يا ويييه وحده تقول

تقول , يا , نجديه , وحده

يا ويييه وحده تقول

يا وييييه وحده تقول ..

مره من المرارير خرجت اني والابوشي حقي نتمشي وكانت احلى تمشيه رحنا السوق قليل وبعدين عزمني على سنو كريم وجالسين منسجمين قلك بلك على مستقبلنا وعيالنا ومن ذي الهدره الرومانسيه ..
لما قده المغرب قلتله خلاص اني بروح الان عشان ما اتاخرش ويقلقو عليا .. وهو اقتلب قبيلي وهاتلك ذيك الايامان والحلفانات انه بيوصلني للفرزه وبيطلع معي الباص وبيوصلني لما الحافه حقنا كمان ..
هيا طلعنا الباص وعشان الرمسسه تكمل طلعنا وراء مش بالاخير بس وراء .. وهات لك يا همس وضحك على الهزاز وهو راسه والف سيف الا يغني لي اغاني فيصل ومدري من وبعدين اقتلب على كاضم ويغني لي وين اخذك وين اهرب فيبك واني مسفوخه سفيه مابعده سفيه عله ..
وطول الطريق ونحنا مشاعر وحب ورمسسه وهمسسه ..
لما قد نحنا بنص الطريق اجالي كف عالمي من وراء لما حسيت الجلد حق راسي خرجت ليده وعادني مارفعت حواجبي حتى عشان اشوف ايش في الا والاقي الكف الثاني بوجهي لما البرقع لصق بوجهي ..
وهات لك يا سبوب بس ميزت الصوت والتهديد والسلخ والذبح انه صوت ابوي .. الف لجنبي الاقي واحد بيفتح الطاقه ويشتي بيقفز منها والباص بيمشي بس ميزته من سرواله الاصفر انه الابوشي حقي ..
ابوي بسرعه مسكه من رجوله وجلس يسحببه من رجوله وهات ارزع اقبع داخل الباص كله يتهزهز
مدري كيف فلت من يد ابي ، الاقي الا جزمته بيد ابي وابي يخرج راسه كله تقولو زينب طيري ويتوعد ويهدد والله لاسحبك سحب بوريك..

ورجع لفت لي ابي وهبالي شمقة طيرتلي امغالي وشعفني من الشوشه الي براسي وسحبني سحب من الباص وجرني جر للبيت وراح المكياج والبرستيج من بعد الشعفه حق ابي ، وهبالي ديم بمليون لماعرفت ان الله حق👌😭😭😭 وحبسني بالغرفه وقفل عليا..

واروح اتفرج ع نفسي بالمرايه الاقي وجهي الوان من كثر الخبط اللطم تقولو اجيت من فيروز🌚الاختلاف عين مفتوحه وعين مورمه ومقفله
..

مسكت جوالي ارسل رساله للابوشي الهارب اقوله لاتخافش اني بخير مافي شي .. الا الاقي رساله والله لاجي اشعففبك ع الحافه كله يابنت الكلب😭😭😭

قليل الا والاقي ابي هباله حركه جاكي شان وكسر الباب ودخل الخيزرانه معه
وطلعت الرساله راحت لجوال ابي من كثر الضرب وعين وحده ماعاد ركزتش لفين ارتسلت😂😂

#ركز_لفين_ترسل

شكل القصه ومحتواها فكاهي حلووو

ولكن للأمانه مافهمت لهجتها ههههههههههههههههه طلعت يمني تقليد انا

بالفعل القصة فكاهية وباللهجة العدنية

اصلا احلى مافيها اللهجة العدنية
لازم لما تقرأ بالنفعالات

هههههههههههههه مافيه حب الابتضحييه يعطيك العافيه ام محمدعلاالقصه الفكاهيه

يعطيك العافيه ع طرح

يسعدك ربي شامخ تضحية وضرب كمان هههههه

الله يعافيك يم يم انا سعيدة بتواجدك ومشاركتك

لما قد نحنا بنص الطريق اجالي كف عالمي من وراء لما حسيت الجلد حق راسي خرجت ليده وعادني مارفعت حواجبي حتى عشان اشوف ايش في الا والاقي الكف الثاني بوجهي لما البرقع لصق بوجهي ..


ههههههههههههه
شكل يده بحجم الطاوه ههههههه

يسلمووو ع القصه الفكاهيه واللهجه عجبتني مره حلوه

هههههههههههههههههه شكرا روح السراب

تسلمي نبض على المرور
صح شمل حجم يده بحجم الطاوة هههه وطاوة كبيرة كمان
اللهجة عدنية قح، ،