|
البارحه يوم الخلايق نياما البارحـة يــوم الخـلايـق نيـامـا بيحت مـن كثـر البكـا كـل مكنـون قمت اتوجد وانثـر المـاء علـى مـا من موق عين دمعهـا كـان مخـزون ولـى ونـة مـن سمعهـا ما ينـامـا كني صويب بيـن الأضـلاع مطعـون وإلا كمـا ونـت كسـيـر السـلامـا خلـوه ربعـة للمعـاديـن مـديـون فـي ساعـة قـل الرجـا والمحامـا في ما يطالـع يومهـم عنـه يقفـون وإلا كمـا ونـت راعبـيـة حمـامـا ذكرهـا والقوانيـص يرمـون تسمـع لهـا بيـن الجرايـد حطامـا من نوحها تدعـي المواليـف يبكـون وإلا خـلـوج سايـبـة للهيـامــا على حوار ضايع في ضحـى الكـون وإلا حــوار نشقـولـه شـمـامـا وهـي تطالـع يـوم جـروه بعيـون يـردون مثلـه والظوامـي صيـامـا ترزمـوا معهـا وقـامـو يحـنـون وإلا رضـيـع جـرعـوه الفطـامـا توفـت امـه قبـل اربعينـه يتمـون عليـك يـا شـارب لكـاس الحمامـا صـرف بتقديـر مـن الله مــأذون جاه القضاء من بعـد شهـر الصيامـا صافي الجبين بثانـي العيـد مدفـون كسوه من بيض الخـرق ثـوب خامـا وقاموا عليـه مـن الترايـب يهلـون راحـوا بهـا حـروة صـلاة الامامـا عند الدفـن قامـوا لهـا الله يدعـون برضـاه والجنـة وحسـن الخـتـاما ودموع عينـي فـوق خـدي يهلـون حطـوه فـي قبـر غطـاه الهـدامـا في مهمة من عرب الامـات مسكـون يـا حفـرة يسقـي ثـراك الغمـامـا مزن مـن الرحمـة عليهـا يصبـون جعـل البختري والنفـل والخـزامـا ينبت على قبـر بـه العـذب مدفـون مرحـوم يالـي مـا مشـي بالملامـا جيران بيتـه راح مـا منـه يشكـون يا وسع عذري وأن هجـرت المنامـا ورافقت من عقب العقل كـل مجنـون أخـذت أنـا ويـاه سبعـة اعـوامـا مع مثلهـن فـي كيـف مالهـا لـون والله كنة يـا عـرب صـرف عامـايا عونة الله صـرف الأيـام وشلـون وأكبـر اهمومـي مـن بـزور يتامـا وإن شفتهم قـدام وجهـي يصيحـون وأن قلـت لا تبكـون قالـوا علامـا نبكـي ويبكـي مثلنـا كـل محـزون لاقلـت وش تبكـون ؟ قالـو يتـامـا قلـت اليتيـم ايـاي وانتـم تسجـون قمـت اتشكـا عنـد ربـع اعدامامـا وجوني علـى فرقـا خليلـي يعـزون قالـوا تجـوز وانـس لامـه بلامـا ترى العذارى عـن بعضهـم يسلـون قلـت إنهـا لـي وفقـت بالـولامـا ولو جمعتـم نصفهـن مـا يسـدون مـا ظنتـي تلقـون مثلـه حـرامـا ايضا ولا فيهن علـى السـر مامـون وأخـاف أنـا مـن عاديـات الذمامـا اللي على ضيـم الدهـر مـا يتاقـون أوخبلـة مــا عقلـهـا بالتمـامـا تضحك وهي تلذغ على الكبد بالهـون تـوذي عيالـي بالنـهـر والكـلامـا وانا تجر عني مـن المـر بصحـون والله لــولا هالصـغـار اليـتـامـا وخايف عليهم مـن الدجـه يضيعـون لقـول كـل البيـض عقبـة حرامـا واصبر كما يصبر على الحبس مسجون عليـه منـي كــل يــوم سـلامـا عدة حجيج البيـت واللـي يطوفـون وصلـوا علـى سيـد جميـع الانامـا على النبي يللـى حضرتـوا تصلـون |
رد : البارحه يوم الخلايق نياما ابن معيـــــــــــــــــلي اهـــــــــــلآ ومــــــــــرحبآ بهأ الطله الجميله كم اشتقنــــــــأ لك اخي ابيـــــات رائعــــــــــه لاعدمناك يا الغالي تحياتي |
رد : البارحه يوم الخلايق نياما ما اقواها من ابيات حزينه وموثره جدا جدا جدا يا وسع عذري وأن هجـرت المنامـا ورافقت من عقب العقل كـل مجنـون أخـذت أنـا ويـاه سبعـة اعـوامـا مع مثلهـن فـي كيـف مالهـا لـون سلمت |
رد : البارحه يوم الخلايق نياما الله يسلمكم جميييع وشكراً على المرور |
| جميع الأوقات GMT +3. الساعة الآن 10:41 PM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.