|
في الغربـة يزيـــد الشـــوق للديـــرة -وعينـــي كل ما جاء ذكـــرها تدمـــع الشاعر / عبدالله مبارك الجعيدي في الغربـة يزيـــد الشـــوق للديـــرة ------- وعينـــي كل ما جاء ذكـــرها تدمـــع بلادي حضرمـوت اللـــي لها سيـــرة ------- عظيمة في كتاب المجــد والمرجــع هواهــا لغـــز ما حصلـــت تفسيـــره ------- ومن ماء عذب فيها مستحيل اشبــع ثراهـــا عطـــر غالـــي في قواريــره ------- وله من كـان في جنــة عــدن يرجـع وبالـــذات الـــذي عقلـــه وتفكيـــره ------- بها طول الزمــن مشغـــول ومولـــع بلد من دون شي فيـــزه وتأشيـــرة ------- متى ماهزني شوقــي لهـــا بقلـــع ينـــال الادمـــي عــــزه وتقديــــــره ------- بها واسمـــه وصيتــه للعــلاء يرفـــع سرحنــا بالرضـــاء منهـــا وبالخيـــرة ------- وأنا عالستر منها قد سرحـت اربـــع وكل ماقلت خيرة في السفر خيـــرة ------- يجور الحمل فيهــا والفلـــس يدفــع بنـا للعيـــش في المهجـــر. وتاثيـــره ------- في اجسام الحضارم من بطي يقطع متى بس فقرهـــا نطـــوي بناديـــره ------- ونبحث بالقـــدُم حفرتـــه والمخلـــع وفي نعشه نــدق آخـــر مساميـــره ------- ومن كل القلــوب الطاهـــرة ينـــزع وبتـــرول ارضهـــــا نسمع مواطيـــره ------- ونجعل كل من سمّعه ضعف يسمـع ونرفــع فــوق كــل ميــدان بنديــــرة ------- ونحميهـــا بابو سطريـــن والمدفـــع ونحفظها حقـــوق الجـــار والجيـــرة ------- ولا نسمـح لحد في حقنـــا يطمـــع تراب ارض الحضارم حــان تطهيــــره ------- وكل قاسي لهم ماعـــذر مايخضـــع وأسلوب اهلهـــا مطلـــوب تغييـــره ------- بلد نسجـــد بهـــا لله ولـــه نركــــع اذا نــال المواطـــن حلـــم تحريـــره ------- ورايات الشرف فوق ارضهـــا ترفـــع قمرهـا بايشـع مـــن بعـــد تأخيــره ------- ومن بعد الغيام الشمــس باتطلـــع ونـــور الفجـــر باتظهـــر تباشيـــره ------- وفي كبد السماء ماعذر مايسطـــع وديرة مثلها ماشفــت شي ديـــرة ------- بها شمل الحضارم غصــب يتجمــع ----------------------------------------------- |
رد : في الغربـة يزيـــد الشـــوق للديـــرة -وعينـــي كل ما جاء ذكـــرها تدمـــع متى بس فقرهـــا نطـــوي بناديـــره ------- ونبحث بالقـــدُم حفرتـــه والمخلـــع وفي نعشه نــدق آخـــر مساميـــره ------- ومن كل القلــوب الطاهـــرة ينـــزع صح لسان الشاعر عبدالله مبارك الجعيدي قصيدة تعبر عن حال المغترب والشوق والحنين لمسقط الرأس مراقبنا القدير / هاشمي سلمت يداك ومشكور على النقل تحياتي |
رد : في الغربـة يزيـــد الشـــوق للديـــرة -وعينـــي كل ما جاء ذكـــرها تدمـــع تسلم اخي هاشمي على النقل الجميل بيض الله وجهك |
رد : في الغربـة يزيـــد الشـــوق للديـــرة -وعينـــي كل ما جاء ذكـــرها تدمـــع صح لسان قائلها....وتسلم يمين ناقلها أخوي هاشمي لاهنت ولاهانت مرابيعك على النقل الجميل والإختيار الرائع ...تحياتي القلبيه لسموك |
رد : في الغربـة يزيـــد الشـــوق للديـــرة -وعينـــي كل ما جاء ذكـــرها تدمـــع هواهــا لغـــز ما حصلـــت تفسيـــره ------- ومن ماء عذب فيها مستحيل اشبــع ثراهـــا عطـــر غالـــي في قواريــره ------- وله من كـان في جنــة عــدن يرجـع صح لسان الجعيدي وتسلم الانامل الذهبيه على النقل ابداع ابو هاشم نعم بترولها نسمع مواطيره ولاكن وش الفائده حكامها قطيع عصابات ومافيا سرق |
| جميع الأوقات GMT +3. الساعة الآن 11:52 PM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.