عتابات ومواويل

عتابات , ومواويل

عتابات ومواويل

لا أدري إن كان هنا مكانها وسأترك التقدير لإدارة المنتدى ومشرف القسم
هي مواويل وعتابات تخص الموروث الشعبي السوري وإنشاء الله سيكون لي موضوع للتعريف بها
سأخص المنتدى ببض منها مما كتبته متمنياً أن تعجبكم ومحاولاً الابتعاد ما أمكن عن المحلية باللهجة كي تكون مفهمومة وواضحة

ندهت حبك ت عبقت بالحب السما
الحب الكبير اللي بقلبي نما
كانت همسة منك سما حبي
لما تهمسي كنت افهم عليكي بالوما
(ندهت:ناديت)

____________

كل يوم لما يتنفس الصباح
بيفيقوا ورداتك والعطر فواح
صرلي مدة عم راقب طلة الورد
الورد ما طل والعطر وين راح
____________
بعدك نسيانة ولا متذكرة
كيف أشواقي صوبك مبكرة
واضح نسيانك كتير كتير
صفحتك بيضا ودردشتك مسكرة
_____________
يا عالمي اللي بحبها عمران
صورتها سقفي وكلماتها الحيطان
أنتِ عندي كل الدني
بيي وأمي واقاربي والجيران
____________
عم بتلفي بالحارة وتقولي إني ختيار
وتقولي للجارة شعراتو هالبيض كتار
ما عرفتي شو عملوا نسوان الحارة
للحب بحارتنا انتخبوني مختار
____________________

ما اجملها من عتابات وندات بالموال الشامي
تسلم استاذي الغالي والقدير على طرحها لنا هنا,
ودمت بخير على الدوام..

حلوة جدا يا مختار
بحرفك زينت الدار
وردات حلوين كثير
تسوى عنا مليار

أبيات حلوة جميلة خفيفة سعدت كثيرا
وانا اقرأها وللعلم اللهجة الشامية مفهومة
الله بخلي غوار والمسلسلات السورية


أن كانت هذه المواويل من التراث مكانها ليس هنا
بل الشعر الشعبي للمنقول
هذا القسم لما يخطه الشعراء بأقلامهم

شكرا لك في انتظار جديدك

إقتباس:
إقتباس من مشاركة روح السراب
حلوة جدا يا مختار
بحروفك زينت الدار
ورداتك حلوين كثير
تسوى عنا مليار

أبيات حلوة جميلة خفيفة سعدت كثيرا
وانا اقرأها وللعلم اللهجة الشامية مفهومة
الله بخلي غوار والمسلسلات السورية


أن كانت هذه المواويل من التراث مكانها ليس هنا
بل الشعر الشعبي للمنقول
هذا القسم لما يخطه الشعراء بأقلامهم

شكرا لك في انتظار جديدك

أنت روح و زينة هالدار
أحسن من حسني وغوار
مهما كان ومهما صار
حرفك بالنور مضوي
(مضوي_مضيء)
مافي متلك يا ست الحلوين
لا بيسار ولا بيمين
جمعت حولك العقال
وهربوا منك المجانين

عقلك يا طبشة ميزان
وحرفك للسحر عنوان
وروحك بعيدة عن سراب
روحك حقيقة مكان

المختار منك ممنون
بردك فرحتي العيون
بهديكي وردة شكري
وحنية قلبي الحنون

لروح السراب الأخت الغالية شكري وتقديري ومودتي

شكرا لك أستاذي على الرد الجميل
حبيت أنبه انك تجاوزت رد اخي العزيز
الكمكازي
دمت بخير

إقتباس:
إقتباس من مشاركة الـكـمـكـازي

ما اجملها من عتابات وندات بالموال الشامي
تسلم استاذي الغالي والقدير على طرحها لنا هنا,
ودمت بخير على الدوام..

مو معقول يا روح السراب
أنسى زينة الحباب(الأحباب)
الكمكازي بروحي موجود
ولسه منقوص الجواب

الكمكازي شيخ الشباب
طيب وابن أطياب
فكرو عالعالي طايل
وقلبو بالمحبة داب

للكمكازي مني الحب
رفيق الروح رفيق القلب
دربو دربي ويا محلى
رغم الصعب هيدا الدرب

تسلم يمينك عالطرح الراقي
يعطيك ألف عافيه
تحيتي

إقتباس:
إقتباس من مشاركة وردة الامل




تسلم يمينك عالطرح الراقي
يعطيك ألف عافيه
تحيتي

وردة الأمل زينة الدار
صوتها صادح وهدار
شكراً يا وردة من القلب
يحرسك الله داير من دار

تدللي يا غاليةعليي تدللي
بتعرفي غيرك بالدنيا ما إلي
الدهب ال معلق عصدرك
لولاك الدهب ما غلي

مين متلك يا حلوة مين
بجمالك مسحتي الحلوين
قبل ما نعرفك كنا عقال
بعد ما عرفناكي صرنا مجانين