المســـتعمره....!!!

المســـتعمره....!!!

المســـتعمره....!!!

[FONT="Traditional Arabic"]بسم الله الرحمن الرحيم
.
.
.

من منطلق الحق حق وكل حقاً له حقوق
وانا حروفي حقها لا جت تفاخر حقها

تاتي عروس مجمَله غادي الجزل عالراس طوق
وعذب المعاني تصوغها سلسال زيَن عنقها

ترقص طرب وان جت تباري تتعب الخيل السبوق
متسلله قلب المتابع لين يدمن عشقها

لا بله الا لين تصبح دم يجري في العروق
مستعمره كل العروق إجلالها مع دقها

ويازينها لاجت تفنن موصفه وجه الشروق
متمايله في وصفها مالومها من رقها

الجادل اللي للجزاله ساقت المفتون سوق
اللي غدت اوتار عاشق لا تضايق دقها

يسوق لك اشواق قلبه لي غدى مخزون شوق
والنفس ياللي جور شوقك يالفريده شقها

يأم الحلى يأم الدلع ياهاضمة حق البروق
سطوع ثغرك بارقه من غربها لا شرقها

يا حبر بركل هاجسي يا مستحل عرش الخفوق
يا ماخذ التفكير تكفى اوقات فرضي بقها

واوعدك تبقى يا وليفي ناهبي الغالي السروق
اللي سرق قلبي واصبح للقوافي طرقها

والحب يبقى حق لك حصري ومحفوظ الحقوق
وتبقى حروفي بك تزَين حقها و من حقها[/FONT]

صححح لسااانك صح لسانك على الابيات الشعرية والغزلية والدلع اللي فيها ههههه

تسلم اخوي سهير

يأم الحلى يأم الدلع ياهاضمة حق البروق
سطوع ثغرك بارقه من غربها لا شرقها

يا حبر بركل هاجسي يا مستحل عرش الخفوق
يا ماخذ التفكير تكفى اوقات فرضي بقها

صح لسانك وعلى شانك وصف جميل
وابيات راقية ورائعة دمت ودام عطائك

يسوق لك اشواق قلبه لي غدى مخزون شوق
والنفس ياللي جور شوقك يالفريده شقها

يأم الحلى يأم الدلع ياهاضمة حق البروق
سطوع ثغرك بارقه من غربها لا شرقها

صح الله لسانك واعلى شانك اخوي سهير
مااروع حرفك وقوته يعطيك العافيه
تقبل مروري ولك مني اجمل تحيه وتقدير

صح لسااااااااااااانك سهير الطرف ابيااات رووعه
لاهنت يالغاااالي

ويازينها لاجت تفنن موصفه وجه الشروق
متمايله في وصفها مالومها من رقها
صح الله لسانك ... ابدعت في وصف الفاتنه وهي فاتنه بكل مقاييس الشعر
وما اجمل الشعر عندما يكون في الحبايب .. يزيد فتنه ..

كتبوا شعر مفيد قيمم ههههههههه امزح ترى

ابيات غزليه جميله للي يحب هذا النوع من الشعر ..

الله الله عليك سهير الطرف
ما أجمل وأروع حرفك دائماً
أجمل ما قرأت من الأبيات
صح لسانك ودمت بحفظ الله

شكرا سهير الطرف فعلا لك الحق ثم الحق بلفخر
ونحن لنا الحق بلفخر ان بيننا يتواجد هكذا شاعر
جزل وحروفه وابياته يتعب من ينافسه مثل الخيل السبوق
نعم صدقة في ماذهبت اليه لقدعرفت ان نحن ادمنا على
عذوبت ابياتك وننتظرها بفارغ الصبر
قصيد جميله فيها البلاغه واضحه في سطوع ثغرك
وانشاالله ههههههه وقت الفروض التفكير يتوقف هههه
ابيات رئعه كعادة شاعرنا الكبير سهير الطرف
يعطيك العافيه استمتعنا وطرينا لمتابعة شعرك

في ظل الظروف السياسية التي تمر بها البلاد أنتظرت من سهير الطرف
ماتعودته منه من أهتمام في توصيف الشعر لما يحصل

وشدّني العنواني لادخل مسرعة اتوقع شئ وإذا بي بقصيدة غزلية
جميلة جدا لكنها لم تلقى مني الاهتمام المفروض

لازلت أنتظر شئ من سهير الطرف ،،


تحياتي ،،