منتدى الآصالة والتاريخ حريب بيحان - أموت أنا به في غيابه وأحياه.

- حريب بيحان للشعر المنقول (https://www.hreeb-bihan.com/vb/forums/hreeb46/)

- - أموت أنا به في غيابه وأحياه. (https://www.hreeb-bihan.com/vb/threads/hreeb40838/)

أموت أنا به في غيابه وأحياه.

يا ويل قلبي كل ماشتقت لقياه .............
............وشلون ماتشتاق عيني لعينه
أنا أدري إني حيل أحبه وأهواه.............
.........وأنا أدري إن القلب صار بيدينه
أموت أنا به في غيابه وأحياه..............
...............وشلون أجل لو صافحتني يمينه
حاولت أنا اكتم عبرتي يوم فرقاه........
.........وألملم جروح الزمان الطعينه
واعطيه من قلب المعنّى معاناه.........
.......وآخذ من جروحه ولو هي دفينه
وأضيع به في زحمة الناس وأنساه......
....وأنسى معه ذكرى السنين وحنينه
لقيت نفسي كل ما حل طرياه.......
.........عروق قلبي كلها تقول وينه
يامر على قلبي ولا شك ينهاه.........
......كلي أنا تحت الإشارة رهينة
ما كل من يضحك سعيد بدنياه..........
.......وما كل من يبكي دموعه حزينه
أحدن بكى والكل يدري عن بكاه........
......وحدن مع الضحكه تحس بونينه
ياشين فرقى الحب وياشين بلواه..........
.......والمشكلة دنيا بلا حب شينه
والزين ما يكمل ولو كان ماحلاه ...........
.......إلاحبيبي ماتغيّر بزينه
ماجيت أسولف عن حلاه ومزاياه............
...........يكفي أحاسيسي وقلبي عارفينه
كن الفضا في غيبته ضاق مسعاه..........
................وكني غريقٍ ينتظر له سفينه