|
بدع الشاعر // عبدالله قاسم البازعي وجواب الشاعر // توفيق عبدالله اخواني الكرام طيب الله او قاتكم بالخير والمسرات يطيب لي ان اضع بين ايديكم جوابي على بدع الشاعر الكبير // عبدالله قاسم العوذلي واتمنى ان ينال رضاكم واعجابكم : بدع الشاعر الكبير // عبدالله قاسم البازعي العوذلي : ابو قاصـي الفتـى مـن بـنـدقي بتلف وباثنـي وبأ تـكلم با اسـم احـرار ابـنـا شعـبـنـا الـشجـعـان وعـهـدًا يا شهـيـد الحـريـة منـي ومـن أبنـي سنـحـذو حـذوك المـنـشود مـهـمـا كلـفـة لثـمـان ابـد لا يـمـكـن اتـراجـع وهـذا وعـد لـك منـي لأن الـحــــر يـــوفـي لا وعــد ولا أتــمـن مــا خـان فلا قوة في العـالـم علـى الـتحـريـر تمنعنـي ولا بـا هاب من مثـلي بـشـر لـو كـان مـهـمـا كـان أناء ليـث الفـيـافي انسهـا والجـان تـعـرفنـي وتـضـرب بـي الـمثـل احـفـاد يعرب وأنسها والجـان لاني جـر خصمـي جـر وأرهـق من يعاندنـي ونـاء ذي لا طريـت الجـمـع يـهرب مني الشيـطـان ويا توفيـق عبدا لله تـريث زيـن وسـمـعـنـي وهـذا خيـر لك يـا صاحبي مـن صـفـقـة العـصـيـان وحاول يبـن عبـد الله بمعنى الجد تفهـمني وقــول الـصـدق لا تــغــري نـظـام الـزور والبـهتـان لاني رافض الـوحـدة وهـو مـازال يرغـمـنـي ويـجـبــرنـي عـلـى وحـدة قتلها والفشل قـد بـان ولا هـذا الحـوار المد عيـبه سوف ينـصـفني ولا نرجو البـن مـن راحلـة تـسـقي اربـعـه قـعـدان مضت عقدين وأحزاب اليمن لثمارها تجنـي وأبـنـاء الــجـنـــوب اتـــشــردوا لا خــارج الاوطــان انا محتل من صيف اربعه ولجوع في بطنـي عـصـابة تـنهـب الثـروات والشعـب الابـي جـيـعـان خـذوا ثـرواتنا من بـرها والـبـحـر يا غـبـنـي وأنشأ توا بهـاء مشـروع في صنعـاء وفي عـمــران وكنتم تعبـروا بالجيب في بندر عدن مجني ابــو طــربـال والــصــالــون ابـــو دبــه وذاك الـفـان جريمة تأخذ البي اكس من حقي وتدعسني تـمـهــزلـتــوا بـنـا يا صاحـبي لا ابـعـــد الامــكـان وصـار الحـر كاره عيـشتـه للمـوت يـتـمـنـي لان الـمـوت ارحـم تـحت حـكـم الظلـم والطغـيـان ولاكن نحـمـد الله ذي رفـع شأني ونـاصـرني رجـال الـعــز ثـارت مـن بــنـي يـافــع ومـن ردفـان من المـهـرة الى بنـدر عـدن لأحـرار لبـتـنـي ومـن ابـيـن الى الضـالـع ومـن دوعـن الى بيـحـان ومـن ساحل سقطـرى صرخة الاحرار تعجبني ســلام الله على الاحـرار من باحــول لاشـمـسان خرجـنا كلنـا ضمن الحراك السلمي المعـني خــروج الـغـازي المـحتـل بـحـقـن الـدم ولإنـسان ولاكن في المـقابـل قمت تقتلني وتأسرني على قول المثل راعي الجماله في الحفي خسران قـتـلتـم ما قـتـلتـم مـنـنا ون شأت تـقتلنـي تـزيـدوا الـعـزم والإصــرار داخـل سـاحـة الـمـيــدان انـا شـعـبـي الابي حدد مـصـيـره لا تمكني بأقـوالك سـوف تـبـقى وحدة الـشطرين يا هـامـان ترى قـد مـاتت الوحـدة وفـيـها لا تغـالطنـي لهـا صيـف اربعـه يا الـمـأربـي ذي شيـع الجثـمـان وما غير الصراحة قول لك ديـنـك ولي ديـنـي ولا وحــدة بـتـــرابـطـنـا مـعــا ذي حــرف الـقــرآن من السبعين اعلن حـربه الفاشي وكفرني بـفـتـوى مـفـتـي الاصـلاح ذي له تـرفعـون الشان اتيـتـم تنهبـوا حتـى المطـار العامر المبنـي عـلـيـكـم مـا سلـم حـمـلـتـم الابـراج والـمـيــزان وما غير الحقيـقة قلتها لك ون تـكـذبـنـي بـكـيـفـك فـوق رصـد الكيمـرا عندي شهود اعيـان وأنت اعلم بان شعب الجنوبي قاطبة سني ومـذهب شافعـي خالـص على سنـة نبي عدنان فقط حبيت اوضح لك من الجاني من المجني وانـتـه حـر اتـبـع شيـخـكـم اوبـلطـجـي سنـحـان وثـورتـكـم لنـا اثـبـت فـشلهـا مـا تـشـرفني فــضيـحـة يـوم وليـتـم علـى تـمـثـيـلهـا نـسـوان ومن مـصلحتـكم ولمـصلحتـنـا ترحلـوا عنـي نـعـود مـثــل مـا كـنــا عـلـى مــر الـزمـن جـيـران فلن تقضوا على طاغية صنعاء اليوم صدقني ومـا طـاغيـة يتـنـحى من الكـرسـي بـدون اثمـان باسم الوحـدة الفاشيـة يذبحـكم ويذبحنـي ودون الـفـصـل لـن تـنـهـار قـوة طـاهش الحـوبـان سيلحـق فيـكم اضعـاف الضرر الي بيلحقني وتـتمنـى طلبـت ان نـنـفـصل مـن قـبـلنـا بـزمـان بغيـتـك جـم تفهمني فقط ما بيت ترحمنـي ولا نطـلـب علـى الدنـيـا سـواهـا رحمـة الرحمن انا قلت الحـقـيـقـة ونت قلهـا لا تـغـالطنـي مـن الافـضـل لنـا جـيـران نـرجـع والرجـال اخـوان ومن معكم بصنعاء في مصيري لن يمثلني ولا تـشـرف بـهـم والـعـذر مـن زايد ومن نقصـان صلاتي ع النبي عد المطر مارخي وما شني عـسا يـشفـع لنـا ندخل معـه في جنـة الرضوان جوابي على بدع الشاعر الكبير // عبدالله قاسم البازعي العوذلي : الاهي طالبك وارجوك يارباه وفقني وكن عوني وشد ازري طلبتك ياصمد منان وتغفر لي الذنوب اللي على لمتان تثقلني دعاك العبد متضرع وطالب منك الغفران انا المخلوق لك سلمت امري وانت خالقني فنطقني لقول الحق بالحجه وبالبرهان وبعد الساع وينك ياالسلاح الشعري أسعفني ويامن فيك اماري واستلب بك حان وقتك حان تعال ارجوك شف وش قال عبدالله وجملني امام الكل ياالهاجوس والبسني من التيجان يقول الماربي توفيق من جاني يصافحني فانا باصافحه بالمثل والاحسان بالاحسان مكان الشخص عندي حيث مانا باه يوضعني وطبعي مااقبل الشطحه من الشعار في القيفان وابوقاصي بداء بالعهد والميثاق واطربني لان العهد من دونه يعز الرجل ولا هان وخصمه عند بيته يشعل الفتنه ويتهمني وابوقاصي مصدق مايقول القاتل الخوان يجمل صورته والقصد بسلوبه يشوهني يحرضهم ويسبق قبلهم يبكي على القبران وقد كنت ارحمه والعوذلي من قبل يرحمني عيال اعمام اسسنا اساس البيت والجدران وبعد العهد ضن العوذلي قصده يفجعني بمدح الذات في قوله بانه فارس الفرسان وانا داري بقصد العوذلي لما يحاورني يبا يظهر كما غيره على صوت الطرب والدان وباجاوب على بدعه وردي له كرم مني ولاباقول انا باقول تاريخي قده تبيان برغم انه سرد قيفان لاتسمن ولاتغني وكرر لاتغالطني بصدر البدع يا شرهان لانه قال اجر الخصم لاماطاع يتبعني ولاتنجر يابن العوذلي غير البقر والضان ويالوماه انا باقولها وايدي على دقني تقول اهلك وربعك كلهم قد باعوا الاطيان لانك قلت انا محتل والمحتل خادعني دليل انك قبضت السعر اوسلمت بالمجان او انك ماحميت ارضك من المحتل ذي تعني نصيحه راجع الكلمه وخل الخدع والنكران وذي قد جوعك يا العوذلي من قبل جوعني من السبعين لا ذلحين ذوقني العذاب الالون وكنا مثلكم نبكي ونشكي حالنا المضني فلل حده لها الكهرب ومارب حضها الدخان حقول النفط من حدي لجربة غيرنا تسني وخلا مارب التاريخ يدخل عالم النسيان من اجل ان تعرف اللي بهذلك في الامس بهذلني وخلانا سواء لثنين في عهده نسج اغبان اذا نهجنك على السنه فلا اسمح لك تشيعني انا مثلك على السنه ولا لي عرق من ايران حراكك قال بن عبثان لايمكن يمثلني به اضرب لك مثل واعتز واتشرف ببن عبثان وكم غبره يعارضكم وهذا اللي مطمني فلا تغتر شوري من دعاة الزوريا سرحان وفتوى الديلمي واستغفره لا الذنب يالحقني تفاسير الفتاوى عند عالم دين مالي شان ولكن بعدها قد شفت من لثنين ما اذهلني من اجل المصلحه تتسالموا بالخد والاحضان وثورة شعبي المغوار كلن جاء وساندني ومثلها رجال ابطال وانظمت لهم كرمان بعون الله نرمم بتحاور بيتنا المبني ونتعاون سوا من اجل يبقا شامخ البنيان ولا ندفع ثمن ظلم النظام السابق المفني نظام الظلم قد ولى ولاله عندنا قبلان ووحدتنا قويه لان مثلك ما يخوفني وعاد اهل الجنوب الحر راسخ موقفه مالان وعاشت وحدتي لاعاش من قصده يشطرني يمن واحد الى ان ننطوي في داخل الاكفان وصلو على النبي يامن قراء ابياتي ويسمعني عسى يشفع لنا سيد البشر طه من النيران |
اللــــه يحفظ اليـمن من كل مكروه |
إقتباس:
ويحفظك يابارق بيحان وتسلم على مرورك الكريم لاهنت |
صح لسانك ع لابيات جعلك ع قوه يارب |
صح لسان الشاعران عبدالله قاسم وأبو عبدالله وحفظ الله اليمن من كل مكروه |
قصيدتين ولااروع صحت السنتكم مع ان البدع راق لي اكثر من الجواب |
صح لسان الشاعر عبدالله قاسم العوذلي وصح لسانك استاذي العزيز توفيق عبدالله بدع روعه وجواب اروع قصيداتان جميلتان بكل ماتعنيه الكلمة سلمت يمينك ابو عابدوقواك الله على الخير تقبل مروري وخالص تحياتي |
الله الله الله الله صراحه شعار كبار ... هاجس جني معكم.. صح السنتكم ... ولما قريت بدع العوذلي انحزت له ولما قريب جواب توفيق انحزت له ايضا بس ياخي لو الوحده ما خدمتنا يمكن الانفصال يخدمنا هههه ياخي يعني نموت سوى |
أي والله الحل نموت سوى , وان كان هو موت يرحب المصيبه الحياة النكدا صح الله السنتكم وشكراً , والشرف لي والله ,, وحطيت بيني وبين الحراك سد |
| جميع الأوقات GMT +3. الساعة الآن 12:38 PM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.