منتدى الآصالة والتاريخ حريب بيحان - بعض العرب لاجبت عنده وداعات...يبين غدره في ملامح وداعه

- حريب بيحان للشعر المنقول (https://www.hreeb-bihan.com/vb/forums/hreeb46/)

بعض العرب لاجبت عنده وداعات...يبين غدره في ملامح وداعه

نضحك..ولانصغي لقول الاشاعات..
وتبقى الحقيقه ضد مبدأ الاشاعه..

وان كان لليابان بعض الصناعات..
احيان عندي لبتسامه صناعه..

مجبور اجامل ناس تلبس قناعات..
وعندي لهم نظره وعندي قناعه..

ساعات يضيق الصدر فيني..وساعات..
ارتاح..دام ان العمر بس ساعه..

بعض العرب لوقلت منهم نفاعات..
دريت ان الظن مابه نفاعه..

وبعض العرب لوجبت عنده وداعات..
يبين غدره..في ملامح وداعه..

لخلاق مسيومه ببخصا" مباعات..
حتى الطبوع اللي مدحنا مباعه..

ووازع المعروف ماله دفاعات..
مثل الردا ياقوته في دفاعه..

خذنا التفكك..كيف صرنا جماعات..
والله ودمرنا الحسد ياجماعه..

وش عاد باقي مانشر في الاذاعات..
والقتل والتدمير في كل اذاعه..

الشاعر أبوعلي.....
برهان المسلماني...