من قدّرك واجب عليك تقدّره .. .

.. , من , تقدّره , عليك , واحة , قدّرك

من قدّرك واجب عليك تقدّره .. .

من قدّرك واجب عليك تقدّره
والعز والتقدير من طبع الرجال

وصاحبك مهما حصل لا تخسره
خلّه على يمانك رصيد ورآس مال

وان زل لا تقسى وحاول تعذره
وحاول ان تعطيه فرصه أو مجال

والأصل عند الأكرمين المعذره
ما هي بعدّات الدراهم والريال

واجمل سمات العفو عند المقدره
إذا غريمك صار رهن الإعتقال

وماحد في الدنيا حياته مسطره
نحنا الخطأٰ فينا ولله الكمال

ومال للذنوب إلاّ مياه المغفره
إذا غسلت الذنب بالغفران زال

وما دام عايش والأمور ميسّره
معناه وضعك يعتبر في العال عال

وساير زمانك لو ظروفك معسره
واصبر كما صبر المنيبات الجمال

ليله تقع مظلم وليله مقمره
طبع الليالي في تقلاّب وسجال

وان جاك سائل فالحذر لا تنهره
يمكن عليه ظروف حدّت للسؤال

واحفظ لسانك من كلام الثرثره
واتجنب الغيبه وشغلة قال قال

واحذر تثير الشر ولاّ الشوشره
أو تتهم إنسان من باب إحتمال

واحذر دعاء المظلوم والظلم إحذره
شف من ظلم مخلوق كاله واستكال

ورب ظالم جاه ظالم يقهره
تتبدل الأحوال من حالٍ لحال

صلّي فروضك واحمدالله واشكره
عساه يغني عن حرامه بالحلال

واليوم في الدنيا وبكره مقبره
ما تدري إلاّ وانت شدّيت الرحال

أو ما تشوف الزير ولاّ عنتره
تحت الجنادل والترايب والرمال

خذ من قصصهم موعظه أو تذكره
واغنم حياتك لا تكن إنسان ضال

راقت لي .. .

اختيار موفق وذوق رائع ,,

سلمت يمينك برق الشمال للنقل المفيد ,,
............................
خذ من قصصهم موعظه أو تذكره
واغنم حياتك لا تكن إنسان ضال

جميل ما راق لك
وجميل ورائع ما انتقت ذائقتك الشعرية العذبة
كل الشكر لك اخي الغالي برق الشمال
ودمت بخير على الدوام.

صلح لسان الشاعر وتسلم على النقل
قصيده كلها حكم

صح لسانك احسنت الاختيار
ابيات رووعة
يعطييك الف عافية
لاعدمناك