|
لن نستسلم للزعيم .. عفاش ! //لن نستسلم للزعيم// //لو يسلم ابليس الرجيم// قولوا لعاصي والديه والله مانندم عليه ولن يعود الحكم ليه لو عادوا اصحاب الرقيم مهما يخرب في البلد لن نلعن الثورة أبد لوما بقي منا ولد يمين بالله العظيم لن نلعن ايام الربيع لو شيب الطفل الرضيع والحق عمره مايضيع وبعده الشعب الحكيم لوتنقطع كل السبل على القبايل والقبل اقسم بربي مانقل رعى الله ايام الزعيم لو توقف ايام الزمن والبحر يتحول لبن والشمس تشرق من عدن مانمدح العهد القديم والله لو نمشي سفر وناكل اوراق الشجر مانذكر الثورة بشر ونحقق اهداف الغريم والله ما العن ثورتي ذي اوجدت حريتي لو كانت اخر ساعتي قولوا للاعوج يستقيم مادام ربي أولاً والشعب واهله ثانياً لن نلعن الثورة إذن بفضل مولانا الكريم نفوز والا مانفوز يجوز والا مايجوز الحرية عندي كنوز والعز جنات النعيم والله ما ارضى بالرجوع الى الوراء لو مت جوع أو ترجع الجمعة ربوع أفهم كلامي يافهيم ياأيها البلاطجة في اليمن و خارجه محاولتكم سامجة وفكر قايدكم عقيم والله مايرجع علي ولا حكمنا احمد علي لو يولد الراعي طلي أو يسلم ابليس الرجيم عفاش ماضي قد مضى وكلما راح انقضى والله لو طار الفضاء مايرجع العهد القديم بتصيحوا بين الملاء لاجل المشاكل والغلاء وانتوا سبب كل البلاء وانتوا ورا الوضع السقيم عاد نص الحكومة حقكم والحكم عاده حكمكم وتستحجوا غيركم وكيدكم كيد” عظيم بتزوبعوا وتصيحوا وتخربوا ماتصلحوا لاجل القبايل يضبحوا ويردوا الثورة غريم دقوا وغنوا وارقصوا وبالحصانة هيصوا بس احرصوا ثم احرصوا إن المؤذن بايقيم لو تقطعوا عنا الهواء والأكل والماء والدواء يافاقدين المحتوى لن يرجع العهد القديم اتقطعوا للقاطرات وسووا جميع الموبقات وبعد هذه الترهات الشعب بايخرج سليم لو تصنعوا عدة حروب في الشمال وفي الجنوب لن يلحق الثورة عيوب الشعب عارف بالغريم خلاص ياخبرة خلاص ثورة وطن ضد الرصاص ماشي لكم منها مناص لا تدخلونا سين جيم مابا نفرط في الدماء لوما لقينا لتر ماء أو تسقط اجرام السماء والأرض تتحول جحيم لن نلعن الثورة ولو يقرح نظام الحكم جو ولو ولو ولو ولو أستغفر الله العظيم ================= الشاعر/مجلي القبيسي ================= |
| جميع الأوقات GMT +3. الساعة الآن 05:43 AM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.