حبيبتي .. وشلون .. اصبحك .. بالخير....
 

حبيبتي .. وشلون .. اصبحك .. بالخير
.....................وانتي.. صباح. الخير والخير كلّه
\

\
صبح الندى والعشب والغصن والطير
......................صبح الغيوم..اللي علينا..مطّله
\

\
انتي صباحات السعد والتباشير
.....................على وجيه<ن>بالرضا مسفهلّه
\

\
دامك صباحي وين ما اروح واسير
.....................والله ما ادور فوق راسي مظلّه
\

\
جيتي ووقفت لك ضلوعي جماهير
............................يتل منها شوقي اللي يتلَّه
\

\
وما دام جيتني فانا حالي بخير
..................لو كان جرحي ما استرته الاجلّه
\

\
جيتك هذي غير .. وإنتي بعد غير
.......................جيتك مثل الوسم لا جاك حلّه
\

\
تزهر بها قيعان قلب مداهير
.................. وترد معها روح خل<ن> لخلّـه
\

\
يا مرحبا يا اغلى واعز المسايير
..................واغلى المشاعر بيت اهلها تدّله
\

\
عروق قلبي لك دلال<ن>مباهير
..................صبيتها ... دله ... ودله ... ودلّه
\

\
تربعي بين الحشا والازارير
..................واخذي على..ترويقة البال.. فلّه
\

\
والا اصبري بطير القلب تطيير
................وانتي تعالي واجلسي.. في محلَه
\

\
سقت الغلا لك والنويا مغاتير
...............ولا همني .. حقد القلوب .. المغلَه
\

\
مدري صباح الخير والا مسا الخير
..............مير الوكاد .. فوجهك الخير .. كلّه



|

|

قصيده غزليه جميله

شكرا على نقلها اخ كثير

قلب شبوة يعافيك ربي

شاكر مرورك الكريم