من زمرة الطـــــاغوت حذراك حذراك

من , الطـــــاغوت , حذراك , صآرت

من زمرة الطـــــاغوت حذراك حذراك

من زمرة الطـــــاغوت حذراك حذراك
لا تبتلي بجــــــــروح يصـــــعب دواها

وإلى مشيت اعرف دروبك وممـشاك
احرص على نفســـك وخالـف هواها

أمّارةٍ بالســــــــــــوء ما هي بتنــهاك
اقبض عليهــــــــا لين يجــلى صداها

اقطع نوايــــــــــــاها بدينك وتقـــواك
هلّل وعند الله ســـــــــــــريعٍ شفـــاها

والعين لا تنظــــــــر بها مـــن تعدّاك
المحصـــنه لو تلتفـــــــــت لك وراها

اصبر على همّك وغمّــــــــك وبلواك
عف وتعفف لا يغـــــــــــرّك حــــلاها

واترك حرام القوت مـــا هــو بيملاك
كل البطون الجايعــــــــــه ما مـــلاها

رشفة حلال اتســـد جوعك ومظماك
تسوى مشاريب الحــــــرام وغثـــاها

النار في جوفك وتصــــــلى حنــــاياك
نار الجحيم تزيد للـــــــــــي وطـــــاها

واحفظ لسانك لا يجــــــرك ويـــــبلاك
اخذ الثمينه لو غلــــــــــى مشــتراها

الهــــرج ميزانك ويكــــــشف خفاياك
كلمة تعيبـــــــــــــــك لا تبيّن نـــــباها

صون الكلام وصون نفسك ومــبداك
للنفس حشمـــــــــة لا تفصّــم عراها

اصمت مدامك عارفٍ سير مجـــراك
لا تنقل النّمة وتبـــــــــــــحث خــفاها

يزول قدرك عند أقرب دنــــــــايـــــاك
لو هو ولد عمّـــــــــك حياتك جفــاها

واحلم تراه الحـــــــلم يرفــع مزاياك
هو سيّد الأخلاق هو مبتــــــــــــداها

وصّى به المبعوث ما هو بيــــخفـاك
شفعينا يوم المــــــــــــــــــلاقاة طــه

خل الجهل لاتجعـــــل الغيظ ياطـــاك
ترى الجهل ســم القلوب وعمـــاها

وإلى ابتليت ارفــع إلى الله شكــواك
لا بدّها الأيام تكشــــــــــف غطـــاها

اصبر يزين الحظ ويــزين مرمــــاك
الله يفرجها ويدفـــــــــــــــع بــــلاها

لا تمنع المـــحروم لا من تنصــــّاك
الناس لأجل الناس وأحسن عطاها

ابذل لوجـــه الله والله يجـــــــــــزاك
مثل الغروس اتطيـــــب للي سقاها

لا ضاع معروفك ولا ضاع حسناك
إن كانهـــــــــــــــــا لله تلقى جزاها

جارك ولو هو جار تسقيه من ماك
عليه لا ترفـــــــــــع يدينك عصاها

أحسن جوار الجـار لو كان يشناك
ترى العرب تحشـم كلاب اقصراها

بكره يشد ويكـــــــــــتب الله فرقاك
عساه يذكر جيــــــــــرتك مانساها

الظلم شين ويجـــــعل النار مثـواك
راعي الظليمه عيشته ما هـــناها

فوقك إله العـــــــرش عالم نواياك
ينظر قلوب الناس وش محـــتواها

يسمع بما تجهر وعـــارف خفاياك
بأمره شروق الشمس ترسل ضياها

هو عالمٍ غيبـــــــك وركّب خلايــاك
هو خالقٍ فيك العــــــروق ورواها

والضيف له حقٍ إلى حـــل بحماك
قلّط ضيــــــــوف الله وأكرم لحاها

لا تحقر الضيـــــفان واتشح بغذاك
من ما عطــــــــاك الله قلّط عشاها

وعليك باللي حزة الضــــيق يفداك
لا شانت الدنيا ودارت رحـــــــاها

لا من زهمته لو على الموت لبّاك
عيني لجل عينك وروحـــــي فداها

ترى الخوي نبراس روحك وملْجاك
لا كلّحت بقــــــــــــعا وزادت غثـاها

حذراك من بعض المخاليق حذراك
بعض العرب ما تفرقه مــن نساها

تايه وضايــــع بين ذولا .. وذولاك
فيه الجهالة واصـــــــــــــلٍ منتهاها

للشاعر/ راشد بن زميع القحطاني

صح لسانك ابيات روعة
يعطيك العااافيه ع الطرح الرائع والجميل
ااحترااامي يسبق تقديرري

ورده الامل كم انا سعيد بعبورك وحضورك

الكريم في متصفي ,,زتي النور نور

حضور مميز وقلم لامع لاهنتي

ورده,,ودي لسموك

الكريم

صح لسان قايلها وسلمت يد ناقلها

ع روعه الذوووق

كم انا سعيد بمرووك شخصيه كالاخت


اليمامه التي انارت بمتصفحي

عافيه عليك يميم

طرح جميل لكم كل الشكر