ماخون عهـدي

ماخون , عهـدي

ماخون عهـدي

بسم الله الرحمن الرحيم



.🆕
.
حصررررررري


.
.
مدري علامي وشبلاني وش حصل
عهداً عطيته لا تفكر تخلفه

ان كانها شرهة منافق او فسل
ماهمني دام الدعاوي مشرفه

احترت لكني على ماقد وصل
في ذمتي ماخون حق المعرفه

ادري بأني با اواجه الخمل
وادري بأن الجيد ثابت موقفه

ياهل العقول اللي تربت فالوحل
منهاجها لي مالفيته احذفه

ابيطت من نفسي عسى نوصل لحل
اهوين والله اثر ماهي مطرفه

عدت سنه وانا تحجج بالامل
وان الامل ماغير وقتاً نصرفه

ماني مقيد ومن بقى ولا رحل
ماهمني ليته مع ذي مشعفه

اخترت دربي ويا قليبي لا تسل
جسر الوصل ماهوب انا من ينسفه

اللي بغاني با يلاقيني سهل
واللي جفاني مش انا من يحسفه

لكن والله عهد قلته من قبل
ماخون عهدي ولا افكر اخلفه


و
.

سلامتكم

صح لسانك أخي العزيز سهير الطرف
ربي يسلمك ويحفظك ويبقيك دائما على العهد
والله ان الوفاء أهم صفة وهي أساس الأخلاق الحميدة

تحياتي ،،

خلك على مبدئك لاتخون في زمن قليل الوفاء كثير الخيانه ,,

صح لسانك سهير الطرف

لكن والله عهد قلته من قبل
ماخون عهدي ولا افكر اخلفه

ومليون ونعم فيك انشهد
ولي مثلك مايخون عهد
صح الله لسانك اخوي سهير على هذه الابيات الرايعه
سلمت ويسلم هاجسك ياغالي
ولك مني اجمل تحيه وتقدير

صح لسانك شاعرنا الوفي ودائماً الوفي صاحب مبدأ
لا يتزحزح ! الله درك ياسهير الطرف كلما تعمقنا في أشعارك
تجلة لنا صفاتك ونعم فيك وفي منطوقك صح لسانك اخي !!

إقتباس من مشاركة روح السراب

صح لسانك أخي العزيز سهير الطرف
ربي يسلمك ويحفظك ويبقيك دائما على العهد
والله ان الوفاء أهم صفة وهي أساس الأخلاق الحميدة

تحياتي ،،

استاذتي القديره روح السراب

الله يسلمك ويبقيك
والله ان العهد ثقيل اسأل من الله ان يعيننا عليه

اشكرك من اعماق قلبي اختي الكريمه على مرورك الراقي
صح الله بدنك

خالص احترامي

إقتباس من مشاركة طاش ماطاش

خلك على مبدئك لاتخون في زمن قليل الوفاء كثير الخيانه ,,

صح لسانك سهير الطرف

لا يمكن اخون عهد قطعته على نفسي لو يكلفني ذلك حياتي

اسعدني تواجدك و اخوي طاش رفع معنوياتي


صح الله بدنك ولا هنت


تحياتي

إقتباس من مشاركة ابو حسين

لكن والله عهد قلته من قبل
ماخون عهدي ولا افكر اخلفه

ومليون ونعم فيك انشهد
ولي مثلك مايخون عهد
صح الله لسانك اخوي سهير على هذه الابيات الرايعه
سلمت ويسلم هاجسك ياغالي
ولك مني اجمل تحيه وتقدير

ما عليك زود يابو حسين

يسعدني ويشرفني ان ارى من يرفع معنوياتي
كما يسعدني ان ارى تواجدك شاعرنا القدير

صح الله بدنك ولاهنت

خالص تحياتي

إقتباس من مشاركة عاشق الصحراء

صح لسانك شاعرنا الوفي ودائماً الوفي صاحب مبدأ
لا يتزحزح ! الله درك ياسهير الطرف كلما تعمقنا في أشعارك
تجلة لنا صفاتك ونعم فيك وفي منطوقك صح لسانك اخي !!

اخوي الغالي عاشق الصحراء
ماعليك زود يالنشمي

منكم تعلمنا وبكم نقتدي
كم يسعدني تواجدك في متصفحي ويزيدني ثقة في نفسي
اسعدك الله

صح الله بدنك ولاهنت

خالص تحياتي