ديوان الشاعرة العمانيه أفراح الصالحي

أفراد , الصالحي , الشاعرة , العمانيه , ديوان

ديوان الشاعرة العمانيه أفراح الصالحي

الشاعرة الصالحية هي من أهم الأسماء الشعرية النسائية في السلطنة
ومن الكاتبات للقصيدة النبطية
والحاضرات بقوة على مستوى النشر والمشاركة في الأمسيات
وتعتبر الترتيب الخامس في افضل خمسه شعراء في سلطنة عمان
ومن اعمالها الادبية ديوان امرأة من ضجيج
وتقدمت للمشاركة في شاعر المليون النسخة الرابعه
واجيز النص من قبل اللجنه لكن ظروف خاصه منعتها من المشاركه

[align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center]

خذاك الوقت .. وش باقي سوى حزن وألم قرطاس
مشاعر تسكنك ..صارت غريبه / حيل مختلفه
شعور أقسى من الغربه .. يخالط فيني ..ذي الأنفاس
وترحل ؟ ياعسى الحاضر .. يلم دروبنا صدفه
طلبتك .. والخطأ ..مرمر ضلوعي بكل ساس وساس
تمر أعذاري تتسابق .. تزف الروح متأسفه
أحسك في متاهاتي .. دفا ..ألطف من / النسناس/
وصمت البوح يسندني قهر وانساب من كتفه
بظل أرسم تفاصيلك .. / مرايا / في .. وجوه الناس
وأتنفس رياحينك . . شذاك العذب .. أرتشفه
عرفتك شاعري طبعك .. وكلك طيبه واحساس
نسيتك ؟ .. لا نساك الموت .. أنا النسيان ما اعرفه
تذكّرني .. خضر دربك .. إلا منه .. طغاه يْباس
وعيّشني الفرح لحظه .. وسكّن داخلي لهفه
تذكرني .. قمر ليلك .. تلحّفني .. فرش ولباس
كفيف العشق .. في نبضه .. هموم كثار ملتفه
تذكرني .. في جلساتك .. تخيلني معك .. (جلاس)
عيوني من سبب صدك .. عليك الدم .. وتذرفه
رجيتك . لو حلم أغبر ..أطوف بعالمك..وسواس
اهو ذاك الأمل فيصل..مابين / الموج والضفّه /
تعبت أتقمص الضحكه .. أضحّي واعتذر (لاباس)
تغادر كوكبي .. واصبح كما (الأطرش وسط زفّه)
(وانا شحّات في بابك) .. رصيدي في الوصل افلاس
متى مريتني .. ارمي .. عليه / الرحمه/ في كفّه

[/align][/cell][/tabletext][/align]

[align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center]

دقت الساعة الأخيرة .. وابتدت ( رحلة كفن )
سل عزرائيل سهمه وارْتدَت روحي جناح
ماتت أجهزتي وأوردتي .. وأعضائي ( غفن )
سلمت روحي الحبيبة وانتشر عطري وفاح
انتهت رحلة حياتي بعد ماسنيني اكتفن
ضمّنت خيري وشري .. واحتوت جد ومزاح
ساكنة كل الجوارح والشرايين اوْقفن
والملأ .. إلتفوا حولي للبكاء وللنواح
ودي أصرخ بأعلى حسي أو أحرك هالجفن
اختلط حالي بحالي .. والدمع فوقي وساح
زارني "إبليس" .. يتسلل بكل خفة وفن
ضحكته .. غصة أليمة .. زادني رهبة وراح
أسمع الأصوات جنبي .. بس شمعاتي انطفن
أنده أهلي / أقربائي / لا مجيب لهالصياح
غسّلوني وطهروني وجملة أخطائي انزفن
يحرق الماء هالجسد اللي شكى مشهد ذباح
كفنوني بالبياض .. وخلفي أصوات اهتفن
حملة التكبير حولي تنقلب خوف ونباح
احملوا نعشي وساروا والمداين ضيفن
ضمني .. أنقاض حفرة من بعد ذاك البراح
اختفى حفّار حبري .. وجسمي في اللحد اندفن
اتركوني للعويل // وودعوني للجراح
تنهش الديدان جسمي وصاب هالجثة عفن
ضيّق اللحد بعظامي ,, صوت : ( حي على الفلاح)
يبست أنهاري وجفت .. باقي أجزائي اختفن
تلعب الأمطار فيني والعواصف والرياح
ليتني ماكنت إلا كومة تراب وزفن
لينت ماشافت عيوني لا مساء ولا صباح
ربي اشفع لي الخطايا .. اظهرن ولأ خفن
أطلبك ربي ثواب وارتجي منك سماح

[/align][/cell][/tabletext][/align]

[align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center]

تسألني!!.. أنا من هي ؟..أنا فوق التصاوير
تبي تعرف ؟؟ أجل اسمع .. أنا للحب توّاجه
أنا وعودي أنفذها .. بلا زيف وطباشير
أنا نصفك..أنا نبضك ..شعاع النور وسراجه
أنا كيدي (تترجم له) .. تفاسير وتفاسير
ولكن .. داخلي طيبه .. تكفّي امّه محتاجه
نعم انثى ..و (افكاري) تعدّت هالأساطير
ولالي في الزمن مصلوح .. أنا في الدنيا وهّاجه
أسدّد لك و(انا امك)من جراحي فواتير
أخاوي الهم لعيونك..واحمل عنّك ازعاجه
(أنا اختك)..إلى امي فضل..قدوه وتأثير
( سنادك ) لو يجير الوقت .. عزة راسك وتاجه
(أنا مرتك) ستر ليلك ..معي تقضي المشاوير
أكمّلها حياتك حب ..وفي عالمك ديباجه
أنا زينة حياتك .. جيت أزفّلك تباشير
(أنا بنتك) ..أنا البسمه ..صلب ظهرك وانتاجه
أنا حواء .. قاروره .. فـ (رفقا بالقوارير)
كذا جاكم (ف) حكم الله فطيعوا حكم منهاجه
نعم انثى..نعم انثى..نعم انثى..وعسى خير
يجيلك يوم تذكرني..وتشكرني..أقل حاجه

[/align][/cell][/tabletext][/align]

[align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center]

ليله ممطره .. تحضن (عواصف) في صدرها و(برق)
وانا لازلت .. أحيا وسط أوراقي وألعابي
طرق راس السنه بابه وعلى قلبي .. قويت الطرق
يجي طيفك على مهله .. ويوجز كل أحبابي
أخذني في متاهاته .. سرقني من يقيني سرق
وعوضني عن الماضي وواسى فيني بغيابي
كثير كثير مروني .. جنوب/ شمال/غرب/ وشرق
كثير تيتّموا حولي .. وانتحروا على أهدابي
ولكن بيننا فرقى .. واحساسي معك يفرق
سنين .. وكنت أمثل لي صديقاتي .. وأصحابي
أنا مابين أوجاعي وأتعابي وبين الغرق
يئست أتحمل غيابي وأحلل كومة أسبابي
تخيل اني أرسل لي مراسيلي بحمام الورق
تخيلها حماماتي .. ترد مهزومه في بابي
نويت اليوم أخرجها عساها الحرق .. عساها الحرق
عسى تبدأ السنه.. دامك رضيت تشيل أتعابي

[/align][/cell][/tabletext][/align]

[align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center]

اكر يشيّع لجلي قبر وتوابيت
أربع زوايا..فوقهن يحملنّي
باكر بتسأل عني جدران هالبيت
و المرجحانه ..تنتظرني أغني
خلاني/..أحبابي/..صديقاتي/..؟؟ماريت
ماغير أهلي ودهم بس حضني
باكر إذا مني رحلت وتوفيت ..
أرجو السموحه للي عطفه غمرني
تكفوا اعذروني لو على البعض أخطيت
يمكن ظروفي ع الخطأ أجبرتني
تبغوا الصراحه:بس يكفيني مليت
وش فايده أحيا بدنيا اهملتني؟
مارحت أشري للسوالف ولا جيت
بس السوالف كلهن اشترني
استغفرت ربي/حمدته/وصليت
للخالق اللي طيب قلبِ وهبني
تخنقني غصه كلما اصبحت وامسيت
في عيني عبره بس من داري عني ؟
عشريني..اللي جاهدتهن واصريت
من بعد ماأمنتهن اخذلني
ياما ف حياتي السعاده تمنيت
بس اطعنوووني بلا رويّه وتأني
ليت الحقيقه تنفع ب لو أو ليت
لفني حياتي كلها بالتمني
وان جيت أعبّر واشبك البيت بالبيت
قالوا:استحاله.. غرهم صغر سني
مايدروا اني بالقوافي تغنيت
وان القصيده هي شعوري وفني
ياهييه ياللي تدّعوا:اني جنيت
احساسي قبل اني أكتبه كتبني
كنتوا تلعبوا لعبة النار بالزيت
اللي بأثرها ناركم احرقتني
وقالت لي امي لو على الدرب زليت :
سمعي المثل :ضرسٍ ضحك لي خدعني
اوراقي الغبرا جبتها وتعنيت
تكفوا احفظوها لنّها قطعه مني
باكر بتنسوها ولا كني وصّيت
منتوا نسيتوني على طول..أظني

[/align][/cell][/tabletext][/align]