|
من روائع الشاعرمحمدابن نغموش القحطاني عللتي يا خطرها حار فيها المداوي والطبيب = عقب ذاك النشاط أصيح تكفون وين العافيه انحنى الظهر والشوف اقترب واعترى الشعر المشيب = والقدم حار والجنبين عن مرقدي متجافيه كان فينا من الصحة وطول الأمل شي عجيب = يحسب انها الخبل تبقى وهي في الحقيقة جافيه كنت أقود الصفوف واقدح العلم من راس صليب = واتعزوى بقوم يعرفون السلوم الوافيه كنت بين العرب كالذيب له في مراقيبه قنيب = واصبح اليوم ذاك الذيب ملحوق خير وعافيه بعد ما مات ريعي صرت بين البشر كني غريب = والونس غاب وجروح الزمن في الخلد متكافيه احسب الوقت والتفكير ياقف على أمس القريب = دام هذي السنين الماضية كيف عاد اللافيه ؟!! قالها اللي يشوف إن شمس عمره تدانت للمغيب = والمرض في جنوبه حل والحزن بيح خافيه وعللتي يا خطرها حار فيها المداوي والطبيب = عقب ذاك النشاط اصيح يا ناس وين العافيه محمد بن نغموش القحطاني |
رد : من روائع الشاعرمحمدابن نغموش القحطاني إقتباس:
يعطيك الف عافيه وقصيدة جميلة تحكي الواقع العربي المرير كنت وكنت طيب والحاضر يقول مرض وافول كان الله في عون المواطن العربي وصح لسان الشاعر وتسلم شامخ على النقل |
رد : من روائع الشاعرمحمدابن نغموش القحطاني اش يعني ريعي ؟؟ وسلمت .. |
رد : من روائع الشاعرمحمدابن نغموش القحطاني الله يسلمك اخي كثييرالاسفارعلامرورك تسلمين قلبناالنابض علاالمشاركه والمداخله الطييبه لاافهم معنى كلمه ريع بالضبط ولاكن الشاعر يمكن مقصوده بريعه هو قوته وهيبته وشكرن لكم |
رد : من روائع الشاعرمحمدابن نغموش القحطاني شامخ منيف صحت يدك على النقل المميز وصح لسان القحطاني حال أجاويد العرب بعد تغير صروف الوقت عليهم وتقلبها |
| جميع الأوقات GMT +3. الساعة الآن 07:46 PM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.