نصبر على قرص النحل حتى نوصّل لـ الرحيق كلمات فزاع جسر الصداقه روعه شوي عليها :r (108): الضايق اللي ساري ليله ولا حصل طريق تلعب به الأيام بـــين يميـــــنها و شـمالها يا غارق ٍ ب الهم لا تطلب نجاتك من غريق الصبر مفتاح الفرج و الناس هذا حالها و أنا ترى مَتني يشيل من الحمل مالا يطيق مالي و مال الحمل اللي كل كتف ٍ شالها أيامنا بين الشهر و اليوم و الباقي سحيق الأيام كم يبغالها و الناس كم يبغالها و الدله اللي ما تقهوي ضيفها قل لـ البريق يرسل تعازي ضوها لا فاحت ب فنجالها وقمرية الأحزان لا غنت على الغصن الدقيق ما تعاتب المحزون لا غنت ولا غنالها يا ناس وش حل الرفيق اللي يعاتب له رفيق ؟ لاحدته الأيـــام و الـدنيا على منـــوالها لا تحسب ان اللي تحبه لا جرحته ما يضيق لو يستر جروحه عليك و عــلته مـا قالها يضيق ولكن مبسمه ضحاك و أحجاجه طليق لأن الصداقه كنز والحسنة بعشـــر أمثالها و الحقد ف قلوب الرجال للوفاء ماهو يليق قلوبها تبقى نظــــيفه لو تغيــــر حالها و أنا لو أبني لـ الصداقه جسر لعيون الصديق الناس من كثر الزعل فال الله ولا فــــالها العذر ما يكفي من التقدير و الصده تعيق الوصل من بين القلوب اللي تمد أحبالها والماس سعره فوق سعرك يـ الذهب لولك بريق سعـره لحاله و الذهب تســــعيرته ب حالــها و أهل الجواهر يفرقون الكهرمان من العقيق لو نخلط الثنتين بنتٍ في طرف سلسالها نصبر على قرص النحل حتى نوصّل لـ الرحيق و أهل الهوى يمسح خطاياها لذيذ أوصالها و الناس لجل آمالها تحتاج للفـــهم ٍ دقيق و اللي ما تملك فهم تخسر نفسها و آمالها جبال الأرض الشامخة يا منكر المجد العريق هاماتنا مـن كبـر هيبـتنا تطول أجبــــــالها جديدنا مستقبل زاهر و ماضـــينا عتيق مســــيرة التاريخ يبقى مجدنا في بالها |
رد : نصبر على قرص النحل حتى نوصّل لـ الرحيق صح لسانه شاعر كفو و معروف.. و تسلم يمانك على النقل و ذوقك على الاختيار.. تقبلي مروري تحياتي لك |
رد : نصبر على قرص النحل حتى نوصّل لـ الرحيق شرفني مرورك شاعرنا ادمرال |
رد : نصبر على قرص النحل حتى نوصّل لـ الرحيق صح لسان الشاعر معروف و كفوو بجد انتقائ مميز وموب غريب عليش عيووني مبدعه ومتميز ه في كل الاختيارات لكي دائقه خاصه فييش ومااجمل منهاا تقبلي مروري البسيط حبيبتي |
رد : نصبر على قرص النحل حتى نوصّل لـ الرحيق هذا بس من ذوقش الطيب ... سلمتي وفرحني مرورج .. |
رد : نصبر على قرص النحل حتى نوصّل لـ الرحيق صح لسان شاعر وسلمت ذايقتك ياذوق ع نقل |
رد : نصبر على قرص النحل حتى نوصّل لـ الرحيق سلمتي يا يمامه ومنوره واخر الغيبات |
جميع الأوقات GMT +3. الساعة الآن 05:47 PM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.