الله يسامح من طعني بظهري

من , الله , بظهري , يصالح , طعني

الله يسامح من طعني بظهري

تعبت اقول لضيقتي سهود ومهود
اليا متى هالعذر بيكون عذري
البارحة يوماكثر العالم رقود
عادت علي اللي تجي منين مدري
الضيقة اللي كل ماراحت تعود
مكانها مابين قلبي وصدري
ناسٍ تنام مدهنة في دهن عود
وناس ٍتنام مدهنة بزيت مقري
لاواهني اللي حلالة من الذود
تسعين وضحى كل ماضاق يسري
يسج معها كل ماهبت النود
يتبع مسيل السيل في القاع يجري
ماهوب مثلي من اقرب الناس مجحود
الله يسامح من طعني بظهري
من راح ماكنه على القاع موجود
مايدري انه اول اسباب كسري
كل ماطرالي قلت من قلت الفود
ياليت منهو راح ماعاد يطري
لوتستحي من فعلها ايامي السود
كان استحت مبطي ولا طال صبري
قدمت بالموجود لخاطر الجود
لين التفت ولابقى شي حدري
عطيت من عمري ولا شفت مردود
ياللأسف للناس ضيعت عمري
واذا افرحوا واجد على طيحة العود
هذا دليل انه فعل شي يغري
بوقف لحالي واتبع الطيب والزود
اشره علي ان صغر الوقت كبري
ماني على بعض المخاليق محدود
اموت مانزَلت للناس قدري.

صح لسان قايلها وسلمت يدك
شكرا كثير اﻻسفار

إقتباس:
إقتباس من مشاركة كثير الاسفار
لاواهني اللي حلالة من الذود
تسعين وضحى كل ماضاق يسري
يسج معها كل ماهبت النود
يتبع مسيل السيل في القاع يجري
.



صح لسااااااااااان قايلها وتسلم اناملك على النقل الجميل
اخوي كثير كلمااات روعه تشكي الالم والضيم
وتشكي جاحدين المعرف والغيبه وعدم
المواجهه في هذا الحدث
على كل حااال الله
يكون في
عونك

صح لسان القايل وتسلم اخ كثير ع هالنقل ابيات جميله راقت لي

عطيت من عمري ولا شفت مردود
ياللأسف للناس ضيعت عمري

صح لسان قايلها وانا املك لك على انتقاءك المميز وتسلم على النقل

هههههههههههههههه

ناسٍ تنام مدهنة في دهن عود
وناس ٍتنام مدهنة بزيت مقري

لوتستحي من فعلها ايامي السود
كان استحت مبطي ولا طال صبري

انشهد صح الله لسان قايلها
وتسلم وتحياء اخوي كثير على نقلك الرايع
ولك كل التقدير

قصيدة في قمة الرووووعة حقيقة كل بيت لوحده إبداع
صح لسان قائلها ويسلم يمينك كثير الاسفار على هذا الموضوع المميز


دائما راقي جدا في أختياراتك


تحياتي ،،

إقتباس من مشاركة الزناد الصامت

صح لسان قايلها وسلمت يدك
شكرا كثير اﻻسفار

يعافيك ربي شاكر مرورك الكريم

إقتباس من مشاركة عيون الليل

إقتباس:
إقتباس من مشاركة كثير الاسفار
لاواهني اللي حلالة من الذود
تسعين وضحى كل ماضاق يسري
يسج معها كل ماهبت النود
يتبع مسيل السيل في القاع يجري
.



صح لسااااااااااان قايلها وتسلم اناملك على النقل الجميل
اخوي كثير كلمااات روعه تشكي الالم والضيم
وتشكي جاحدين المعرف والغيبه وعدم
المواجهه في هذا الحدث
على كل حااال الله
يكون في
عونك

يعافيك ربي الروعه هي مرورك الرائع والكريم
لاهنت يا الغالي