|
النساء النسا روح المسا ء والليل لو فكر يبات كان ما فيه أغنيات وكان ماله ذكريات وكان ما فينا عظيم ومال أمانينا حليف وما بنا قلب وليف ولا لنا قصد شريف النسا نصف الحياة الا النسا كل الحياة آه يا أسرار الخوات آه يا أحلام البنات آه يا الطيش الطفولي آه يالحسن الشفيف آه يالعشق العفيف آه يالجنس اللطيف علّمن حتى المرايا والشبابيك اللغات والرسايل والدواة صارت أعذب مفردات كم بكن وانكف مبصر واضحكن وابصر كفيف ورمشن واهتز سيف وهمسن وامتد ريف كم غدن لاخوانهن عزوة صناديدٍ عصاة بين صفق المرهفات وبين ضبح العاديات طاحت أشناب وكراسي وانطلق دمع ونزيف واعتلا الخف المنيف والمقابر تستضيف النسا ضلعٍ عوج لولاه كل العدل مات مالهن عنا فوات ومالنا عنهن غناة تبرق الدنيا على يديهن ويغرينا القنيف نطمع بتكريم ضيف وناقف بيوم عصيف النسا بحر على موجه منايا وأمنيات والنسا مركب نجاة نسأل الله الثبات هن لباس وهن فراش وهن معاش وهن رغيف إن فتك جوعٍ مخيف وإن حدا الرجال حيف النسا حتى شراب الجنه العذب الفرات تحت ماطى الأمهات يالهن من مكرمات كل ما عود بنا الكد أقبل ابن آدم ضعيف له ورا البيبان طيف مثل نسناس المصيف في بلادي يحسبون ان النسا متخلفات في الضحى مستعمرات وفي المسا مستوطنات ما دروا عن هالبيارق شمخ العرض النظيف فزعة الدين الحنيف شجرة العز الكثيف غادة وسجادة وكفين وحجاب وصلاة من صبايا محصنات من عروقٍ طيبات أطهر من ألفين منظر كلها فتنة وزيف في رجا الصبح الكسيف واجرة الليل السخيف كم مكانٍ يعرض أعراض آنسات وسيدات والهوى له بايعات والغلاف وله فتات والحسن تشبير عنق وطولٍ وخصرٍ نحيف وشي ما ينشاف شيف لاجل الأول والوصيف شهب تشابه رسوم الشاشة المتحركات مال زمتهن طرات و لا لهن ملح وحلاة لا ربيع فيه خير ولا به الا بروق صيف والشتا ما به رفيف يحيي أوراق الخريف لي مناحل لي خلايا كلها سكر نبات لي حصونٍ ناعمات لي غصون شامخات لي قوارير ملاها العقل والدم الخفيف خلفها العمر الكليف ودونها الحد الرهيف يا زمن وش جاب حلوى غلفوها بالعباة جنب حلوى للمشاة وللغبار وللشتات شف بدل ما هي لواحد صارت لجمعٍ لفيف كيف أنا اخبرك كيف شوفها فوق الرصيف مماراق لي الشاعر ناصر القحطاني |
[align=center] أبيـــــــــات رائعـــــــــــــــة صـــــــح لســــــــــان القحطـــــــاني أبو هزاع لاعدمنـــــــــاك يا الغالي [/align] |
سلمت ياغالي ع النقل والله يعطيك العافيه صح لسان الشاعر القدير ناصر القحطاني ولن ننسى صاحبه الحنجرة الذهبيه الفنانه اريام التي زادتها حلاوة وروعه وجمال |
صح لسان الشاعر ناصر القحطاني سلمت يمينك ياابوهزاع اختيار موفق ونقل مميز |
النسا ضلعٍ عوج لولاه كل العدل مات مالهن عنا فوات ومالنا عنهن غناة ما لنا غنا عنهن كيف ما كان عوجها ابيات جميلة جداً كل التقدير أخي أبو هزاع |
| جميع الأوقات GMT +3. الساعة الآن 04:08 AM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.