رديه ..!

..! , رديه

رديه ..!

احد الاصدقاء الاعزاء اخذ مني موعد لزيارته بالامارات
وفات الموعد لم اتمكن من السفر اليه لظروف انشغالي
ولم اعتذر منه حياءاً وخجلاً لمكانته الكبيره عندي
وفجأه ارسل لي بيتين يعاتبني بكل ادب فيها

يقول

سلامي عدد في وهمتي ما هو بمزهود
تزفه علوم الطيب بالعود .. والكادي

على اللي قطع في تالي الوقت لي موعود
ولكنه ابطا ما يوفي بميعادي

علامك عسى ما شر يا ذخري الموجود
عسا مانعك خير وعسى وضعك مهادي

رديت عليه وانا اقول

عليك السلام ورحمة الواحد المعبود
عليك السلام ورحمة البادي الهادي

ويا مرحبا بك ما ينسنس هبوب النود
ياللي على كسب النواميس معتادي

عدد ما سرى البارق في ناوته ويقود
وهلت مزونه من ورى صوت رعادي

يا سنح جنبي كل ما الوقت جا به كود
وذخري ليا شحت بماها وميرادي

سليل الحسب وابن النسب والكرم والجود
ولا هي غريبه من سلالات الاجوادي

غيابي ترى ما هوب مني جفا وصدود
خذتني ظروف الوقت واخلفت ميعادي

انا الغايب الحاضر والمبعد الموجود
ومهما تباعدنا .. معزتك بفوادي

والوعد قايم في ضميري مقام الطود
لك الله وامان الله .. بالقلب ما حادي

وسلم عليك ولا يجي عقبها منقود
وسلم على اخوانك من قروم لولادي

وسوالم .,

صح لسانك ولسانه
ابيات جميله جدا
وونعم بك وبخويك
تحياتي لك

ابيات جميله وكلماتها اجمل
تسلم يالشاعر صح لسانك

صح السنتكم
بدع وجواب تتفوق على بعضها في الجزاله ,,

زين الي مارحت سمعتنا ابيات حلوه انت وهو هههههههه

إقتباس من مشاركة راعي الجربا

صح لسانك ولسانه
ابيات جميله جدا
وونعم بك وبخويك
تحياتي لك

صح الله بدنك يالغالي
الاجمل تواجدك حفظك الله

إقتباس من مشاركة باوزير العباسي

ابيات جميله وكلماتها اجمل
تسلم يالشاعر صح لسانك

حبيبي باوزير جمل الله حالك
صح بدنك وياهلا بك

إقتباس من مشاركة طاش ماطاش

صح السنتكم
بدع وجواب تتفوق على بعضها في الجزاله ,,

زين الي مارحت سمعتنا ابيات حلوه انت وهو هههههههه

هلا وغلا ابو طشطش
وانت تفوقت عليها بحضورك
لا عدمت الطله الغاليه علي

صح السنتكم شاعرنا المميز جويعد الحارثي
جاء الرد أبيات في قمة الروعة بمستوى البدع


تحياتي وتقديري ،،

إقتباس من مشاركة روح السراب

صح السنتكم شاعرنا المميز جويعد الحارثي
جاء الرد أبيات في قمة الروعة بمستوى البدع


تحياتي وتقديري ،،

الاخت العزيزه والغاليه روح السراب
صح الله بدنش ولا هنتي ع المرور
شكرا للحضور واعتذر للتاخير بالرد
لغيابي عن المنتدى

شآعرنآ الغزير " جويعد "

مخملي الحرف أنتَ