 |
 |
| |
آخر 10 مشاركات
|
 الإهداءات | |
 |
| | LinkBack | خيارات الموضوع |
04-01-2013, 03:57 AM
| #1 | |
 |  ديوان الشاعر ابراهيم الوافي [ALIGN=CENTER][TABLETEXT="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][CELL="filter:;"][ALIGN=center] . [/ALIGN][/CELL][/TABLETEXT][/ALIGN]  هو الشاعر إبراهيم أحمد الوافي, من مواليد ينبع النخل بعام 1969م, يحمل شهادتي البكالوريس في اللغة العربية, والماجستير في الأدب العربي من كلية الآداب بجامعة الملك سعود. هو كاتب يحرر زاوية أسبوعية في صحيفة الرياض بعنوان «ظل آخر...» كل يوم خميس. كما أنه أحد الدارسين الذين شكلت قراءاتهم وبحوثهم الصحفية في الموروث الشعبي مراجع لإصدارات متعددة, وهو مؤسس شبكة الشعر المعاصر على شبكة الإنترنت. حصل على جائزة الإبداع الشعري المقدمة من جريدة الرياض لعام 2001م, وكان المسؤول عن بيت الشعر في نادي الرياض الأدبي في الفترة من 2005- 2008م, وقد شارك الوافي في العديد من الأمسيات والمهرجانات الشعرية، في البحرين والكويت والأردن وسوريا ومصر. كُتبت عن تجربته مجموعة من الدراسات لعل أهمها القراءات النقدية للدكتور علوي الهاشمي عميد كلية الآداب بجامعة البحرين في الفصل السابع من كتابه (التعالق النصي في الشعر السعودي الحديث). وقد شكلت مجموعته الشعرية الثالثة (سقط سهوًا) مرجعاً هاماً لكثير من الدراسات العليا (ماجستير ودكتوراه) ذات العلاقة بتوظيف التراث واستلهامه وتمثله، وقد جاءت المجموعة ذاتها كمشروع لرسالة دكتوراة. ترجمت قصيدته (الرياض) لأكثر من لغة (اسبانية / انجليزية / ألمانية). ومن إصداراته: - رماد الحب مجموعة شعرية 1989م (مطابع أطلس لللأوفست) - رائحة الزمن الآتي مجموعة شعرية 1997م (النادي الأدبي بالمدينة المنورة) - سقط سهوًا مجموعة شعرية بطبعتيه الأولى في عام 2000م والثانية 2010م (مؤسسة البلاد للطباعة والنشر) - وحدها تخطو على الماء 2004 م مجموعة شعرية (دار المفردات للطباعة والنشر) - أعذب الشعر امرأة 2006م مجموعة شعرية (دار المفردات للطباعة والنشر) - وحيدًا من جهةٍ خامسة 2008 م مجموعة شعرية (النشر المشترك بين المركز الثقافي العربي ببيروت والنادي الأدبي بالرياض) 7- فيما رواه 2009م مجموعة شعرية (دار الكفاح للطباعة والنشر) 8- رواية رقيم 2009م (مؤسسة الانتشار العربي للطباعة والنشر ببيروت) 9- رواية الشيوعي الأخير 2010م (مؤسسة الانتشار العربي للطباعة والنشر ببيروت)
]d,hk hgahuv hfvhidl hg,htd | |
| |
|
04-01-2013, 03:58 AM
| #2 | |
| غياااب ..! [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] غيااب .. وتوقف الذكرى على حدي [/align][/cell][/tabletext][/align] وقف ضدي يمد بقسوته حبل الأصيل اللي فباب الليل لضلوعي ترك جوعي أنادي من ورى صوتي .. وفدموعي مرار الملحْ .. انادي .. من ورى صوتي : ( ابيك الحين ) ابي .. ألمسك فعيوني ومايحرق جفوني ملح وابي القاك وسط الليل ساعة صبحْ تقوليلي .. عن اللي قبل ما احبك ( يشوفونك ) عن اللي بعد ما احبك ( يخافونك ) وعن حزبين : جماعة ( حرف ) تكرهني ( يصافونك ) جماعة ( صدق ) ترحمني يجافونك أبيك الحين قبل ماتسافر السكين في صدري وفي شعري بقايا فالْ : يقال اني جمعتَ الليل على خدود العذارى خالْ وغنيت القمر موال وان اللي تبي ترسم ملامحها قصيدة باول الدفتر تبيتسهر وتنسجني عليها شالْ أبيك الحين .. أبي يدي نسيت إن القلم فيها وإن الطين .. ذاك اللي تروّى بالمطر مرة رسمنا فوق ( رَوْبُه) قلب وكلمة حب وأول حرف من اسمي وآخر حرف من اسمي نسي وجهك .. ولكنه حفظ رسمي ابيك الحين .. وانا موج البحر مدي بديته بأول شجونك بديتك صوت نسي في دفتر حضورك حروف الموتْ وعاش افجنة عيونك ابيك الحين مسافة بين ماكنتي .. قبل عهدي مسافة ماكتبتك حرف .. ظلّتْ نقطته يدي ابيك الحين حنين سنين عذاب اثنين ماابغى توقف الذكرى على حدي ..!
| |
| |
|
04-01-2013, 04:01 AM
| #3 | |
| إحصائية العضو [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] إقرأني هنا [/align][/cell][/tabletext][/align] 0 بينهما .. حضور الغياب ..غياب الحضور ..! 0 بانتظارك ..! ( 2 ) 0 بانتظارك ..! ( 2 ) 0 وحشتيني ..! 0 فيما رواه ..! فراااغ ..! فرراا غ .. وكيف ابو صف لك عن اللي لاسمعتيني يهدّ الانتظار اللي بنيته بأول الأحزان صحيح .. إن القلوب أوهى من احساسي وتكويني وصحيح إن النصيب أقوى من الأحلام والأشجان أحبك .. بس ماربي موفقني تحبيني واقفِّي بس ماربي مقدّرني على النسيان تقولي لي متى تامن .. وتتركني على ديني بودّي بس كيف آمن على ديني من العصيان سوالف نصها يكفي .. يموّتني ويحييني ويبقى نصها الثاني نصيب الشك والبهتان عرفتك هدنة شعوري ..على كيفك تراضيني وإذا زعل الرضا مني .. رضيتي والرضا زعلان أجي ودي عناقك .. بس .. خايف لاتصدِّيني واجي ودي فراقك بس .. ( ضحكة صوتك ) الفتَّانْ تضيِّعني ورا حزني .. تدوّخني .. ترابيني وأجي مديون من غلبي .. وانا اللي فا لأصل ..ديَّان مسافة بيننا هلحين .. لكن بينك وبيني تضيِّع نفسها اللحظة .. وتسألنا عن العنوانْ أحس إنك قريبة حيييل .. واحساسي يبكّيني وأحس انك بعيده ويل .. واحساسي يجي ولهان مصيبة قلبي المسكين .. يوم انك عرفتيني متى بقبل .. متى بخجل .. متى بغضب وانا الغلطانْ أفكِّر من هذاك اليوم .. : (حلمي لو تشوفيني ) أفكر ننتهي لكن .. أحن لموطن اللي كان ركام الذكريات أكبر .. من حروفك تجافيني وخصام الأغنيات أجمل إذا حزنك خلق فنان ولكن كل ما فكَّرت واستبشرت .. جيتيني غسلتيني وانا مشغول بين الشك والإيمان وتبقى نفسها الحالة .. تكرر بس في عيني ثياب الذنب في منطقك هي اللي على الغفران وأنا مدري متى صدَّقت في طيبتك تخميني ولا حتى متى كذَّبت هوجاسي وهو شيطان ولا وش عاد يبقالي .. بقلبك لاذكرتيني ولا وش عاد يبقالك بتاريخي مع الحرمان بس اللي أعَرْفه زين .. احبك ماتحبيني ولا ربي مقدرني إذا بنسى على النسيان
| |
| |
|
04-01-2013, 04:02 AM
| #4 | |
| يكفي زعل ..! [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] يكفي زعل يكفي نغيب ونفتعل ..حزن الذنوبْ لو القلوبْ .. اللي يبللها الدفا واللي تعب منها الوفا تقدر تتوبْ .. وتستكين أدري نويتي ترحلين لاتعرفين وتجهلين وننفعل كافي زعل ..! يادمعة عيون الفرحْ من أول حروف السلام لآخر أخبار الخصام ميييييييين انجرحْ غير القلوب اللي تذوبْ ياللي تعلمتي لحالكْ كيف أموت ياللي تكلمني سكوت جانا المسا وعدا نهارْ ظلك بقى فوق الجدار صوتك دروووب واللي بقالي منك مايكفي أحبك فيهْ أو أسألك عن نوع الذنوب تصدقين ؟! البارح افــ عز الحنين كل المواقف للهروب الا الطريق اللي وقفنا فيه صدفه عابرة يالذاكرة جرحك كذوب يكفي زعل كل المواقف تشتعل وابترحلينْ .. اما زعل واما هروبْ ..!
| |
| |
|
04-01-2013, 04:03 AM
| #5 | |
| شباكك المفتوح ..! [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] ( 1 ) [/align][/cell][/tabletext][/align] مسا بنت المسا .. جيتي .. حنين افلهفته مبحوح وقلب يحاور أيامي .. ويشغلني عن أحلامي مسا قلبك .. يناديني .. وانا في شرفته مذبوح أفكّر فآخرةْ حبّي .. واناظر حسرة أيامي مساك انتي .. مسا ( الحارة ) مسا شبّاكك المفتوح اذا ناظرته بعيني أخاف تخونك أوهامي ..! مساكْ .. بربكة الساعة .. وصوتي لاتمثّل روح تخلَّق داخل أنفاسك .. ويكبر لحظة الهامي ... أحبك .. إيه انا لحالي قدرت أقولها وابوح أخاف هناك من صوتي ..صداه أكبر من اسهامي تقوليلي ( كثير اشتقت ) ؟ واقول أكثر من المسموحْ أفتّش في شوارعنا ..عن أجمل بيت قدامي ..!! ( 2 ) مسا .. صوتي .. صدى موتي .. مسا ك انتي ....! متى كنتي ..؟ يد الشاعر .. وديوانه مدى تفكيره بشعره .. ونسيانه لعنوانه ..! أمانة يا أول السهرة .. تظلّي لآخر السهرة .. تعبت أجمع لك الفكرةْ تعبت أكتبك وانتي غير .. مساء الخير ... لا .. .. أكبر .. مساء الخير والنعمة مساء أخضر .. مساء أوقاتنا الـ ( طعمة ) ونوم الطير ... على شيحة تدلَّى غصنها في بيت جيراني .. مسا ( هاتف معك ) ثاني .. مسا التخيير...! بين انك تشوفيني ..و ما اشوفك مسا التعكير ... كيف اغتالني خوفك ... وانا أعمى حياكَ اسمى حياكَ اسمى مساءَ الخير لا.. .. أكبر .. مسا أكبر أخاف يخونني التعبير ..! ( 3 ) صباحك .. أوله نسمه .. وأحلى مابقالي منك .. صدى كلمه ... ( أحبك ) ... .. آه ما أعذبها .. وما أصدقها .. وما أكذبها ... أقول .. انتي تحبيني كثر صوتي ؟ عصافير وشجر وأوراق ...! وشاعر ينتظرله فراق .. ! في موتي .. يموت الشارع المخفي ......... وقنديل الصبر يطفي .. تجين ومامعك صوتي ولا موتي ولا حتى وهم مشتاق ... يروح الليل ... ضو الصبح يحييني يودّيني مسافة عمري اللي راحْ .. صباحك ..جنّة التفّاح ... تحبّيني ؟! كثر ما قلتها لحالي .... كثر ما هالوطن غالي .. كثر ما انتي تراعيني .. تحبيني ؟ فتحتَ .. لصوتك عيوني .. هجرتَ النوم ... بديتَ اليوم بجنوني ... أحبك ..كثر ما هالشارع المزحوم ذكّرني .. أحبك كثر ماصوتك .. افعز البرد دثّرني وانا لحالي .. رضيت بحزني الأول .. وخوووفي حزني التالي .. تحبيني .. ؟ تحبيني ؟؟ أمانة بسْ قوليها .. تراك .. أكثر .. بعد أكثر .. وحشتيـــــــــــــــــني ......
| |
| |
|
04-01-2013, 04:05 AM
| #6 | |
| أبيك ألحين ..!! [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] أبيك ألحين [/align][/cell][/tabletext][/align] أبي صوتك يجيني صبح أبيك إنتي بدال الجرح أسولفلك عن اللي قبل ما أشوفك يحبونك عن اللي بعد ماشفتك يخافونك أبيك إنتي نهاية لو تكون الجرحْ يا بنت الحرفْ يا شمعة ليل ما تطفي خذي من دفتري حرفي أبيك انتي خذي من ليلتي عطفي خذي قلبي سبب غلبي خذيني.. روح طفل مجروحْ قعد مرَّة بجنب البابْ وحوله .. شلة الأصحابْ وقالوله .. متى نكبرْ ..وكبرو كلهم حوله .. وهو وحده بدا يصغرْ بدا يذكر .. ولا يذكرْ ..!!! أبيك انتي تجيني ..من ورا سور المدينة ريفْ تجيني .. لو سحابة صيفْ تبللني تطهِّرني تهدِّيني تنام الليل في عيني ترجِّع أول سنيني طفل ولهان زرع في طاقته وردة .. وخلا قلبه البستانْ أبيك انتي محد غيركْ وابي شعري تعابيرك وأبي دربي مشاويرك أبيكِ انتي محد ثاني محد يقدر .. يطلعني ..على سور القمر وينامْ محد يقدر يجادلني .. بغدر الوقت والأيام أبيك انتي .. بلون الشوق بطعم العشق في كاسي نسيت بشوفتك ناسي وجلا سي وجيتك بردْ يدفيني به احساسي ياصوت الحب يا (همسه) متى بنسى؟ متى بقسى إذا إنتي .. تبين البعدْ بموت .. ولا يجيلك برد أحس انك مطر ما يكفْ وأحس اني بقايا حرف كتبتك فأول أوراقي .. اسم يشهد على عناقي .. متى بنساك يا (إنتي ) ترى مدري أنا عمري دقيقة .. وإنتي في بالي وساعة .. وانتي أشعاري وموَّالي ودرب أمشيه .. ما أسألْ متى بوصلْ رضيت بحزني الأول وخوفي حزني التالي
| |
| |
|
04-01-2013, 04:07 AM
| #7 | |
| تعااالي ..! [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] مسا الغيمة ..إذا مرت على جسر المسا تختال [/align][/cell][/tabletext][/align] مسا خوف الغياب اللي يهددنا مع الآخر مسا موتي وميلادي مسا الألحان والموال مسا صوتك إذا جاني قصيدة تكتب الشاعر أنا ياساكنة همي ..مثل ما تحلمين أختال بصوتك بالقصيد اللي يترِّخْ وقتك الحاضر أجيك بضعفي ..بحزني .. أجيلك بانشغال البال وأعوِّد من دفا صوتك أسير وكني الآسر أنا يا شاغلة وقتي طفل من باقي الأطفالْ غفا بين النجوم اللي ضياها يسحر الناظر تقوليله متى تكبر وهو لوعايش الأجيالْ طفل يغتر بأحلامه تراود صوته الساحرْ أنا ياكل ماليّه من الأحلام والآمالْ مثل ماتحلمين أحلم أنام مطيَّب الخاطرْ أنا وش عاد لي غيرك .. إذا كلا حبيبه مال على صدره وأنا لحالي أناجي طيفك الساهرْ تعالي ..من ورا صوتي قصيدة في فمي تنقالْ أرددها وأنا لحالي وأقول ( تعيش يا الشاعر ..!! )
| |
| |
|
04-01-2013, 04:09 AM
| #8 | |
| لو نبوح ..!! [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] لو نبوح بشوقنا ما هي غرابة [/align][/cell][/tabletext][/align] ..........................الغرابة نكتم الشوق الحنونْ من يداري لهفته ساعةْ كتابةْ ..........................أشهد إنه قبلْ ما يكتب يخونْ يحسبوني عاشقْ وشعري سحابةْ ..........................والمطر حزني وتحناني مزونْ ويشهد الله ما بقى غير الكآبةْ ..........................أنثر دموعي وما عندي عيون ..! لهفتي دمعة وتذكاري ربابةْ ..........................كل ما جرَّيتها تبكي اللحونْ يا فتون الشعر فعيونك مهابةْ ........................أتخطَّاها وأهيم بها الفتونْ ..!! ذنبي إني شاعرٍ ينثر عذابه .......................بين صمته وانكسارات السكونْ وانتي اللي واقفه في ظل بابه ...................... تحسبين إنه على نفسه يمونْ ضحكتك جنَّة ولهفتك استجابه ......................وانتظارك خوف وأحلامك ظنونْ الشجن كله على شانك غدابه ...................... لين قلتيله : ( تكون وما تكون ) ..! والبنات بصفحته صوت ابتدابه ...................... يوم غنَّابه لقاهم يرقصونْ ...!!! بس وحدك شمسه اللي ما تجابه .......................لا ظهرتي كلهم يب يختفونْ وانتي اللي تعرفين انا نتشابه ......................نختلف عنهم .. ويجمعنا الجنونْ لو نبوح بشوقنا ماهي غرابةْ ..................... الغرابةْ .. نكتم الشوق الحنونْ ..!!!
| |
| |
|
04-01-2013, 04:11 AM
| #9 | |
| مساء الخير [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] مسا دمعكْ [/align][/cell][/tabletext][/align] مسا وجه الطفل يبكي ..مسا صوتكْ .. مسا الذكرى مسا الحرف اللي ما ُيقْرَى ..ولا تشتاقه الأوراقْ .! مسا الأشواقْ مسا لا جيتلك مشتاقْ ..! وفي صوتي طفلْ مغرورْ مسا الجبَّار والمجبورْ مَسَاءَ الخيرْ صوتُه غيرْ ..! وآخر بحِّتُهْ دمعةْ مسا الدرب اللي ما خلاَّ لنا رجعةْ مسا اللحظةْ مسا ما سمِّتُه لفظةْ ..! خيال الجرحْ مسا ماينتظر ( حتى ولوغلطة ) يجيله صبحْ ..! *** يا صوووت اللييلْ .. يا آخر نجمة سهرانةْ ورا بيتي متى جيتي ؟! متى واحنا توادعنا بجنب الباب طلعت لبيتي الكذَّابْ وانتي ما لحقتيني متى واحنا تواعدنا ..فبيتي ما تحبيني ..! يا صوت الشارع الغافي أنا الوافي ...! أنا صوت الحزن مبحوحْ أنا طير المطر مذبوحْ وأنا الجارح وأنا المجروحْ وأنا في قلبك الولهانْ بقايا انسانْ .. طفل تحت المطر ينْتف بريش الطير مساء الخير .......!!
| |
| |
|
04-01-2013, 04:13 AM
| #10 | |
| من نكون . [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] ( سئلي نفسك ها السؤال [/align][/cell][/tabletext][/align] من تكوني ومن انا ) ---------- أنا صوت الليل ميت ..... وانتي حسرة حبنا لو وريث الرمل آنا ..... وش بقى في رملنا ؟ غير وشمك في عيوني .. والحنين اللي لنا أه يا ميعاد دربي .. وش بلاها دروبنا ؟ لاختفى فالدرب صوتك ..... ما بقى فالوقت صوتْ .. صارت السكة حزينة ..... ضاقت دروب المدينة صار كل الحلم موت .......... *** يامواليد الزمان من تكوني ومن أكون أنا في كل العيون شاعر الحرف الحزين وانتي تنهيد السكون لابتدا ليل الحنين من أكون ..؟!! احلفيلي من أكون .. قولي إني طعم ليلكْ .. والصباح اللي انتظرْ .. قولي إني ( مستحيلكْ ) وانثري شِعركْ مطرْ ..!! صارت البسمة غريبة .... صارت اللحظة رهيبة صارت الضحكة سنينْ من تكوني ..ومن أكون وش لنا في ها الجنونْ ووش تبينْ آنا بالحرف الحزين وانتي بالبسمة الخجولة أول اسطور الطفولة وأخر كتاب الأنين .. *** من تكوني .. ومن أكون مثْل ( موَّالٍ عراقيْ ) .. لاغفيتي ..برقتكْ .. تكتبيني .. تنثريني .. تجمعيني افــ.. ـبسمتك.. وأنا في وقتكْ .. مدارْ .. لو يطول الليل عندك ..جيت لعيونكْ نهارْ ..!! يسألونك من أنا .. أنا صوتكْ .. لاضحكتي .. لا بكيتي .. لاتأمَّلتي الحياةْ .. وأنا ظلكْ .. آنا حولك .. آنا ( شاعرْ ) مبتغاه يكتبكْ أحلى قصيدة ويعزفكْ ساعة غناهْ ..!! من تكوني .. ومن أكون .. انتي آنا .. وآنا انتي اتركيهم يسألون ..؟!!! وش علينا .. كانهم ما يعرفونْ ..!! | |
| |
|
| Bookmarks |
| الكلمات الدلالية (Tags) |
| الشاعر , الوافي , ابراهيم , ديوان |
| Currently Active Users Viewing This Thread: 1 (0 members and 1 guests) | |
| |
