| رد : الشاعر وليد بن زيد المصري ( أبو راكان ) بــدع وليدالمصري مرسل للشاعر محمد مســاعد الجيــل الصاعد يا الله ادعيك يامنشي طعوز السحايب=تغفر الذنب تغمرني بفيض الاجابه اعف عني وجنبني شرور المصايب=وارشد العقل يامنان مسلك صوابه يامسافر على الدهما كحيل الحواجب =بارق السير ذي تنجيك وقت الحرابه وجهتك سانيك بالخط لاكنت راكب =صهوة الخيل تتعدى ضواحي رصابه تعبر البر ذي مافيه تلقى متاعب=سفح صنعاء على الوديان فرقع ضبابه توصل العاصمه آزال حيث الكتايب=رابطه في تخوم الارض مأوى رحابه حاميه شعبنا المغوار وقت الزوايب=درعنا الواقي المعروف فيه الصلابه باتصل عند اخو خالد حزام الحرايب=ذي للاصحاب طول الدهر مفتوح بابه مرجع العرف ساس العز في كل واجب =ضيغم الغاب ذي سيطر على كل غابه بايحييك يامرسول من قلب راغب=وانت قله قد المصري بعث لك كتابه قال اخوراجي البداع شفت العجايب =في زمان ارتقى بالشكل معضم شبابه اه ياحسرتي من جيلنا ذي مواكب=موضه العصر والافكار لاقت إصابه اللحى لاتجد والوجه من دون شارب=والحواجب تٌقص والسلس داخل رقابه ضغط ملبوس واصبح منضر الشاب عايب=والحلق في يده والثدي يشتي حلابه وان مشى مثلما ربات حٌسن الكواعب=ضحكته واصله مايرغب الاالدعابه ليش جيل اليمن ياقهري اليوم خارب=منظر البعض ياللعار سبب كآبه اهمل الدين والعادات وايش السبايب=هل من الجيل من يعقل وراجع حسابه العدو في ارضي دولة العٌرب غاصب=دمر اقطار في الساحه وكشر نيابه والعرب دمهم يٌسفك وقالو مشاغب=آه من وضع صار الحق جٌنده غلابه كم تحدي وكم اخطار ياجيل غايب=عنه الوعي لكن صحوته للربابه وايش باقول لن القلب قد صار لاغب=يكفي الشرح لاسلطه ولاعد رقابه فسر القول ياعزي بموجب وسالب=اصبح الجيل بالموضه رتايل عصابه والف صلو على المختار ما المزن ساكب=من يحب النبي صلى ويكسب ثوابه جــواب الشــاعر القدير محمد مســاعد يالله ادعيك يا خالق جميع الكواكب=يامن الخلق تترجا وتطلب ثوابه اغفر الذنب عبدك جاك يالله تايب=انت يامن تجيب العبد وقت الطلابه بعد يا هاجسي ترحيب من قلب راغب=بالرسول المقنع ذي نزل من ركابه ذي قطع رحلته واجتاز كل المصاعب=وصل اقوال أخو راجي ووصل خطابه من شوامخ نقم باقول له يا مراحب=ما دكم راعده والسيل يسكب سكابه ليث لاقد هجم يهجم بحد المخالب=يقتل الخصم ويقطع وينهش بنابه له في الشعر مذهب من حسين المذاهب=كل من يسمع اقواله وقف واقتدابه من عنوس اسعد المصري من اعلا المراتب=وانتقل لا بلاد اعماد روس الشعابه حل فيها واسس حصن بالعز لاهب=نسل الاجياد ذي كل القبايل تهابه بعد يامرسلي قم شل ردي وحاسب=واجزع الخط ساني مانريد الحنابه با تصل عند بيت الطيب وابن الاطايب =مكرم الضيف لا قد جاه ضيف اعتنابه اهده العطرذي فاخر من اغلى المضارب=رش داره ومطراحه ورشرش ثيابه والتحيات لا تنسى بها اعز صاحب=قله البدع قد جانا وهذا جوابه بواسامه يقول الوقت هذا غرايب=مثلما قال اخوراجي فكله غرابه الف حسره على جيل اليمن صار سايب=يوم تشبه بطينه غير طينة ترابه بدلو باللحى زنار بالوجه حانب=والشوارب بتنتف نتف والراس طابه بدلوا بالجنابي والنصلّ والمقاطب=جنز مظغوط والعوره تُرى من جيابه وان مشى صدق يتمايل على كل جانب=مثلما البنت ذي تسحب خطاها سحابه لبسه اصبح مشابه للنساء او مقارب=ما عد الناقص الا البالطو والحجابه طول وقته يضلي في الشوارع مراقب=وان رائ بنت في الشارع تسيّل لعابه نسيوا ان اليمن في قمة العز ضارب=والعروبه اساسه من زمان الصحابه جيل من هذه الاشكال هو جيل خايب=شوهو باليمن ذي ما يساوو ذبابه جابو افكار غربيه صنعها الاجانب=لاجل يمحوا تواريخ العرب وانتسابه شوف وضع العرب في موطن العُرب قاطب=وضع مقلوب ياخوا راجي اصبح قُلابه كل موطن من اوطان العرب صار حانب=من زرع شر يحصد شر وقت الصرابه لا تقلي ولا اقلك قد الراس شايب=لو نويت اشرح الموضوع كم يا كتابه من تساهل بدين الله يلقى العواقب=هي عواقب وخيمه يوم يلقى عقابه ذا جوابي وتفسيري لمن جاء معاتب=صح ما قال والتفسير ايّد عتابه والصلاه تبلغ المختار سيد الحبايب=هادي الخلق سعده من مشى واقتدابه
| |
|
|
01-15-2015, 12:06 AM
| #19 | |
| رد : الشاعر وليد بن زيد المصري ( أبو راكان ) مآسي حلمي الغالي ابيات تعبر عن مواقف يخيب الظن فيها .. وما ابشع ان يخيب الظن في من يرتفع قدره .. الى الابيات المتواضعه .. زماني يا زمان الويل . قتلت أحلامي الكبرى ،،،، ،،،، ودمرته رواياتي . بغمضة عين يا ماكر حكايات الزمن فعلاً. معي تستوجب الصبرا ،،،، ،،،، ومُر الواقع المؤلم يبين كل متآمر بقلبي قد رسى حُلمي . وانا حققت به نصرا ،،،، ،،،، ولكن نصري الزايف . جعل من موقفي خاسر زرعت الورد واهديته . وانا يهدوني الجمرا ،،،، ،،،، لماذا يا زمان الويل . محصول الوفاء دامر فؤاد الحر ما يقبل . حياته تنقلب ذكرى ،،،، ،،،، لأنه ماقد استسلم . ونجمه في السما سامر عجب يا دهر متقلب . قلبت المخصبة صحرا ،،،، ،،،، وغيرته مناخ الجو بلحظة موجك العابر لكم كانت معاناتي . على مر الزمن جهرا ،،،، ،،،، وصبري كنت آمل به .أمل يستنظره صابر وطافت بي عواصفهم . ونار العاصفه حمرا ،،،، ،،،، وقلبي حُزنه استأصل . محاسن ودي العامر ويا لهاجس ترفق بي . ونظم لوحة الشعرا ،،،، ،،،، وعبر عن زمن عايب . غدر بالمصري الشاعر
| |
|
|
01-15-2015, 01:01 AM
| #20 | |
| رد : الشاعر وليد بن زيد المصري ( أبو راكان ) بدع من الشاعر ابورعد محمد قصيله مرسل لوليد المصري يارب عفوك غايتي واكبر حلم بينحلمه = فلطف بعبدك ذي طرق بابك وفي قلبه ندم مخطي وقد زل الخُطا منذا سواك بايرحمه = لا ارتد نحو الصايبه من بعد زلات القدم ماله سوى نورك هدى وسط الدروب المظلمه = لايحمل الباطل و هو في غيهبه بين الظُلم بزّه ونزّه مهجته من كل فكره هادمه = واغسل فؤاده بالبرد والثلج واكشف كل غم يامن على العرش اعتليت سبحان شانك معظمه = واتحمدّك واتشكّرك مااحصى كتابك والقلم واستغفر الله العظيم حقاً ونفسي نادمه = قد غرها طول الامل واعمى بصيرتها الزّخم واستغفر الله العظيم عد النجوم الهايمه = عد الكواكب والشهب والموج في البحر الخِضمّ واستغفر الله العظيم من ذنب غيري نجّمه = وامسيت مذنب به وانا ابو رعد ذي مَقْرُب وخَم واستغفر الله العظيم واتوسّله واستلهمه = يلهمني الصبر اصطبر وادفن وقيدي والحمم من بعدها ياهاجسي ويّاك لين الخاتمه = قد قلبي المسكين له عامين جرحه ماالتئم من يوم جرحك للمخا واليوم مثني تألمه = سببت في جرحي انا وانا العزيز المحترم قال الفتى ابو رعد أحّ ، من فوق صدره رازمه = يشوي فؤاده حرّها ، زاقم لها فوقه زقم بصّم عليها داخله رغم انها متحمحمه = لكن قده صبره على نفسه ولا صبر الامم ها وانت قم ياطارشي يابو الصقور الحايمه = مد الجناحين وانطلق واعزم مع من قد عزم برسل معك مظروف قد خطّه فؤادي من دمه = فيه النتيجه والسبب والكارثه وامر السقم لاعند من له عندنا قدره وعرفه يلزمه = بالحق مامنه يحيد وانا مجوّز ماحكم ابو ركان الفذ ذي حاز اللقب والاوسمه = والقدر عند اهل الادب والشكر والعرفان جمّ مني ومنهم كلهم للدعم ذي هو يدعمه = مخصوص له في صفحة الديوان ذي لملم وضم والفارس المقدام بايام الوغى له ملحمه = والصاحب الجيد الوفي من سايره ماجاه هم قله محكم لك وذا تحكيم مطلق برقمه = فيما صدر مني ! وما جاني ! بكمّه والرقم منك والاشول ذي قهر قلبي وزاد اللايمه = واهل الذكاره كلهم باسم المروّه والقيم ذا والقضيه شرحها قد واجب انك تفهمه = وتحلل القافي بما قد خص في شرحه وعم حاشا عليا وانت ذي عارف صفاتي والسمه = وانا ولد ذروت اسود الغاب كمّن حيد صم كمن جليل القدر في حكم الشريعه عيلمه = ماسك زمام القبيله في قبضته منذ القدم والعرف واسلاف القبل محفوظ داخل صمصمه = كلا وله طبع الشهامه والمروّه والكرم واليوم كلّن يفتري باقوال فيها غمغمه = فيني ، ويشحذ شفرته والمرهفات غيبه ونمّ ماكنت اظن اهل الادب بالهكم هذا تهكمه = دقوا بغير الجرن حُمّا ، وانزلوا كل القمم وامسيت في صدري لظا نيران سودا ضارمه = والكون باوساعه قَفِص ،والراس في حيره نعم بين القصيده والوجع ذي بومحمد ترجمه = شكيت في نفسي وانا مالي في الرايه علم الله يجازي ظالمي بالخير لا عاد اظلمه = ذي حطّني داخل قفص مظلم وقيّدني ودم لو شافني وانا الفطِن مجنون اهذرم هذرمه = من فعل هول الكارثه مااظن يجزم !واِن جزم: يبقى مشكك بي فباقول القيامه قايمه = والحشر والبعث اقترب للناس والميقات تم والشمس من غرب اشرقت وارياح صرصر صارمه = هزّت وشلّت واقلعت ، والموج بالموج التطم يابوركان انت الحكم قايس لحكمك واحكمه = وانا مشرّف ماحكمت اليوم وابصم لك بدم قلنا ندوّر عن شباب اليوم من ذي سممه = من حط له وسط العسل سم المياعه وانتقم : مني ومنك والجميع ،، كلّن يشوف السينمه = محد رفع نقطت نظام والصف فاشل ماانتظم واما المعارض في حيا ،، يطلع وينزل دعممه = وان قال ، لمّح من بعيد ، ماحطها وسط الالم وان جا الذي يطرح يده حيت الوجع قالوا لمه = ياليت شعري ليّحين يشتوا نظل واحنا بقم صماً وبكماً كالدواب واحساسنا نتكاتمه = مابيننا تحت الضلوع ، ذي حاربوا كل القيم واستشري الفحش الزري باوضاع كانت معدمه = في مجتمعنا الطاهري ذي كان للبارح سلم واليوم اشوف ان الشباب يمشوا بظلمه معتمه = ماظون نحو التهلكه ، قد سُيّروا مثل الغنم وانتوا تقولوا لي لمه تنظر بنظره قاتمه = من زاويت ستعش والدنيا عوافي والنِّعم باقول ياذي لمتني شرّف وزور العاصمه = وانظر بعينك وافتني فيما رأيت كيفا وكم كمن فتى في هيكله تشتي من الغيض تعدمه = قد خير له بطن الثرى من ضهرها واقسم قسم ولد حميد قال انهضوا يهل العقول النايمه = عاد الفتيل في أوله ، والوضع عاده مااحتدم من قبلما سيل العرم يدهم بقوه عارمه = ذي بايشل اليابسه قبل الخضيره لا دهم تميت قولي ياوليد وانت الملبِّص تممه = والرد واجب منكم حسب اللوايح ما و لم واختم بطه سيدي ذي خص ربي واكرمه = واله وصحبه مادرس دارس بصفحات الخِتم جواب وليدالمصري ياحي قادر مقتدر غيث البلاد المحطمه= يامن خلقت الكون والكائن خلقته من عدم سالك الهي نجني يوم البشر متزاحمه= مالي سوى عفوك طلب لاتخزني بين الامم قال الفتى خو قيس يا سرب الطيور العازمه= هذا جوابي قلت به ماحد على باطل كتم ياكم من الواقع شكا قلبي والاجوا مظلمه= لاقلت له هذا خطا كلا ولا اعطيته نعم لكن شعري دائما ذم الطباع الجاثمه =في مجتمع كان الوفاء موجود واصحاب الشيم والقبيله ياباطلي فيها ايادي آثمه= ضاعت بذنب افعالهم واستفحمت في كل يم كل المشاكل سببت صمتي بصوره دايمه=والشعر جمد وارده ماعد مع قلبي نسم وهيج اشجاني فتى باوتاره المتناغمه= ملزوم اجاوب صاحبي على الضروري والاهم لنه محكمني وانا باقول فيما قدمه= حكمي وانا اعرف ماجرى والعرف له فيني عشم حيا ببو رعد الوفي كتفي وانا له معصمه= صاحب محنك وافتخر بعود له بالانف شم ومعدنه جوهر نقي والشعر هو له ظيغمه= معروف عند اهل الوفاؤ بورعد يالحصن الاشم وابو محمد يانمر لشول قد الله شيمه= وان جات منه ينصحك لانه من الناس الجهم انته بعينه كالجبل ذي يئلمك هو يئلمه = شاعر ولك قدرك وهو يعرف ترانيم النغم مسعد ولد صالح ترى مارق طبعه وانعمه= لو به من امثال الاسد مابه على الدنيا زيم ابو محمد نجمنا له قرن ماحد يزقمه = وقلبه الصافي مع معلاق قلبينا اللتحم وهكذا ياخو فؤاد موضوعكم بانرسمه= واعطيك صوره واضحه لهاجسي فيما رسم يالعنبو زي الشباب يالعنبو ذي صممه = يا للاسف فيما نرى عصر المغاوير انهدم شباب جاهل منتهج نهجه بضل العولمه = يسرح ويمرح دونما رادع وامره ما احتسم في منظره شفت الخزا عله وقالو هندمه= تقليد واطي للاسف من بعض افكار العجم واين الشباب البارزه بالعرف وين القيحمه = العز فيهم دائما والشعب فيهم ما انهزم ذي ما تنكر وضعهم واشكالهم متضرجمه= ماظن به عنده حيا والجهل في صدره جثم النصح واجب مننا لهل العقول الغاشمه= حسب الشريعه والسنن من اجل براي الذمم وما صدر في قولكم حروف حمرا قاصمه = تشق صدر الشامخه وصمها يرجع حصم سلبي وايجابي بما شفنا الحروف الطاهمه= ومن تصفح بعضها ياصاحب الفكر انصدم وامست تفاسير الحدث في بعضها متصادمه=وبعضهم قد صارحك والبعض بالصمت اللتزم والنقد واجب في الادب واقلامنا متلازمه = والكفو يقبل من شجب حتى يوضح ما ابتهم وكل معنى به غموض في بطن من هو خاطمه= لان التسرع دائما ما ينتج الا كل ذم ياعزي الوضع الردي بعده عصابه ناقمه = من كل مسلم ملتزم ماعاب في دينه وخم وغزو فكري مستمر مشاكله متراكمه = ضحيته جيل الوطن ذي للمواويل انسجم وضحت لك وجهة نظر حول الوجوه الناعمه= عقول تمضي في خمول والراس في قمة صنم والان واجب يوصلك حكمي براس القايمه = والمعذره منك اذا قصرت فيما قد لزم زليت في نقطه فقط في شرح قصه عامه= واعطيت من عندك دواء يضفي على العاهه ورم ومعظم ابيات القصيد كانت قوافي سالمه = تشكر على مضمونها نقولها من من كل فم وابو محمد ما انتقد غير الحروف العاثمه= ذي انتقدها المجتمع يوم شاف موضوعك هجم وهو لشخصك محترم وانت دوما ناشمه= فانتو قبايل شاجعه بتمثلوا راس الهرم حكمي بانك في الادب حزته مكانه هامه= مهما يعبر هاجسي بيضل في وصفك قزم وآلاف اصلي عالنبي خير الورى بو فاطمه = مالبرق يلمع لا الثرى والرعد من قبله نهم 22/5/2006 | |
|
 |
| Bookmarks |
| الكلمات الدلالية (Tags) |
| أبو , المصري , الشاعر , بن , راكان , شيخ , ولدي |
| Currently Active Users Viewing This Thread: 1 (0 members and 1 guests) | |
| |
مواضيع مشابهة | ||||
| الموضوع | الكاتب | المنتدى | المشاركات | آخر مشاركة |
| تعالوا رحبوا بالشاعر القدير وليد المصري | روح السراب | حريب بيحان حياكم | 26 | 01-17-2015 09:15 PM |
| بدع الشاعرابو سيف الدياني العولقي وهي مرسلة الى الشاعر وليد بن عبثان الاسودي | روح السراب | قناة حريب بيحان " يوتيوب " | 8 | 09-22-2014 09:44 PM |
| من قصائد الشاعر راكان بن حثلين | ذري قحطان | حريب بيحان للشعر المنقول | 0 | 11-14-2012 05:12 AM |
| المساجله الثانيه بين الشاعر وليد لن عبثان والشاعر توفيق عبدالله | توفيق عبدالله | حريب بيحان الشعر والموروث الشعبي | 11 | 09-04-2012 09:36 AM |
| نص البدع الذي بيني وبين الشاعر وليد بن عبثان لسودي | توفيق عبدالله | حريب بيحان الشعر والموروث الشعبي | 11 | 06-17-2012 06:03 AM |
