محاوره بين اب وابنه
 

[poem=font="Simplified Arabic,4,blue,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] قال المعنى من الباطل بعض العوالين كفنته = نسي جميلي ومعروفي ولا ذكر يوم بننته
تعبت فبني وهو جاهل لما تخرج وزوجه = وجبت له ذي طلب قلبه والمهر ماهل تسلفته
وأقور حريوه تزوجها لاعاد شفته ولبصرته = وشلته من قبل عيني حكمت مولاي وشهته
قالت له ارتاح ياروحي وبوك لا جا الده السكته = بيقول ترجع ونا قدني حلفت والبيت حرمته
هيا معي لا قدا اصحباي يكفيك ذي قد تحملته = مالك من الناس ياروحي لاقالو انك ابو سحته
خذ راحتك وا نضر عيني مسموح في ذي علي خته = ثلاثه اي تعترف فيهم والخيتم الرابع انكرته
امي تفداك يا روحي قالت يجي معك لا سقا بخته = ابوش طيب واذا المجلس نضيف والباب صلحته
وجا صهيرش وجات اختك وخرجتهمه وقفلته = الله يهديه يتراجع لاهو ذكي يغتنم وقته
من قبل ما يصدر الدعوا ليدلحكم يوم حكمته = مانا له القوم قد غيره جاب الطلب يوم كلمته
ونته لك القوم يا لعوج غيرت طبعك وقلبته = يالله تحكم على لعوج وحكم بحكمك ونفذته
انكان غلطان تنصفني ونهو على حق سامحته[/poem]
ــــــــــــــــــــــــــــــــــــــــــــــــــ ــــــــــ
وهنا الجواب
جواب الابن احمد طالب على والده المرحوم محمد طالب المظفري

[poem=font="Simplified Arabic,4,blue,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] يارب لرباب انا سالك تزيل همي وفرجته = ومن طرق بابك الواسع زته من لخير وكرمته
من ضيعك ضاع وتوهدر ومن مسك فيك وثقته = والظالم ايتمهله يرجع ومن شكا ظلمه انصفته
معاد بشكي لحد حالي قد ضنها خير لي السكته = قانع بما ساق لي ربي على نصيبي تحمته
وذي نوا العيب والحيله ودعته الله ودعته = يصبر علي مثل متعبني لنصفي الله وتعبته
ماهل غلابه على الغالي لا راح ولا احترق كرته = ماباك ترجع تدور له يا ذي من اليد فلته
ماشي حنق من غثا الوالد وباطله لا تحملته = دايم وجله على راسي ماشي جحته ولنكرته
زوجتني من شقاء ضهري ريتك ذكرته وثمنته = لا هو معي كان خت اربع والبيت قد كان عمرته
والقات كلته على لحيك ونا عملته ونجرته = جالس في العاصمه صنعاء ماهل على الفول السلته
فوق الخطا ذي صدر منك جاك المنافق وصدقته = غرك على دارك المبني تصبح مبكر وهدمته
قلبك قسي ويش ذا قلبك لاهو حجر كان كسرته = ابنك يدور لك الجنه ونت في النار حرقته
وش سيت بك يوم تشناني وخي رحمته وفظلته = حتا الزيارات تمنعني في وجهي الباب قفلته
بخت النكد كيف سوي به سعيد من يدركه بخته = يصبح ببو ظبي متغرب وما تمنيت لك خته
وبشتري لك مونيكا ابيض عاده من المصنع اخرجته = ان بات بيعه فدا راسك ون بات خليه جمركته
والفين درهم مصاريفك فشهر با حتها حدته = وبعتني فمعصل مصلي منشان لا سيت لك فته
ونعاد قلبك هوي قلي ونهو قسي بنك اهملته = با زوجك ذي علاقلبك دونك تحرر من االغته
ومن تعصا من اخواني ساني على السجن دخلته = مانا ادع لي يوم انا طايع وكل معدوم وجته
طبع الشهامه زرع فيني والعز منك تعلمته = مرضا لبو حد يوطيني او عيش مكفوت في كفته
والختم صلو على الهادي ذي فرسالات كرمته = ذكره دوا القلب والخاطر واذي بقلبك تذكرته
[/poem]


:q1 (5)::q1 (5)::q1 (5):