حدوني على ركب الغماره وأنا ابغي فوق...

الغماره , ابغى , حدوني , ركب , على , فوق... , وأنا

حدوني على ركب الغماره وأنا ابغي فوق...

الشاعر / مجدل بن ربيّع آل مسعود القحطاني
الله يرحمه..

صاحب ذا البيت المشهور
(( حدوني على ركب الغماره وأنا أبغي فوق=أبى مقدم الصندوق ولا على السله))

وقصتهُ أنهُ خطب عن حد من جماعته,وعليه ثلاث بنات,والكبيرة مطلقة
وهو خاطب يبى الوسطيه,وعيا أبوها
وقال له ذي لولد عمها

قاله...خلاص أجل أبى الصغيرة

وعيا أبوها
يبا يحده على الكبيرة المطلقة,ولا يفكر بخواتها
وراح سامح
وقال القصيده ذي...



أنا في العشي ذبيت في عالي الصاعوق
تخالف هواجيسي وصدري على ملّه

وانا هاضني لعب الحمامه مع الغرنوق
على كل غصن ترفع الصوت وتشلّه

وبعد هاضني لين أودع القلب فيه أفتوق
خلوج ولدها عقب فرقاه مختلّه

لياشفت طير(ن) يكسر الحوم قمت أتوق
أباري لطير الجو وأسير في ظلّه

انا لازم ارسل كتاب مع ماثوق
مع الطارش أبن حمود يوصله عبدالله

حدوني على ركب الغمارة وانا أبغي فوق
أبي مقدم الصندوق ولا على السلّه

معي دفتر الرخصه وانا ماعرفت أسوق
ولاجيت بشري موتر ماورد كله

وصبوا لي الفنجال الأول ولاله ذوق:d
وعيني على فنجال من تالي الدله

واقدم على الضيقه وانا ابغي مع المهفوق
وابي قسم من باخص هل البيت يفطن له

وانا لا تذكرته يهايف بي الطاروق
جبرني على الروحات صوبه وانا أدلّه

هنيّ واحد ماهوب عاشق ولا معشوق
ولايشحنه فرقا ولا البعد عن خلّه

الله الله على هذه القصيده الجميله
والمشهوره بين متذوقين الشعر
هذه القصيده راقيه ومن شاعر فذ
ما اقول الا صح الله لسان قايلها
وتسلم ياخي الكريم قحطان على
الطرح الرائيع والمتميز

هذا وتقبل مني خالص تحياتي

إقتباس:إقتباس من مشاركة الجيتري الهلالي الله الله على هذه القصيده الجميله
والمشهوره بين متذوقين الشعر
هذه القصيده راقيه ومن شاعر فذ
ما اقول الا صح الله لسان قايلها
وتسلم ياخي الكريم قحطان على
الطرح الرائيع والمتميز

هذا وتقبل مني خالص تحياتي

الله يسلمك أخي الهلاااالي
نعم اخي مرصوصه رص
حاكها الله يرحمه
بعنايه فايقه

قصيده مشهوره جداً، لكن للامانه ما ادري من هي له الا ذلحين...

تسلم يدينك حكيمنا

يعطيك العافية قحطان على هذا النقل الجميل
قصيدة حلوة جدا جدا لأول مرة اسمعها
ماقلت لنا على ايش انتهت القصة ؟؟

اكيد القصيدة وصلت ابو البنات وفهم مطلبه ؟؟

إقتباس:إقتباس من مشاركة سهير الطرف قصيده مشهوره جداً، لكن للامانه ما ادري من هي له الا ذلحين...

تسلم يدينك حكيمنا

الله يسلمك اخي سهير
يسلملي هالمرووور العاطر...

إقتباس:إقتباس من مشاركة روح السراب يعطيك العافية قحطان على هذا النقل الجميل
قصيدة حلوة جدا جدا لأول مرة اسمعها
ماقلت لنا على ايش انتهت القصة ؟؟

اكيد القصيدة وصلت ابو البنات وفهم مطلبه ؟؟

الله يعافيكِ أختي
علمي علمك
بس اعتقد ان نصيبهُ لم يحالفهُ الحظ
ربما لم تصل القصيده لوالد البنات
منورة أختي..

اكره مغصوب بني ادم

يعطيك العافيه على النقل الجميل

وحلوی يا قحطان من وين نبشت ذا القصيده ههههه

عرفنا قصة حدوني علی ركب الغماره
شكراً قحطان

الله الله الله


تسسسلم يا قحطان


قصه وقصيد رووووعه



لا هنت ؛