|
قصيدة لشاعر ابو غنوة هــــذة القصيــــدة للشاعــــر ابــــو غنــــوة والتــــي يرثــــي ويوصــــف بها ناقـــتـة التــــي مــــات بعــــد أن فقــــدت حوارها ابـــو غنـــوة أن اربع توالت بها الآيات = عظايم ومنها البل من عظايم الكـــون ويـا ناصـــر ان خير التعاويض في مافات = من الي فلا اعطى مانقص عنده المخـــزون عوضنا على جيد العطاء مجزل المدات = على الي حويرها فلج قلبها المحـــزون وفـــتت علايق جوفها الينة فتـــات = وراء ما غدا في ظلها يشبه المطعـــون وانا مـــن ضحى يوم أكسفت خيرت الترعـــات = دريت أن سهم الموت في كبدها مرنـــون تسابق مدامعها وضلت لها حنـــات = على بكرها يوم انحنت كنها عرجـــون ومن يوم صنجحها اداها الحزن في ساعـــات = وفاضت سوئل فضها جرت المضنـــون وراى العصير اجلها والحوير ضحى قد مـــات = وماتت وهي تمسح عذاريه بالعثنـــون ولولا القدر غصاب مالبيع بالعـــدات = فلا كان شاري قادها لو دفع مليـــون مثاليت البل بكر من طورها ماجـــات = لها أمثال في زينة وفاء خلقها والـــون عليها سناما ماتعلا العمانيـــات = من الشحم مرغده فوق كبرة المدحـــون ودونه لها غارب تقول اجسر الميـــدات = على ساس مثني يافعي مستوي مـــازون وعجز القراء يشبه ردف رامس الطلعـــات = طويل الطلوع الي يرد المدبل رون ومدة تبلغ راسها واسط الجمـــات = وتلفا طويل الفرع غض الرواى المصيـــون لها طول فاق على رقـــاب النعاميـــات = ومايل على عذرياتها ارطب من المدهـــون وفجا نحر ماريت له وصف من فجـــات = نحور الصخايا كلها من وصوفـــة دون على الواحها مثل السراجيف والثخنـــات = عليها حواجب كنها غامضات جفـــون ولا حجرها قد ناض تحت اجيد الخلفـــات = طويل الخلافة من صخى جوفها مشحـــون على ظاهره كسوت وبر يشبه الزمـــات = من العشب عقب السيل ولا غزير مـــزون وكن زورها دمغة من الختم والبصمـــات = كرازيمها بالحبر ولا أزرق الكربـــون ومنها رصوغ اسباع لرباع شبريـــات = على خفافها المتناوبه سيرها مامـــون وسانيمها صلبات صما عقيقيـــات = توثق بها في والوحل والكايد العرنـــون وفيها سوا زين الوصوف المثاليـــات = برايـــز طبوع العيس يالي بها تـــدرون تضلي في حما الصيف ترعى وراء السربـــات = وميلادها الا عقب ما أهل النهل يسقـــون تمهل مهال العذاراء السنافيـــات = وجيه الرضاء الي سيرهن بالحياء مـــرزون ومصدارها قبل الطراء يالبليهيـــات = تروح مراح الذيب للمدهل المسهـــون تقفاء مخايل الحياء جيد القـــودات = ولاكان تمسي في عقيم الثراء المدكـــون مساها مساري الفلا والوضيحيـــات = في الخاليات الي تجلي شجئ المشجـــون تمايل رويداء في الخصيب المري وتبـــات = مباتي الذي لاهو بخايف ولا مديـــون ولاكان اتمم وصفها لو نظمت أبيـــات = وطولتها طوال في العشق ابن زيـــدون صلاتي على الي عقب الانجيل والتـــورات = من الله جاب القاطع الفاصل المكنـــون وصلى علية الله ماساري الهبـــات = يسوق القزع ويوصله حيث هو مـــاذون حقــــوق الطبــــع محفــــوظة وتحياتي لكم |
صح الله لسان الشاعر بن جولان الطهيفي وعوضه الله خير من ما راح عليه وصف عجيب ودقيق تسلم يا الغالي على النقل |
صح الله لسان ابو غنوة وتحياتي لشخصه الكريم ابو غنوة نابغة في الشعر في هذا الزمان وحقيقة الامر ان شعره مميز اذ يستخدم مصطلحات شعريه يصعب على اي شاعر غيره استخدامها وتطويعها اقدر اجزم انني اقدر اعرف اي قصيدة لابو غنوة عند سماعها بدون ان يقول لي احد انها له حفظه الله ورعاه وتحياتي للاخ سنايدي |
صح الله لسان ابو غنوة |
صح لسان ابوغنوه شاعر فذ ولكن يوجد بها كسور ليست من الشاعر .... والدليل في اول بيت ... اتمنا نقلها كما قيلت وتسلم اخي الفاضل سنايدي |
صح لسان ابوغنوه والله يعوضه خير |
تمهل مهال العذاراء السنافيـــات = وجيه الرضاء الي سيرهن بالحياء مـــرزون ومصدارها قبل الطرايا البليهيـــات = تروح مراح الذيب للمدهل المسهـــون تقفاء مخاييل الحياء جيد القـــودات = ولاكان تمسي في عقيم الثراء المدكـــون مساها مساري الفلا والوضيحيـــات = في الخاليات الي تجلي شجئ المشجـــون تمايل رويداء في الخصيب المري وتبـــات = مبات الذي لاهو بخايف ولا مديـــون ولاكان اتمم وصفها لو نظمت أبيـــات = وطولتها طوال في العشق ابن زيـــدون صح لسان الشاعر الكبير سالم بن ناصر جولان شاعر كبير ومتمكن وصف فأجاد وابدع شكراً اخي سنايدي على النقل وارجوا ان تقراءها للشاعر ابو غنوة لكي يراجعها ان وجد بها بعض الاخطاء الغير مقصودة وقد تكون اخطاء املائيه ويعطيك العافيه |
صح لسان الشاعر أبو غنوة وألف شكر سنايدي على النقل |
كل عام وأنتم بخير وبصحة وسلامة جميعا الاخــوة الاعــزاء احييكــم واشكــر لكم مروركــم الجميــل جميعــا لاهنتــوا ياالنشامــا الأكيد أن هناك يمكن إن تكون أخطاء املائية والعتب على مدرسين اللغة العربية ^ ـ ^ فائق الود |
صح الله لسانه وعوضه خير قصيده روعه وتسلم ياسنايدي وشف هناك تققصر املائي كثير وتسلم توفيق وضحت لنا الشاعر فليس الكل يعرف من ابوغنوه |
| جميع الأوقات GMT +3. الساعة الآن 12:38 AM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.