وطبع الهم مايهنى بغير ظلوع راعيها
 

أجامل وابتسم واضحك وانا في داخلي مقهور
احاول اكتم احزاني ورى صدري وأخبيها

أحاول اكتم همومي واخبيها وأنا مجبور
واحاول قد ما أقدر أبعد عن حراويها

لو اني كنت بنطقها مع انها واقفة بالزور
... ولكن لازم اكتمها ولا ابين معانيها

ولو بعض البشر تدري وتكشف خافي المستور
... أببلش في شماتتها وابتعب من حكاويها

طبيعه ماتفارقهم طبيعة من قديم عصور
... ورا حكي القفى تطرد وتنبش في خوافيها

واذا طاح الشخص مرة وصار من الزمن مكسور
... تجيله طعنه بظهره تفاجأ مادرى فيها

تفاجئ مادرى باللي بيصير ومن وراه يدور
...وخابت هقوته فيهم بعد ماكان هاقيها

لجل هذا كتمت الهم في صدري وانا معذور
... همومي في وسط قلبي أخبيها واخليها

واذا زاد الحزن فيني كني وحيد بعالم مهجور
... كأني بدنيتي وحدي وكل الناس جافيها

واذا ودي أبوح بهم أبد ما اكتبه بسطور
... همومي بس في نفسي الحنها واغنيها

مصير الهم يترحل وأعيش بدنيتي مسرور
...مصير الهم ينساني ونفسي ما يعنيها

مصير القلب لو يظلم يجي يوم ويشوف النور
...مصير الناس تتبدل وتتغير مماشيها

اذا صار الذي ودي أبيح خافي المستور
...واخلي الناس تدري بي وبهمومي أبكيها

ولكن بكتم همومي واخبيها عن الجمهور
... وطبع الهم مايهنى بغير ظلوع راعيها

رد : وطبع الهم مايهنى بغير ظلوع راعيها
 

الله يكفينا الهم وشره


قصيده جميله و رائعه

انتقاء متميز ولا يستغرب التميز ان جاء من اهله


تحياتي

رد : وطبع الهم مايهنى بغير ظلوع راعيها
 

ولو بعض البشر تدري وتكشف خافي المستور
... أببلش في شماتتها وابتعب من حكاويها

طبيعه ماتفارقهم طبيعة من قديم عصور
... ورا حكي القفى تطرد وتنبش في خوافيها

واذا طاح الشخص مرة وصار من الزمن مكسور
... تجيله طعنه بظهره تفاجأ مادرى فيها

انشهد انه صدق
تسلم يدك اخت جوهره على هذه القصيده الرايعه
ابيات قمه كلها
يعطيك العافيه ولك اجمل تحيه

رد : وطبع الهم مايهنى بغير ظلوع راعيها
 

رد : وطبع الهم مايهنى بغير ظلوع راعيها
 

الاجمل مرورك الطيب مشكور لاهنت

رد : وطبع الهم مايهنى بغير ظلوع راعيها
 

ولكن بكتم همومي واخبيها عن الجمهور
... وطبع الهم مايهنى بغير ظلوع راعيها

قصيدة جميلة في كل ابياتها
فعلا الناس تزيد الهم والاجمل كتمانه حتى يرحل

يسلموا ياراقيه
دمت بسعاده وخير

رد : وطبع الهم مايهنى بغير ظلوع راعيها
 

ويسلم من قال
اسعدني مرورك الجميل

رد : وطبع الهم مايهنى بغير ظلوع راعيها
 

رد : وطبع الهم مايهنى بغير ظلوع راعيها
 

الاجمل تواجدك امي الغاليه
شاكره مرورش الطيب

رد : وطبع الهم مايهنى بغير ظلوع راعيها
 

الله يسلمك ويسعدك ع المرور الطيب