من روائع الشعر العفيف !!!!! منقوووول

!!!!! , من , منقوووول , الشعر , العفيف , روائع

من روائع الشعر العفيف !!!!! منقوووول

قصيدة المعلمه سارة الكويتية في إحدى مدارس الكويت يوم شافت خطيبها الاول جاي يسجل بنته :-

يانوره بالله إسمعي لا تصدين
يابنت حرن مركزه بالصداره

شي جرالي قسم القلب قسمين
وأبلا ملامه إفهمي للعبارة

بأول دوام المدرسه يوم الأثنين
معلمه في وجه باب الأداره

وقفت باللجنه على سادس إثنين
مثل المجند ينتظر للأشاره

هاذي تنادي وهاذي أبله أنا وين
زحمه وتو اليوم بأول نهاره

أصوت لثنتين وبيدي ثنتين
نوره مضاوي عايشه مي ياره

وسمعت صوتن رجع القلب لسنين
صوت الذي إسمه بنقش السواره

إختي عن إذنش ناقل البنت هالحين
تفضلي الأوراق والأستماره

عجزت لا أجاوب ولا أرمش العين
طول سكوتي وهو طال إنتظاره

حسيت إن الدم مثل البراكين
شريان قلبي وصل حد إنفجاره

ورفعت رأسي وصارت العين بالعين
ولمحت في عينه سواة الشراره

هو هو وإلا وآهمه يامسلمين
زوله ورفعة حاجبه مع سماره

لا ماتغير فيه ياكود شيين
حف الشنب والشيب زاد بوقاره

أتلا علاقتنا سنة ثلاثه وتسعين
بأول حلاة العمر قبل إنكساره

الشاهد الله ماحصل بيننا شين
ولا يخدش احساس بنت وعذاره

نعم الحبيب اللين الطيب الزين
ونعم الرفيق اللي حفظ حق جاره

ياوجه ابوي الوجه مرحب وسهلين
لا يابعد روح ومعاليق ساره

ودي المه وودي أصيح بس وين
مثل الكسير اللي نشب وسط غاره

مايستطيع المشي من دون رجلين
وحوله جنودن تشتهر بالشطاره

ياللأسف هالحين صرنا غريبين
حكم القدر واصدر علينا قراره

الهم والغربال والفقد والبين
وأنا أسيره تنتظر للزياره

ويلي على لاماك ويلاه ياحسين
يامن يجمعنا وأسوق البشاره

ساره وسكت له لحظه كنها سنين
وأقفا وأشوفه يوم شب الزقاره

💥💥💥

رد حسين على قصيده معشوقته
القديمه ساره ...

يامرحبا ياغايتي ياهلاوين
يابنت عودن فيه طيب ونعاره

لا يابعد كل البنات المزايين
يافرحت المظلوم يوم انتصاره

من يوم ماغبتي وانا ماني بزين
ضايق واحس القلب طال انتظاره

دايم على بالي وانتي تمرين
واقول يفدوها جميع العذاره

لو الليالي ترجع لعشرة اسنين
ماكان شفتي الشيب زاد بوقاره

لا مانسيتك من ثلاثة وتسعين
وشلون ابنسى حب واضح مساره

تدرين شاللي هزني يوم الأثنين
واللي ذبح قلبي بأول نهاره

زولك لمحته يوم كنتي تمشين
بين الصفوف اقبال باب الأداره

وفز الخفوق وقلت ياربي تعين
هي هي ولاهي شبيهه لساره

جيتك وقلت ابنقل البنت هالحين
تفضلي الأوراق والأستماره

طول سكاتك والبلا العين بالعين
ضقت واحس بضغط مدري حراره

وخانتني الدمعه وطاحت من العين
كني طفل يبكي مضيع دياره

بحط بنتي عندك بسادس اثنين
عشان اكثر جيتي بالزياره

واليا دخلت الصف لازم تخشين
اسمي لانه مسجلن بالسواره

وامانتك انك عليها تخافين
لحدن يضايقها بأيت عباره

بصارحك في شي يمكن تحسين
ان الزمن اقفى علينا قطاره

أنا سمعت إن أكبر عيالك حسين
وأنتي أكيد إنك سمعتي بساره ✒༄

( أما البيت الاخير ألييييم )...

💥💥💥

مجارة للقصيدتين الرائعتين من محب
سعودي ( معلم بسكاكا )...!!

قريت قاف حسين ثم سالت العين
ولا ادري علام الدمع زاد انهماره

ياحسين مالومك تحسر على الزين
عشرة عمر والعشق واضح مساره

بقيت وافي له من سنين وسنين
واكبر دليل مسمي البنت ساره

ولجل الغلا سمت ولدها على حسين
عزالله انك تستحق الصداره

ياحسين تدري ليه ابكي من البين
وقلبي كسير وزاد فيه انكساره

ذكرتني ياحسين ياحسين ياحسين
بالغالي اللي له بقلبي وقاره

علمي بهم ياحسين اربع وتسعين
وهالحين ماادري وين صارت دياره

قفّت من الخفجي ولاادري على وين
وانا نقلت الجوف وعيني لداره

ياحسين حبه ساطين بالشرايين
وعساي أشوفه مثل ماشفت ساره

حلوة جدا شكرا لك اخي العزيز عذب المعاني على هذا الاختيار الراقي ،،

إقتباس من مشاركة روح السراب

حلوة جدا شكرا لك اخي العزيز عذب المعاني على هذا الاختيار الراقي ،،

الشكر لحضورك الراقي روح السراب هلا منوره

عذب المعاني لك الشكر اخي الكريم على النقل لهذه القصيدة وللرد والمجاراة
استمتعت جدا رغم الم القصة والم القلب الذي عصف بقلب حبيبين شاءت الاقدار ان لا يجمعهما سقف واحد
وكما يخرج من الصخر ماء،، انبثق من الالم شعرا
فلك الشكر مرة اخرى على النقل المميز