صمت يقتل لكن البوح مقتول الصمت يقتـل لكـن البـوح مقتـول =من خنجـر التطنيـش والـلا مبـالاه لوقلـت مهمـا قلـت ماينفـع القـول =قـل الوفـا والصـدق دايـم معانـاه لو اكشف المجهول ماصـار مجهـول =ولو اسئل المظلوم عـن شـيٍ ابكـاه يمكن يجيب العرض في خانة الطـول =ويمكن يجيب الطول والعرض ينسـاه ويمكن يفكر يسـري الليـل مخـذول =ويمكن يجينا الصبـح ويفـل ذكـراه الظلم ينـزل واكثـر النـاس منـزول =والحـب ظلمـه مستبـد بضحـايـاه يبني بيـوت ويتـرك بيـوت للغـول =ويهـدم بيـوتٍ كانـت اول مبـنـاه يمزج مـن ارواح المحبيـن محلـول= حب الشرف والمصلحـه فـي محيـاه شفني فتحت من الهوى بـاب مقفـول =شفنـي تذوقـت المـراره بطـريـاه شفني كفلت انسـان ماهـو بمكفـول =شفني فتحت زرار ثوبـي ولا ابغـاه شفني من الضيقه عن الناس معـزول =شفني علـى اوتـار التعـب ماتعـداه شفني من الحرقه لي سنيـن مغسـول =شفني كتبتـه بـزرق الحبـر واقـراه اهديت له قلبـي قبـل لهـدي اللـول =أغلى الهديه وأرخص القلـب واهفـاه يقطف من ازهار الصبى خير محصو ل =ويجف زهري مالمـس كـف يمنـاه اجيه مـن شوقـي والاقيـه مشغـول =وارجع واحن ارجع لبيتـه ولا القـاه وادق رقمـه دايـم الـقـاه مقـفـول= وارسل رساله واسئل الشوق مضنـاه حتى دريت انـي منسـق ومفصـول =من دفتر احبابـه نثرنـي علـى مـاه عقلي عن التفكيـر عاجـز ومشلـول =كفـت مزايـايـه تـرجـح مـزيـاه احيان اشك اني مـن العشـق مبـدول =اذكر خطايا النفـس وانسـى خطايـاه معقـول لا يانـاس ماهـو بمقـعـول =انـه ملـك قلبـي وكسـر حنـايـاه واقفى يمد خطـاه عنـي وانـا اقـول =الله يحفظـه مـن شياطيـن دنـيـاه اقفى وانا من طعنته صـرت مذهـول =وشلون مسلم تدمـي الصـدر شلفـاه الكارثـه قلبـي يحـبـه ومقـتـول = مـن خنجـر التطنيـش ولا مبـالاه عجبتني ونقلتها لكم |
رد : صمت يقتل لكن البوح مقتول شفني كفلت انسـان ماهـو بمكفـول =شفني فتحت زرار ثوبـي ولا ابغـاه شفني من الضيقه عن الناس معـزول =شفني علـى اوتـار التعـب ماتعـداه شفني من الحرقه لي سنيـن مغسـول =شفني كتبتـه بـزرق الحبـر واقـراه اهديت له قلبـي قبـل لهـدي اللـول =أغلى الهديه وأرخص القلـب واهفـاه يعطيك العافيه اخت اليمامه اختيار رؤؤؤؤؤؤؤؤؤعه تحياتي لك |
رد : صمت يقتل لكن البوح مقتول شفني من الضيقه عن الناس معـزول =شفني علـى اوتـار التعـب ماتعـداه شفني من الحرقه لي سنيـن مغسـول =شفني كتبتـه بـزرق الحبـر واقـراه اهديت له قلبـي قبـل لهـدي اللـول =أغلى الهديه وأرخص القلـب واهفـاه يقطف من ازهار الصبى خير محصو ل =ويجف زهري مالمـس كـف يمنـاه قصيده روعه صح الله لسان الشاعر وتسلمين علاالنقل اليمامه دايم اختيارك رائع شكراً لك |
رد : صمت يقتل لكن البوح مقتول إقتباس:
مشكوووووووووووووووووور ع المرور لاهنت |
رد : صمت يقتل لكن البوح مقتول إقتباس:
يعطيك العافيه ع مرورك الكريم |
رد : صمت يقتل لكن البوح مقتول اختيار روووووعة راق لي كثيرا صح لسان قائلها ويسلم يمينك على طرحها هنا لكي نستمتع بقرأتها ،، |
رد : صمت يقتل لكن البوح مقتول إقتباس:
مرورك اسعدني كثير لاهنتي |
جميع الأوقات GMT +3. الساعة الآن 08:30 AM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.