فيروس هجرك عطل القلب تعطيـل

القلب , تعطيـل , عطل , فيروس , هجرك

فيروس هجرك عطل القلب تعطيـل

فيروس هجرك عطل القلب تعطيـل ..
ودمر ملفات الفـرح فـي حياتـي ..

ياللي سكنت القلب من دون تحميـل ..
متـى لموقعنـا تشـرف وتـاتـي ..

عنـوانـكـم مـاهــوب يـاهـو وهوتميــل ..
عنوانكــم روحــي و قلبــي و ذاتــي ..

كم مرةٍ أرسلـت لـك عبر الإيميـل ..
وأدورك فـي منتـداي و شـاتـي ..

وأرسلت لك يازين فايـلٍ ورى فيـل ..
فيها الغلا والحـب يا أغـلى أمنياتـي ..

وأرسلت لك قصة عذابي مع الريـل ..
ياللي غيابك هـو سبايـب شقاتـي ..

دايم عليك أبحـث بياهـو و جوجيـل ..
وأنـت ولا تسـأل علينـا بتـاتـي ..

خابرك بنتم فـور أصلـي و إنتيـل ..
لكن خسـارة غيـروك الوشاتـي ..

وكان الهكر غروك بالقـال والقيـل ..
بأدعي عليهم في سجودي وصلاتي ..

ياجعلهـم بقعـاء وطيـرٍ أبابـيـل ..
ترمي عليهم بأمـر ربـي حصاتـي ..

يرضيك من حبك غدى منهك الحيـل ..
ريقي غدى ناشف ويبسـت شفاتـي ..

أقضي الليالي دمع عينـي هماليـل ..
لا مـن طريتيلـي تـبـدد مبـاتـي ..

صحـراي جفـت مالفانـا مخاييـل ..
وأنت المزون اللـي تـروّي نباتـي ..

وياشين حالي لا قريـت المراسيـل ..
في الأوتلوك أذكر قصص ماضياتي ..

منك حزين الحرف شـاف البهاذيـل ..
وقلبك مثل قرصٍ صلب في القساتي ..

موقعك في وجهـي مقفـل بتقفيـل ..
حتىالبروكسي مانفـع وش سواتـي ..

بمفضلـة قلبـي عطينـاك تفضيـل ..
أنـت المفضـل عندنـا يا غنـاتـي ..

ويا زين هجرك عطل القلب تعطيـل ..
ومن غير شوفك وش تساوي حياتي ..

كني بدونك قرص فـارغ ولا فيـل ..
فاسـد ومرمـي بسلـة المهملاتـي ..

ماعدت أفرق بين اكسس و أكسيـل ..
وماعدت أفرق بيـن بلتـك وشاتـي ..

وباشكي على الكيبورد كثر الغرابيل ..
وأكتب على الوورد المطور وصاتي ..

وهذي النهاية حطها وسـط تظليـل ..
لا مـت فـ غيابـك سبايـب مماتـي ..

ابداااااع وروووووعه
هطول ذو شجن .. وابداع لا حدود له

ونص يروي الذائقة بكل جمال وكمال

لله درك ولا فض فوك

وصح لسانك مدد لا عدد يارائع

وفي انتظار جديدك بكل توق

والله لا يجعلنا كيبورد في يده

صح لسانك اخي الكريم كثير الاستفسار
ابيات راقيه بمعانيها وتسلسل ابيات الجميله
لقد رسمت صور في هذه القصيده الرئعه
عزيزي الكريم اشكرك على الطرح الراقي

تحياتي لك

صح لسانك اخي الكريم كثير الاستفسار
ابيات راقيه بمعانيها وتسلسل ابيات الجميله
لقد رسمت صور في هذه القصيده الرئعه
عزيزي الكريم اشكرك على الطرح الراقي

تحياتي لك