منتدى الآصالة والتاريخ حريب بيحان - والبوب صكت وربي مانغلق بابه...يارب عفوك ونفسي لاتعذبها

مايزرع الشك الا وفرة اسبابه..
وما يصلح النفس الا من يعاتبها..

ومايعرف الحب الا من تغنا به..
وماتسعد الروح في فرقا حبايبها..

ياضايق الصدر..كثر الضيق وش جابه..
عليك بالصبر..والضيقات حاربها..

واسبح مع الليل لامن ارخت اهدابه..
ولامافهمت الحياه..اسأل مجربها..

دنيا حقيره..وللافراح نهابه..
والحزن والهم يتسلل جوانبها..

والعاقل المتزن مانالت اعجابه..
والظلم فيها والشيطان غالبها..

كثير منا ابد ماراجع حسابه..
وقليل منا حياته صدق حاسبها..

العمر يمضي..وطاري الموت ينتابه..
وللنفس زلات..وحمل الذنب ناهبها..

والبوب صكت..وربي مانغلق بابه..
يارب عفوك..ونفسي لاتعذبها..

الشاعر...أبوعلي...
برهان المسلماني...