منتدى الآصالة والتاريخ حريب بيحان - ابداع المهاجر الجريح !

- حريب بيحان للشعر المنقول (https://www.hreeb-bihan.com/vb/forums/hreeb46/)

- - ابداع المهاجر الجريح ! (https://www.hreeb-bihan.com/vb/threads/hreeb32313/)

ابداع المهاجر الجريح !

من اروع ما كتبه صديقي الشاعر / المهاجر الجريح

لا تودعني .. مـــدن قلبي حـزينة
ولا تغادرني علـــى باب الامــاني

و انتبـه لا تهتك اســـتار السكينـة
و لا توّلع نار بعدك .. فـ/ المحاني

جيت لك يا بحـر و احلامي سفينة
ضايقة مــن ضمها كــل المواني

جيت لك شاعر و ما تملك يمـــينه
غير بضع ابيات من فيض المعاني

و قلت هذا شاعرك و الله يعـينه
جاء يشيد لك مــن اشعاره مباني

"شاعـــرك" بـدوي تأثر بـالمدينة
و استفاد .. بقدر ما قلبه يعــاني

و الله إنْهــا لو تجي عينك بعينه
شفت قلبه كله اخلاص و تفاني

بس وين انته و حلم القلب ويـنه
حال دونك يا هوي قلبي زمـاني

و الله إنْ قلبي ليا هـــدّه حنينـه
قام سافر لك و انا باقي مكاني

وطالما والعمر تجري بي سنينه
و الليالي .. تنطوي كَنْها ثواني

ودي ان لي عمــر ثاني تسكنينه
و ودي اتذوق هواك بقلب ثاني

ودي اْ بلحظات في قربك ثمينة
عشتها من قبل لو تجدِ الامانـي

أدري ان قلبي معك ميت غبينة
بس لبيت الهوي .. دامه دعــاني

و أدري انه سر وانْ قلبي خزينه
وحافظه لكن مدري وش بلاني

لا تقــولوا .. كاتبه تســــلم يدينه
قبلكم با قول "صح الله لساني"