|
ابيات شعرية بالخوي والصديق موقف اللي صدو عنك وخلوك وضاقت بك الدنيا ولا فيه فزاع ابشر بعزك لعنبو من عادوك تأمر علي وانا أجيك بياع لاتشتكي الدنيا وان حي ياخوك يفداك راسي وكلي لك انصاع |
رد : ابيات شعرية بالخوي والصديق الجود شيخ تملكه عدة اطراف..بس المراجل حالفه انك ولدها عريب واجد وحاوين كل الأعراف..دنياك جنه بس فعلك رغدها كن العلوم الطيبه عندك اهداف..صارت فريسه وانت كنك اسدها |
رد : ابيات شعرية بالخوي والصديق قم يانديبي بالعجل واحمل النص..وصل اكتابي والأمانه على شاص شاص خليجي للنشاما مخصص..شد البلد مضمون عن كل الأنقاص مرسله للي يفعل الطيب مخلص..طبيعته دايم على الطيب حراص |
رد : ابيات شعرية بالخوي والصديق وجودي على اللي خوته للمريض علاج..يداوي صويبن في صميم الحشى لاج رفيق الرفيق ورفقته فوق راسي تاج..ياعله فداه اللي يخيب رجى الراجي |
رد : ابيات شعرية بالخوي والصديق يشتاق قلبي للمطاليق..شوق الحبيب اللي تمنى حبيبه كنز الرجال ولا كنوز الصناديق..المال يفنى والنشاما تجيبه رعاك ربي من عيون المخاليق..والله يصيب اللي يبي لك مصيبه |
رد : ابيات شعرية بالخوي والصديق فيني شموخ غارسه شايبي غرس..ومهما يجور الوقت مالن راسي ابوي علمني وانا حافظ الدرس..ماأخـــــــــــــــالف سلم جدي وساسي انا حمست العز في داخلي حمس..وهيلت فنجــــــــانه وقندت راسي |
رد : ابيات شعرية بالخوي والصديق أنت الذي يرمى بك الظن ويصيب..والا الردي ماله على الظن طاقه ساسك عريب وراسك اطيب من الطيب..وابوك يرخي للثقيله شقاقه والأبل ليا أقفت ماتجي بالمناديب..وحنا على ماقيل ربع ورفاقه |
رد : ابيات شعرية بالخوي والصديق رز الوعد ياصاحب العرف رزه..وانا خويك في نهار الطلايب ان ضقت خذ قلبي فضاك وتنزه..نوخ بقلبي معضلات الركايب ومثلك ليامن ضاق يبشر بعزه..ناتي بمايرضيك لو هي غصايب |
رد : ابيات شعرية بالخوي والصديق قلي وش المطلوب ياأبن الكريمين..قلي وش الصعبات وانا جملها ازهم على صاحيين نحضر مجانين..اما كذا والا الرخامه لآهلها لاضاق صدرك لاتخاوي مساكين..خلك مع اللي نيته مايبدلها |
رد : ابيات شعرية بالخوي والصديق مانيب في طرد المقفين ملزوم..مالي بهم ياطيب الفال حاجه المسك مسك وبينه ريحة الثوم..والورد عطره ماتحبسه قزازه المال عمره مابنى المجد للرخوم..والنذل مايقضي للأجواد حاجه |
| جميع الأوقات GMT +3. الساعة الآن 06:09 PM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.