ودي اكتب قصيده عاطفيه
 

يا هل المرقاب من عنده ( قصيدة عاطفيّة )
لي ثلاث ايام ( بصمة ) راحتي من فوق خدّي
اسعفوني يا وجيه الخير من باب الحمية
كن هاجوس القصايد واقفٍ خصمي وضدّي
ودي اكتبها وخانتني الحرروف الابجدية
قلت ( ودي ) قال ( تفكيري ) حشا ماهوب ودّي
كلبوها حول ( عشر بيوت ) ونحل ( القضية )
للزمالة ( حقها ) قدام لا ينباح سدّي
او تبون نحط شرط ؟؟؟ ونعطي الفايز (هدية )
لين كلِ يجتهد ( فالوصف ) من باب التحدّي
في هنوفٍ كن نظرتها ( غموض الجاذبيّة )
كل ما لدّت نظرها يختلط ( جزري ) ( ومدّي )
بنت من يورد ( شيوخ القوم ) لحياض المنيه
داسمٍ شاربه من ( روس الشيوخ ) ولا يصدّي
عيطموسِ كنها وصف ( الكحيله) ( والعبيّة)
الحيا ( ملبوسها ) ( والملح والزين ) متعدّي
جادلٍ شامت عن دروب ( النطيحة ) ( والرديّة )
في تغنجها ( رهاوه ) فارقة ( ياعين جدّي )
فارعٍ في ثقلها حكم ( السلوم اليعربيّة )
مايفوز ابها ويمسك حكمها ( حظ )متردّيض
الوكاد اني بغيت اكتب ( قصيدة عاطفيّة)
كان ودي مير ما جات المناوي حسب ودّى

ابن معيلي حياك ربي

احتليت قلوبنا احتلال امريكي ابداع منقطع النظير ونشاط ربي يعافيك وذوق راقي في الاختيار

لاعدمناك يانشمي اسجل اعجاب ومرور ( كل ما لدت نظرها يختلط جزري ومدي ) لاعدمناك يالغالي ..

الله يسلمك ويخليك ياالغااالي
لا عدمناك ياالغااالي
هذا من ذؤؤؤؤؤؤقك يامنبع الذؤؤؤؤؤق
واشكــرك على مرورك المميز تقبل خالص شكري وامتناني