|
قصيده كلها حكم كم واحدٍ حطوه في قبره وباقي له حقوق وكم واحدٍ راحت حقوق الناس في قبره معه ياللي تبوق الناس وش رايك نسميك السروق والا بعد ما ودّك ان الاسم هذا تسمعه يمكن تتوب من الجرايم حقتك والا تفوق والا مهف مقيط وارشا امقيط واللي يتبعه بكره ليا باح الكلام ويبست ارياق الحلوق ووقف على بابك رسول الموت محد يمنعه الناس من حولك وكل هابط له بطن سوق واقربهم اللي قام يدعي لك ويمشي مدمعه وجاك الملك من بينهم يسوق فيك الموت سوق وانته تعاين فيه لاكن مانت قادر تدفعه ثم قام ينزع روحك اللي جوّدت معها العروق وأنست حر الموت في قلبك قبل لا ينزعه والتفت الساقين والتمّت عراجين العذوق وجاء عند زورك من عظيم الكرب صوت وقربعه وراح النظر يطرد ورا روحك ويلحقها لحوق وقرت عيونك في السما والروح راحت مسرعه واصبحت في قبرك قبل لا يبتدي وقت الشروق من تحت سطح الارض في حفره قليلة لذرعه يعني كذا خلاص ما تقدر تغش ولا تبوق ولا يفيدك لا حلال ولا تفيدك مزرعه راحت حقوق الناس في ذمتك طوق فوق طوق يا كيف بعد الموت حق الناس تقدر ترجعه المال يأخذه الولد وان كان في قلبه عقوق ينشد عن أيام العزا ثلاثة والا اربعه ما دامت القوة ولا عمّر على الأرض امخلوق الادمي مهما يطول العمر يلقى مصرعه هذا كلام العقل والمنطق وثقنا به وثوق وان كان راسك ما اقتنع به حاول انك تقنعه والا ترا الذمة برية منك واصبحت امحقوق وان كان ودك بالسلامة فاسمع الشور وطعه بعض العرب لا شفت جريه قلت عز الله سبوق يطرد ورا الدنيا ولو حاش الذهب ما يشبعه عينه على اللي عند خلق الله وفي قلبه حروق لو كان يقدر كان حتى الما عليهم يقطعه ما يدري انه لو قعد يجمع من المال ويحوق ما يجمع الا اللي كتب ربي له انه يجمعه الله قِسَم لارزاق يوم اعطى المزايا والفروق وما فيه نفس الا لها رزق وفيها منفعه والا من اللي علّم المولود لين اصبح يذوق من علمه يلقى حليب امه ويقدر يرضعه اللي يبي يرتاح في غير القناعة لا يتوق يرضى بمقسومه ولا يتبع هواه ومطمعه والرابح اللي راح في قبره وباقي له حقوق ما راح في قبره وكل حقوق خلق الله معه تحياتي منقوله لشاعر/ سعد بن مقبل الاكلبي |
صح الله لسان الشاعر ومشكور اخي عيون الليل. على تلك الأبيات أو با الأصح الحكم الجميلة ما ننحرم من ذوقك الرفيع |
صح لسان قائلها وتسلم الانامل على النقل اقتباس يعني كذا خلاص ما تقدر تغش ولا تبوق ولا يفيدك لا حلال ولا تفيدك مزرعه راحت حقوق الناس في ذمتك طوق فوق طوق يا كيف بعد الموت حق الناس تقدر ترجعه المال يأخذه الولد وان كان في قلبه عقوق ينشد عن أيام العزا ثلاثة والا اربعه |
شفت شلون وتقولي امس القصايد ما منها فايده هذه قصيده كلها حكم ... والله يحسن خاتمة الجميع ولا يميتنا الا وهو راضي عنا ما دامت القوة ولا عمّر على الأرض امخلوق الادمي مهما يطول العمر يلقى مصرعه شكرا عيون الليل عالنقل الجميل |
أبيات جميه جدآ فيها من الحكم والنصايح الكثير لمن يفهما ويتقنها صح الله لسان الشاعر وسلمت يد الناقل |
نقل رائع قصيده تحمل كل النصايح والحكم وصح لسان الشاعر وصح نقلك وفكرك الرايق اخي القدير تحياااااتي |
| جميع الأوقات GMT +3. الساعة الآن 09:16 AM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.