مساجلة شعرية

مساجلة , شعرية

مساجلة شعرية

بدع وجوااب بين الشاعر/خالد بن مهنا المري,,والشاعر/عبدالعزيز بن شريشر النهدي,الملقب بالواقعي


يقول المري:
شبه الجزيرة في التخلف حايزة
على المركز الأول وهذا مايجوز
أنا أشهد أنك تستحق الجائزة
يامخترع عدسة قياس الجيليكوز


يقول النهدي
شبه الجزيرة فالتطور بارزة
فتح لنا عينك وشف كيف البروز
بالمركز الأول تراها فايزة
ماهي يمنكم دوب محروق الفيوز


يقول المري
أصل العرب ساس النقاء وركايزة
أرض اليمن دايم على العلياء تحوز
مايغبط اللي قد ركب رز رايزه
يكشخ وهو داره كما زرب العنوز

يقول النهدي
حولا عيونك دايمن متشايزه
ماحد يلومه لي نظر عينه يشوز
ماتشبه البكره لفاطر عاجزه
والبنت والله ما تشابه للعجوز


يقول المري
أم المسامير القديمة البارزه
شيطانها مفروض يلقوا له حروز
واما عيوني تشوف ماهي عايزه
من يسمعك بايحسبك تومي كروز


يقول النهدي
أعلامنا فيها عباره رامزه
والخير والتقوى لنا دايم رموز
محنا كما ذي له علامه مايزه
تحكمه حرمه من وسط كرتون موز


يقول المري
الزرب كمن عام ذي بايناهزه
مايمدي الكربون ذي هو في القزوز
لو من شعر بلقيس سينه ناقزه
تعدل بهم ذي هم بعيني رمل قوز


يقول النهدي
انته عجنت القرص وانته خابزه
عارف عصيدك يارفيقي والخبوز
كب منك البدوي وترك ماعزه
بعتاز لك شفنا وعاد كبدنا تعوز


----------

هنا أنتقلوا الى قااافية ثااانية


المرّي(خالد بن مهنا)

صوت الرشا لي مشى وسط الحشاء (شغله)=قد حرك اشجان كان القلب ناسيها
خلا عيوني يوقف رمشها وهله=يحاكي الاذن هو والا يحاكيها !!
ما دمت فالمنطقه حق قوم بن قمله=ماشي سوى الكهر يطلع من صحاريها
لاشاف مخلوق قلبي يحسبه خله=ويفك صفحه وبعد اسبوع يطويها


بن شريشر

يالله بعيشه على راي العرب سهله=يامن تصالي قدر وش لك تصاليها
تدحق برجلك في المكريب والذمله=والنار ما تحرق الا رجل واطيها
اش لك في السيف زين الراس والنصله=شف عاد مولاه عنده جيش حاميها
ما من تحزم وعا راسه عصب شمله=يقنص غزال المها لي في فيافيها
ذلا رفيقك من الصغره وذا دله=يشهد شجرها وتشهد له مرابيها
في بن شريشر يقول اهل الهوى خصله=لولا أمرؤ القيس (وحده كان باديها)

المري..

قد جبت كمين نصله رائعه دقله=وامسي تبرع بها واطعن بها فيها
واقلوب قطبتها اربع مية وصله=لابعدت منها ولا قد جيت داويها
والوعل لبغيت راس الحيد بوثق له=وبا لقي له خطط لما يقع فيها
اغلب على الباب ذي بيدك معك قفله=لا تقفل ابواب مالك شي سنع فيها
وراعي الكسر في لقلات وش دخله=اموال بخطوط قدها باسم راعيها
وانك تبا الحق من عندي بيد اهله=با سلمه وان تبا لاعند قاضيها
(ان شفت شي في طريقك واعجبك شله)=ذي قال هذي الكلم يعرف معانيها

بن شريشر

لا عوّد الذيب ماشي عذر من قتله=يا ذيب قع ذيب وابعد من حواليها
لا ينفعك مشي فالرهمه ولا ختله=ولا الليالي تفيدك شي غداريها
وان كنت عدّيت والشرحان في غفله=قد جبت رادار واجواها مغطيها
بنت السميطا لبس خيّالها البدله=كاس (ال مكتوم) حالف بايضويها
عالسرج يمسح وعالرقبه وعالقذله=تقول طفله يدلعها مربيها !!
يا ريت تحظر نهار الفوز لل=واتقول ينصر مظمّرها وساقيها
وتمتّع العين ما تنظر على عجله=من يعشق الخيل يفرح لا نظر فيها
ثم قم الى عند فارسها وبارك له=لولا براعته ما نالت معاليها

المري...

رفعت يدي وسيبت الهوى كله=ما دامها كلفت لوكنت شاريها
انسان مسكين ماهو بالقوي دخله=ولا معه شي عماره ملك يبنيها
وان قلت مافيه شي يسوى الشغف خله=من عاف حاجه تركها ما هتم فيها
يا خلها في مكان البيح والهمله=والا صقعها بقيد .. ولا تخليها
الشعر يُظهر جروح القلب والعله=وانته متيّم وفيك اسرار تخفيها
لأنك تماديت فالطلعه وفي النزله=لما تقمّصت شخصية محاميها
انته بعقلك وكل واحد معه عقله=والشمس منخلك لا يمكن يغطيها
لو با تبدّل مكان البيت والقبله=والا معزّتك من خاطري تمحيها
وقعت يالواقعي .. يا وحلة الوحله=هذي الحكايه من اولها لتاليها
اعطت بيوتك مشاعر صدق بالجمله=من يفتقد بعض لشياء كيف يعطيعا

بن شريشر

الاصل واحد ونفس الدين والملّه=انا من الكسر وانته من بحاريها
مانا من الهند هندي جاي ترطن له=عارف حزاياك وافهم وش معانيها
خل العماره وخل القصر والفله=شف بعض لعذار ما تشفع لراويها
قد جيت عاني تبالك قسم في الغلّه=ما تعرف ابراد محروسه مثاويها ؟؟
مدّيت يدّك على المنصوف فالنخله=ما خذت حُزمة حطب من صُبر واديها
ريتك من الراك قد حمّلت لك نقله=والا من الأثل ذي مالي مساقيها
لكن يزازتي لي تشرب من المَلّه=با ارزم ثمرها وباتخرّف بواديها
با يصرخ الناب فالمنصوف والجزله=وانته من القاع دوّر لقط غاسيها
كتّف ركابك ونوخهن في الهجله=حط حبل للثلب والناقه وحاشيها
والا طردناك من لحقاف والرمله=والعاد تحلم تلامس رمل سافيها
الصقر نخشاه لا ميّح على العُقله=والا الرخم ما تهم والا حباريها

المري..

قدامي الهجس قابض بيده الدله=جات الحليله وعازم با يقهويها
يانا في النيل وانته غصت في دجله=ياتثيرني بالكلم من شان جاريها !
وان حوّشت بك شحوم التيس والرخله=عليك بالنار ولّع في مكاويها
كل ما طرحته بوسط الراس بوصل له=لو له حراسه من المارينز ملقيها
والصيد لي يسرع الدحقه نقدّم له=لمّا الرصاصه تجي فالكبد تنهيها
ممعاك ميّت بتعجب فيه كل خصله=ما يساوي العين ذي لجله تبكّيها
هاجسك قل له يريض فالمُقل كحله=ماهو يجي با يكحّلها ويعميها
والختم صلّوا على من قد شمل فضله=كل البشر لي بقاصيها ودانيها

[align=center]
مجاراه على الاحرف الابجديه بين الشاعر باقديم والشاعر بن شريشر- الواقعي

باقديم

الالف الفها وساعدني تكلم ياولد =
مشتاق لكلامك وخذ مني وهت يابوالوليد


الواقعي

الباء بعون الله بانبدى وانا جنبك شتد=
بانحكم المبناء وبانطرحه عاالحيد الشديد


باقديم

التاء ترى مبناك له شهرته من اباً وجد =
محكوم ومفند وذري الجيد بايخلفه جيد


الواقعي

الثاء ثلاث اخصال شفها ياابن اّدم باالعدد=
الصدق والتقوى ومن درب الخطا خلك بعيد


باقديم

الجيم جود النصح منك فك حبلاً من مسد =
من جيدها وتقمصت باالخير والراي السديد


الواقعي

الحاء حليم القوم له سطوه على قومه ويد =
وان ماحلم عاالقوم لا والله ماجوله بليد


باقديم

الخاء خزوني الناس لاطلبت الذهب جابوا رشد =
ماني بسبري لابغيت المصنعه رحت الرشيد


الواقعي
الدال درهمهم مزيف وافسد اسواق البلد =
والدرهم الفاسد ضوى به دارهم تاجر بليد


باقديم

الذال ذريي من مفاسدهم وقع قسم البرد =
وقفوا محبيني وخلوني في الجول البريد


الواقعي

الراء رياح الخير هبت عاالبنادر والريد =
وانته وانا ندعي وربك بايقدر مايريد


باقديم
الزاي زاد الظلم عاالعشاق والباب انقلد =
والناس ذي قبضوا قليد الصفوا زقلوا باالقليد =
فالي وفالك في مقر واحد وللاه المرد =
مهما بطى الجزار يلعب باالحناجر والوريد


الواقعي
السين سيف النصر تحت المطرقه عند الحدد=
بتار بايطلع اذا صنعوه من خير الحديد


باقديم

الشين شل العيب مولى الكير عينه باالفيد =
مامطرقه حنت وملقي لي محازي ماتفيد


الواقعي

الصاد صممنا بعون الله نقرب مابعد =
الفين وحد عشر يسمى عام تقريب البعيد


باقديم

الضاد ضربك صوب وكلامك في السلك انتضد =
جاني مثيل الباسقات النخل والطلع النضيد


الواقعي

الطاء طرقنا سالكه والدرب سالك وارتصد =
وذي تركنا في الخلا مااليوم ماله شي رصيد


باقديم

الظاء ظفرنا باالظفر والنصر من يذرى حصد =
نيتك فانوسك نهار الزرع والحب الحصيد


الواقعي
العين عكوها وقالوا منها يالله تبد=
والظلم لوطول مصير الظلم لازم بايبيد


باقديم

الغين غرتني بخمرتها وبنات الزبد =
وهي حشاشة موت وخلوفة زبيدي من زبيد


الواقعي

الفاء فتح للمجد صفحة جيل واعد واستعد=
لف صفحة الماضي ويتأمل لمستقبل سعيد


باقديم

القاف قلنا صفحة الماضي طووها باالعمد =
دعوه هلاليه ومستقبل ورفعه للعميد


الواقعي

الكاف كير النصر يتوقد وجمره ماخمد =
في مصر ماخمدت ولا في الشام باتخمد خميد


باقديم

الام للمخلوق خالق وانت عاقولي شهد =
قتل المسالم والبري محسوب عن ربك شهيد


الواقعي

الميم مدت ليد للسرقه جزاه القطع حد =
بشر بها الثوار في الميدان كل حاكم يحيد


باقديم

النون نرمي عاهدف .. ضربك مهيض بوحمد =
يامعدن الجودات والمعروف والفعل الحميد


الواقعي

الهاء هدمناها قصور الظلم وقلاع النكد =
لاخوف لاارهاب ودعناك ياالعهد النكيد


باقديم
الواو واجب نخلي المسبت من امات الزرد =
محبتاً في الله لك باخلي الزايد يزيد


الواقعي

الياء يقول الواقعي تختيمها عنبر وند =
صلاة ربي عاالنبي لي في البشر ماله نديد



[/align]

مجاراه من العيارالثقيل
يعطيك العافيه اخي قحطان علالنقل

الله على بو حضرم ما احلى هاجسهم وجوهم

سلمت يا قحطان

الفاء فتح للمجد صفحة جيل واعد واستعد=
لف صفحة الماضي ويتأمل لمستقبل سعيد


باقديم

القاف قلنا صفحة الماضي طووها باالعمد =
دعوه هلاليه ومستقبل ورفعه للعميد

إقتباس من مشاركة شامخ منيف

مجاراه من العيارالثقيل
يعطيك العافيه اخي قحطان علالنقل

الله يعاافيكح اخي شامخ منيف
منور
الغاالي..

إقتباس من مشاركة قلب شبوه

الله على بو حضرم ما احلى هاجسهم وجوهم

سلمت يا قحطان

الفاء فتح للمجد صفحة جيل واعد واستعد=
لف صفحة الماضي ويتأمل لمستقبل سعيد


باقديم

القاف قلنا صفحة الماضي طووها باالعمد =
دعوه هلاليه ومستقبل ورفعه للعميد

الله يسلمكِ أخيّه
شااكر
تواجدكم العاااطر داائما وأبدا..

مجرااه راائعه
صح لسان شعارها
تسلم يمينك ادبينا الكبير قحطان
تاتي بكل رائع
وانت الراائع في شعرك ونثرك دووم

لاعدمنا هذه الاطلاله البهيه بكل جميل

لك خالص مودتي وتقديري

إقتباس من مشاركة النعيمي

مجرااه راائعه
صح لسان شعارها ,,تسلم يمينك ادبينا الكبير قحطان
تاتي بكل رائع ,,وانت الراائع في شعرك ونثرك دووم
لاعدمنا هذه الاطلاله البهيه بكل جميل
لك خالص مودتي وتقديري

وما أروع مروررك العااطر اخي النعيمي
الله يسلمك
وكم انا سعيد بهذه الطلة البهية
مودتي

منيف بن منيف

من فكّاك الأسد يندر عشاه القطامي=والمسكين بايمسي على الجوع مرقط
الله أكبر على من عينها بحر طامي=فيه لفلاك تتطارد وتطلع وتهبط


الواقعي..بن شريشر

فوق خمسين ماعديت دوبي فطامي=لاغشيم ولا شيبه مصويّع يلخبط
وأنت يالذيب يالك شي هدف من لطامي=ياكما الخق حد يلطم وحد قام يسبط


منيف بن منيف

قدموا هيج يتهدّر رضا بالفدامي=طير ع طير في الدنيا من الله مسلّط
وأنت يالواقعي هاجسك يهوى خصامي=يوم ينقض وسبع أيام يفتل ويربط


بن شريشر

حط أصاابعك في داخل عيون الحرامي=لاتجامله لاشفته على الخلق يزنط
وان تبا الصدق غاسل ليد شفنا بكامي=من هواجسي لي دربه على طول محبط


منيف بن منيف

قاطعه باللبن بنت البعير التهامي=من قرب حولها تغدي ترمح وتخبط
كيف ترجي لبن من جلد فوق العضامي=شفك مخلوق عاقل في المزايين يلقط


بن شريشر

لاتعجل بشرب الماء ولو كنت ضامي=بعض لحيان حتى شربة الماء ترقط
هكذا قالت الامثال مصري وشامي=والشياطين عند الحق تخرس وتسمط


العوهمي..

البشر فيهم الطيب وفيهم الحرامي=بعضهم بلطجي لاشاف شي نخل يشعط
مايبالي ويمشي دوب عكس النظامي=مايشل النصيحه شخص وضعه مخربط


منيف بن منيف

كيف تبني أمل على ساس هامل وهامي=وانت عارفه في لحظات يهوى ويسقط
مكّن الساس لو تبغى تروم المرامي=وأبن صبّه وطنطنها وشيّد وبلّط


العوهمي

شل زامك في المترس وباشل زامي=قد بلثلها فقر لي في المغاظيف يسرط
قل لمولى الجمل حذرك تفك الخطامي=لو يقع موت تصبح وسط دمك مشحّط


جمعان العوش

رب سلط على الحوثي جراد التهامي=ياصمد يالحد انت العظيم المسلط
والقصور اللي فيها اغلى الرخامي=من ملكها في الشارع نشوفه يعيّط


بن شريشر

المصيبه تقع لاجاء مهندس شبامي=هو يصمم وهو وحده يبا بايخطط
عوّج الساس والسترة من الشق الأمامي=والحصا ماقدر يرفعه ثقله(..)


الجابري

بطرح الساس فوق الصح بيدي خطامي=لاتقولون ذى مسكين يهذي يخبّط
بطلع الحيد تلو الحيد هذا مرامي=طلعت الحيد فيها الفسل يعثر ويسقط

جمعان العوش

اليمن ياعرب الحرب ولعت بشامي=وانت بيجيك قسمك يالرفيق المزلط
يوم ولد الردي متكي برجل العظامي=يوم منهته يالعوهمي مصلح يخيّط

قال جمعان في عين المحبه هيامي=قد صبرنا على برده وهو يقيط
حام حر الجبل لا شاف مدفر حمامي=بوجناحين لي يهوي بجنحه وشيّط


العوهمي

سعف جمعان بدحق نورها والظلامي=بالمخوه وحق الجار مابنفرّط
ماتفكر في الدنيا بجمع الحطامي=ساعة الصيح جاهز عيلماني مخبط

سبيت العوش

بين الأثنين يالثالث خبطت السهامي=يوم لول ركز ناره بعوده يشخط
جيت فريع تحسبها نيار الحطامي=وانت نارك مست في الدار حمراء تقشط


*********
//////////

والله ياقحطان مساجلة روعة بس الاسماء لاول مرة اسمعها
انا تعجبني مساجلات السيد وباسردة والحرملي وبو حمحمه

الحرملي :

قال الحرملي فـي المعرفـة لـي طـول خـط = ماحد مـن أهـل المعرفـة مثلـي بلـغ خطـه
لا مـا وزن بحـر الشعـر لـي وحـدي فـقـط = من دون باقي الناس عندي معرفة ضبطه

بوحمحمه:

بوحـمـحـمـه لاحــــد شــطـــح والا زنـــــط= الشطح لهل الشطح ومن يزنط على زنطه
ويازاقـر طــرف حـبـل الغـلـط أوبــه تـمـط= خائـف عليـك فــي التالـيـة لايتعـبـك مـطـه
ولا قــــد تـعـبــك بـعـديــن بــــه بـاتـرتـبــط=وصـعـب بـعـده يافـتـى تفـتـك مــن ربـطــه
نصيحـة يـا أخـي الــزم حــدودك وانضـبـط=وجـنَّـب الـنـاس الـبـلاء وتجـنـب الـورطـه

الحرملي :

قــال الحرمـلـي مـاحـد علـيـه قـــد شـــرط=واليوم جاء بوحمحمه يملي علـي شرطـه
ونا رافض شروطه رفض قاطع وإن تخط=أيـش بايسـوي لامعـه عسكـر ولا سلـطـه

بوحمحمه::

بـو حمحمـه حـر مولـه فـي العـقـل أختـبـط=ولا دري ايـــش ذي سـبــب لـــه الـخـبـطـه
ويـا أصحـاب علـم النفـس شجعتـوا القطـط=مـع الأسـف حـتـى نسِّـيـت اسمـهـا القـطـه
ونا من عادتي أعطي الشخص حتى لاغلط=لــكــن ويــلــه بـعـدهــا لا كــــرر الـغـلـطـه
لــكــن مــتــي الـحـرمـلـي طـبـعــه خـــــرط=لامـا التطـم فـي الوجـه مـا ينتـهـي خـرطـه
والـيــوم بـعــدك يـاقـنـط يـــا بــــن الـقـنــط=مابـاعـذرك لـمـا تـوطـي الـكـبـر والقـنـطـه
بــعــد الــعــذر والـعـفــو وط الـــــرأس وط=خـل الحيـاء خلـه أمــام الـنـاس لــي وطــه