الشايب ووايت المليون _سبحان مقسم الارزاق

لقسم , المليون , الارزاق , الشايب , ووايت , _سبحان

الشايب ووايت المليون _سبحان مقسم الارزاق

شايب نوى يشتري له وايت علشان يسقي الحلال , وذالشايب متقاعد
وشاريله رعية غنم (مجموعة من الغنم)
وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال
فقام و توكل على الله وعزم يروح يدور له وايت من شان يسقي به الحلال.
صدفه و هو يمشي إلا ذيك الناس مجتمعة في أرض فضاء كبيرة ولآَ حولهم وايت واقف.
تعجب خوينا
الشايب ناظر هالوايت وهو ماشاء الله يبرق من بعيد ووقفته شي عجيب , قال بس لقيناه خلني اروح
أوصلهم وأشوف كم هو واصل سومه و إذا هم حادينه اشوف كم هو عليه.
وصل عندهم الشايب ووقف يسمعهم يحرجون , وأستانس بالحيل لأنه ماهو غالي والسعر اللي يسمعة مناسب
ولا ذاك الرجال
ماسك الميكروفون ويحرج 50,,52,,55,,ومن قال زود ,
قال الشايب بس شكلهم يحرجون على هالوايت ولا هوب بغالي وإن شاء الله يكون من نصيبي.
وخش معهم بالحراج ,,,56,,,ويزودون...ويزود...ويزودون...ويزود.
المهم وصلوه 75,,,قام خربها وقالهم ,,,80
هو قالهم ,,80,,يوم طخوا كلهم و سكتوا..!..وهجدوا..!!..والتفتوا عليه!!!
يناظرونه..و يناظرون بعضهم..يوم تغامزوا ونقزله واحد منهم.. وسحبه على جنب
وقاله شف يا رجال أنت باين عليك أبن حلال وطيب بالحيل , وش رايك لو نعطيك شيك
بمليون ريال ذالحين ,,ذالحزه
بس مانشوف وجهك واقف معنا بالحراج .
انصدم الشايب ..أفتر راسه شوي وقال هااااا..وش السالفة..؟؟؟
مليون ريال ..وليه..؟؟
قال له الرجال (خويهم) بس خذ هالشيك وتوكل على الله والله يستر عليك ولالك بالطبخه.
وش اسمك ؟؟. عطاه أسمه وكتب له الشيك بمليون ريال وصرف الرجال من الحراج وهو مايدري
وش السالفه!!!.
طيب وش العلم علمني ..؟؟
علمه بالعلم. أثر ذا الجماعة يحرجون على المخطط وواقفين بالصدفة جمب الوايت اللي
جايبينه يرشون به الأرض علشان يحرجون.
والحراج من اليوم بــ 56 مليون و 75 مليون..وابو الشباب (الشايب) خش عليهم عرض
ولايدري وش العلم.
وهم بعد أخترشوا شوي يحسبونه هامور وبيلطش عليهم المخطط ..قاموا صرفوه بمليون ريال..
وهو ماصدق. طاير من الفرحه,,مليون,,ويقول بخاطره
عجزت وأنا اجمع خمسة وثمانين ألف ويجيني ذا الرزق من الله
فسبحان الله مقسم الأرزاق على عباده
الرزق مثل الأجل يتبعك
القصه حقيقيه حدثت في السعودية

[align=center]ههههههههه الله يقطع ابليسك ياصدى الوجدان
شكراً على هالقصه ال اكثر من رايعه[/align]

قصه رائعه جدا
سبحان مقسم الارزاق
صدى الوجدان شكراً على القصه الجميله

سبحان مقسّم الأرزاق
الغالي صدى الوجدان يعطيك العافيه ومشكور على القصه
تحياتي

إقتباس من مشاركة راعي لوله

[align=center]ههههههههه الله يقطع ابليسك ياصدى الوجدان
شكراً على هالقصه ال اكثر من رايعه[/align]

القدير
{راعي لوله }
يقطع ابليس صاحب المليون ما ابليسي فقير
ههههههههههه

إقتباس من مشاركة صديق الكل

قصه رائعه جدا
سبحان مقسم الارزاق
صدى الوجدان شكراً على القصه الجميله

مشرفنا القدير
{صديق الكل }
للارزاق رب يقسمها ويعرف من يستحقها
ونسال الله الرضى والعافيه

إقتباس من مشاركة سهيل

سبحان مقسّم الأرزاق
الغالي صدى الوجدان يعطيك العافيه ومشكور على القصه
تحياتي

مشرفنا القدير
{سهيل}
يعافيك ربي على الحضور الراقي والمميز

اقراء القصة وانا اتخيل الشايب وهو رايح وجاي ويسولف ، وبالوقت نفسه اتذكر سوالف اهل نجد ، وانا متاكد ان راوي القصة من اهل نجد بحكم اللهجه النجدية البحته ...

الخلاصة : كل ما يكتب اخي صدى الوجدان يروق لي واستمتع بقرائته ، لك مني خالص الشكر والتقدير ...

صدى الوجدان يعطيك الف عافيه

قصه جميله يتناقلوها الناس ولاكن سالت

زبون عندي شايب وقال تراها مثل قصص

تخازين القات قلت له وقطع كلامي قال ترا

ما عاد به مهابيل الا انا وانت يعني انا وهو

هههههههههههههههههههههههههههههههههههههه

سبحان الرزاق مشكور اخوي على هالقصه الرائعه