|
العوايد والتقاليد بين الامس واليوم السلام عليكم ورحمة الله وبركاته موضوعي الفرق بين الامس واليوم حسب معرفتي واتعلمته من الحياه ومن متابعتي لعوايد القبايل واسلافها واعرافها وقصص ووقايع حقيقيه حبيت اقولهالكم 1- كانت القبايل حين تتحارب يراعون عدم الحاق الجسيم باالغير ويتجنبون الحموله بااي طريقه اليوم كل واحد يحاول بقدر مايستطيع اهانة خصمه بشتى الطرق وقتل مايقدر عليه منهم 2- كانو يراعون وقت المناسبات الحزينه والسعيده او الشهور الحرام اليوم مايحسبون لها أي حساب 3- كان المسافرالجلاد والشيبه والطفل والحرمه لهم احترامهم وكل احد له مقاس ومعيار في الحرب الطارش (المسافر ) ممنوع قتله او التعراض له من قبل الخصوم لين يوصل الى اهله وبيته وبعدها مثله مثله غيره الجلاد والشيبه والطفل والحرمه عيب في العوايد مد البندق فيه او ايذاثه حتى ان الحريم كانو ينزلون يسعفون المصاب او يمونون المتحاربه باالاكل والماء والذخيره ولما يشوفونهم يتوقف الحرب لحين خروجهم من منطقة الخطر من الجانبين اليوم كل هذه راحت للاسف وقتل الحريم صار وقتل الشيبه صار وقتل الاطفال صار وقتل الجلاد صار والمسافر يتقدمونه وهو بثوبه ويقتلونه 4- كان الغريم اذا معه حرمه او اطفال مايمد فيه ولا يقرب منه احترام لمن معه اليوم قتلوهم وسيارتهم ملانه عوايل والحقو الاذى باالعور وعادهم يمتدحون مافعلوه 5- كان الرجل المطلوب للقبيله اذا معه رجال اجناب يتركونه لهم ولعدم الزله في غيره اليوم قتلوهم وقتلو من معهم وباالعكس عادهم احيان يقتلون انسان ماله ذنب ويقولن زله او اشتبهنا فيه طيب وش مستعجل بك باتحرر فلسطن 6- كان الوسيط اذا جاء احترموه وقدروه واكرموه واعطوه مطلبه واذا معه حل مرضي فرحو به ووافقو عليه يريدون المخرجه وتجنب الشر اهم شي يخرجون بكرامه اليوم عند البعض وليس الكل ماللوسيط أي اعتبار وبعضهم يتعرض له بالأذى للأسف 7- كانت القبيله لها شيخ واحد يمثلها في كل شي وكلمته تلاقي احترام الكل ويقطع عليهم جميع حاضر وغايب اليوم للاسف يتكلم الكبير ويقاطعه الصغير ويكسر كلامه امام الجميع وهذه موجوده فعلا ومثبته في عدة مواقف 8- ماكان الواحد من افراد القبيله يعمل أي شي الا بمشاوره وراي واقتناع اليوم كل واحد رايه براسه ولايدرون اهله وقبيلته الا وقد حملهم مصيبه معاد يتخارجون منها 9- مايقدم الواحد على القتل الا اذا بلي ولاعاد معه أي ويسيله غيره اليوم اصبح القتل على اتفه الاسباب على ربطه قات او كوره او اجرة تكسي او كلام ماله داعي والخ 10- كان الصلح له احترامه من الجميع حتى ان الغرما يتقابلون في مناسبات ولاكن بينهم شي اليوم قتلوهم في صلح ولاحد يستامن اصلا لعدم الثقه وعاد اليوم تفشت ضاهره ماهي زينه تلاقي بعض الناس بشكل عام اذا ولده سوى شي مو زين قال خامل ولايمثلنا اجل يمثل من انت المسئول عند الله وخلقه وين انت منه هل عملت مايبريك منه قبل يسوي شي ومعا هذا كله هل هذه العمايل والقتل ترضي ربي اقولكم مثل صار مع ربعنا ونا موجود خذت سياره وطردنا وراها الى الجوف المهم من الحض نجهناها بوقتها وعرفناهم باالاسم اجتمعو معنا اهلهم وقلنا عيالكم سرقو سيارتنا يوم الله بلانا باالكلمه ذي عدمتنا الغدى ههههه قال واحد من كبارهم ليه تقولون سرقوها عيالنا ماهم سرق عيالنا نهابه ( اسفين طال عمرك نهابه نهابه لاكن ردو سيارتنا ) وين احنا عايشين عندي كم سؤال عابر - 1- لو خيروك في مال وجاه ومنصب – واخوك او ابوك من تختار - 2- لو خيروك في كل ماترغبه عى الدنياء – وغضب ربي وعذاب الاخره من تختار اتمنا ان اكون وفقت باايصال بعض مااعرفه ولك تحياتي |
رد : العوايد والتقاليد بين الامس واليوم عااافيه علييك ابو حسين لاهنت يالغااااالي نعم لوخيروني بااختاار اخي او ابي حتى بدوون شي على صفاااه قاالو,,وبطبع بااختااااار رضى ربي واخااف عذااب الاخره تحيا وتعيش ابو حسين دمت وداااااام عزك يالغاااااااالي |
رد : العوايد والتقاليد بين الامس واليوم - 1- لو خيروك في مال وجاه ومنصب – واخوك او ابوك من تختار - 2- لو خيروك في كل ماترغبه عى الدنياء – وغضب ربي وعذاب الاخره من تختار كلام كلة حكم وحقيقة جيت ع الجرح لاكن من يفهم للاسف لازال التخلف اكثر من الماضي بمليون مرة احنا اليوم في عالم الجاهلية ولاكن الله يهدي الجميع الى الدين الحنيف الذي هو قدوة المسلمين وعقلهم الراجح بغياب الدين تاتيك الامور التي سرتها اشكرك اخوي ابو حسين موضوع قيم جدا اسئوال 1-------- اختار اخوي وابوي السؤال 2-------- اختار رحمة الله وجنتة |
رد : العوايد والتقاليد بين الامس واليوم نعم وفقك الله لقد ذكرة فعلاً الحقيقه والقبيله اختلفت اختلاف جذري فرقتها الخزبيه واصبح القبيلى يخلص لحزبه اكثر من قبيلته وايضاً تعدد المشايخ في القبيله فبعضهم مشايخ اب عن جد وبعضهم احزابهم السياسيه نصبتهم وهولا هم اساس البلاء وسبب تعاسة القبيله وخروجها عن المألوف شكراً على الموضوع الرئع وطرح جميل |
رد : العوايد والتقاليد بين الامس واليوم إقتباس:
يعافيك ربي اخوي عيون ويازين مااخترت ولك مني كل التقدير |
رد : العوايد والتقاليد بين الامس واليوم إقتباس:
صدقت يعطيك العافيه اخوي الشاعر ويازين مااخترت ولك مني كل التقدير |
رد : العوايد والتقاليد بين الامس واليوم إقتباس:
الله يوفق الجميع ويصلح الحال ويرد كل غاوي للصواب اخي عاشق اسعدني مرورك وتعليقك ولك مني اجمل تحيه وتقدير |
رد : العوايد والتقاليد بين الامس واليوم اخي ابو حسين صدقت في كل ما قلت بالحرف الواحد بس ياخي زعلتني يوم قلت للجماعه سرق وش ذا الهرج , ذولا نهابه هههههه ديمه قلبنا بابها اما عن الاسئله 1/ لو يجيبون كنوز قارون ما فكرت ولو تفكير ان اختارها عن ابووي او اخوي 2/ والذي نفسي بيده لو تركع الدنياء تحت قدمي بزينتها وزخرفها ما نظرت لها امام ان يرضى على ربي ,, رضى ربي ابلغ ما اصبوا اليه واتمناه .... ابو حسين ليتهم يفكرون بمثل تفكيرك خالص تحياتي و مودتي |
رد : العوايد والتقاليد بين الامس واليوم ابو حسين الآن قبيلة أستراليين ، نسبة الى القمح الاسترالي ، بنسبة للعادات والعراف القبلية بسلبياتها وايجابياتها ، أنهت تماما ، ما يحصل اليوم وما نسمع ونشاهد هو صراع عصابات تسمي أنفسها قبائل.. |
رد : العوايد والتقاليد بين الامس واليوم صدقت اخي ابو حسين في كل حرف كتبته |
| جميع الأوقات GMT +3. الساعة الآن 04:22 AM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.