صواديف الايام ثورة مشاعر وافقت ساعة إلهام نــادت لـهاكل الجـوارح وجتها •••• تــوافـقت بحروفها هي والارقام والـفــكر وافـقـها على برمجتها •••• مدري من الوسواس والا نبا هام عـنـي تـرف وطــوّلت رفــرفــتها •••• من العام لا والله من اللي وراالعام وعــيني تــخـفّي عــبـرةً حابستها •••• لاهاضت همومي على القلب وانضام كــن الــقـيامه تــبـتـدي زلــزلـــتــهـا •••• يبدا الظلام وتطلع الشمس ما انام اهــيـم فـي سلمى وفي غطرستها •••• ادفــع قدم رجلي بالآمــال قدام مــادام روحـي ما بـدت غـرغـرتها •••• صارعت بالافكار غايات واحلام و راحت ضحيّه للسنين وعـنـتها •••• ما رافت بحالي صواديف الايام ونفسي تـتــوق لحاجةً فاقدتها •••• الحـــظ لا مــنــه تـــردّا ولا قام بــيـادر الساقي تــقـل بــركتها •••• حتى الغيوم اللي بها السيل طمام هــبّت عليها العاصفــه وابعدتها •••• والعاصفه ماهيب اعاصير وانسام يصحى ثقيل النوم من جلجلتها •••• الارض طول وعرض مزروعة الغام الناس فيها اغراب ما صالحتها •••• هذي بقايا رسوم واطلال الاقوام عاشت و راحت والسنين اقتفتها •••• وقايع الدنيا مثل عرض الافلام تمت بسرد احداثها دبلجتها •••• وحنا مثل من قبلنا عاش مادام ان كان فوق الارض والا تحتها •••• طير الحباري صامل الطلع ردام شاف الطريده وانعثر بشبكتها •••• مهما جرى مانيب للنفس لوّام دفـعـتها مار الحظوظ خذلتها •••• ياحـظ مادامك تعثّر بالاقدام كم فرصةً ضاعت مثل سابقتها •••• هذا الكفن مترين من ساتر الخام المـوته اللي تـقـطع النفس متها •••• ازهد بدنيا كلها زيــف واوهــام وسوالــفـاً ما تنلّحق شاردتها •••• اخشى من الافعى ومن نابهاالسام عن شرّها جنّبت حتى شجرتها •••• إن فارقتني فالضروره لها احكام والاّ وانا ماشي قطعت رقبتها •••• العام يوم اصوم من عرض من صام حان الفطور ونفسي اعفت بختها •••• وسط المضيف اللي على الشارع العام خذت يدي لقـمه والاخرى رمــتـها •••• وليمة الحاقد غضاريف وعــظـام يبغى يهين الضيف في عرمشتها •••• والناس ماهم لأسود القلب خدام وعز النفوس اسعادها وثمرتها •••• يضحك بنا شلّة معاثير واقزام حثالةً مار الظروف خدمتها •••• لاشً لقى له لاش شاري وسوام عليه يعرض صيدته بمرقتها •••• اللبس يستر كلاً عيباً بالاجسام وتكشف مهابيل البشر ثرثرتها •••• ما فكّر الجاني بساحات الاعدام في قصّة الشمّات وش تاليتها •••• الصحف لا طويت وجفّن الاقلام النــاس ترجي المـغـفـره عاقبتها •••• الشاعر: عبدالله محمد الشمري |
رد : صواديف الايام ما فكّر الجاني بساحات الاعدام في قصّة الشمّات وش تاليتها صح لسان الشاعر الحكيم وسلمت يمين الناقل يعطيك العافيه جوهرة |
رد : صواديف الايام إقتباس:
صح بدنك ويعافيك ربي ولد العم اسعدني مرورك الجميل تقديري |
رد : صواديف الايام قصيدة جميلة جدا فيها من الحكمة والنصح الكثير لكن للأسف جميعنا نسعي في هذه الحياة وننسى بأن النهاية ستأتي لا محالة وآخرتها كفن وقبر كل الشكر لك حبيبتي جوهرة على هذا الاختيار الجميل أسأل الله أن يبعد عن سماءك كل الغيوم والعواصف وان تنعمي بحياة جميلة كجمال روحك ,, تحياتي وتقديري ,, |
رد : صواديف الايام هذي بقايا رسوم واطلال الاقوام عاشت و راحت والسنين اقتفتها •••• وقايع الدنيا مثل عرض الافلام تمت بسرد احداثها دبلجتها •••• وحنا مثل من قبلنا عاش مادام ان كان فوق الارض والا تحتها رائعه القصيده سلمت الايااااادي |
رد : صواديف الايام إقتباس:
اسعدني تواجدك الجميل دائما تقديري لك امي الغااليه لاهنتي |
رد : صواديف الايام إقتباس:
الرائع مرورك الجميل لاهنت |
جميع الأوقات GMT +3. الساعة الآن 12:21 AM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.