منتدى الآصالة والتاريخ حريب بيحان - مساجله شعريه بين الشاعر عبدالله عزام والشاعر توفيق عبدالله

بدع العميد منبع الشعر عبدالله عزام الحارثي بعنوان (( صحيح العباره )) موجه الى الشاعر توفيق عبدالله ابوزيده بتاريخ 22/1/2010 ( حسب طلب الأخ محمد محمد شاجره )

[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
انا احمد الله وحده وعوذ به من نياره=وعوذ به من عذابه لصبحت باللحد مقبور
يا هاجسي لا تردَّد صليت انا لستخاره=ونويت احطم كيانه ما عاد با يبصر النور
ما با يبطل هباله ما با يخلي النذاره = والله ماشي كماها في صاحبه كلمة الزور
قال المثل يا عزيزي مقصوص كلن بثاره= لو تجرح الصقر شوكه ابطيت قاعد ومكسور
وائل ترى ما تكبر آراد يحكم دياره=لكن جساس خاين وكليب قد مات مغدور
لن البسوس اللعينه شبت بصدره سباره=قالت كليب ابن عمك عن الحمى قال محجور
توفيق بطل تحارش بين الاسد والنماره=ماخاف من ثعل مثلك حتى ولو الثعل مسعور
الشخص لي قلت ابيَّن اسحب حبال الستاره=من شان تضهر عيوبك وبيننا قول جمهور
هاجسك معروف عنه بالشعر ضيَّق مداره=مبروك لاهو تعلم واصبحت بالشعر دكتور
الفضل من بعد ربي يعود لي والاشاره=لأنني استاذ طالب بعد الفشل صار مشهور
انا الذي قبل مده عبيت لك لستماره=ادخلتك الفصل حقي علمتك الشعر ببحور
لكن ما ظن يعقل انك تجيب الجداره =إلا اذا اصحاب غزه قبلوا بتوقيع بلفور
لو قد علمت بذكائك بعطي المبشر بشاره=ولكن الياس واجد لن الامل فيك محضور
بليد معروف عنك قاتك وباكت سجاره=توخذ على الدرس فتره ما تقتصر سبعه شهور
مرثاة حالي لحالك والحوش عالي غباره=من كثر منته تدوَّر وتحك راسك بلضفور
اما النقاش السياسي ما عادها شي شطاره=لن الحوار السياسي له بحر واسع ومسجور
لكن على حسب قولك ماشي علينا خساره=وتقول مارب ومارب ما بين ناصر ومنصور
هل مارب الارض تعني او المنتدى والاماره=وضح لنا ويش تبغا ظنك تبا آلبان عصفور
ما حرب صعده حبيبي النار تبدا شراره=ماذا تريد ان تناقش ما عاد به سر مسرور
اما عدن والمكلا وابين مع زُنجباره=ولحج يافع وشبوه والغيضه الامر محصور
من هو سبب كل هذا جب لي صحيح العباره=السحر يُبطل بآيه قد ساحر القوم مسحور
انا ادري انه بنفسك تشرح عيوب الاداره=لكن مرتاب خايف والقلب يدمي ومقهور
ان كنت خايف من الله فلا تخاف السفاره=اشرح لنا ما براسك وتصير ممنون مشكور
ون كانك إلا مقزَّول كنك وزير الوزاره=متى وعد ما ينفذ لأنه انسان مأمور
الوضع بائس مدهور والشعب طال انتظاره=ياوجد حالي عليكم يا شعب دايخ ومفقور
رغم ان وحدة بلدنا والشعب قدهي ضماره=واجب نحافظ عليها لا يصبح الشعب مخسور
المؤتمر من فرسهم والمشترك من شعاره=والشعب ضاعت حقوقه ما بين صاحي ومخمور
الشعب زاد امتغاضه والوضع زاد انهياره=يا وجه ربي علينا لا ينكشف كل مستور
هذا صدر ونت جوَّب ولا تطفي الاناره=عن بيت كله مخرب مابه زخارف وديكور
قلنا نجيب المُرمم وترممون العماره=لكنكم ما قبلتوا تبغوا تهدون معمور
يعني ضروري مقاول وهندسه وستشاره=لازم نشيَّد بناها على اساسات وجسور
اختم حروفي بذكره ما الليل يطمس نهاره=وما الصباح المبجل يتنفس انوار ديجور
على محمد صلاتي يا بخت من جا مزاره=صلوا على الهادي احمد يامن على خطي حضور
[/poem]

جوابي على العميد منبع الشعر (( صحيح العباره ))

[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يامن لك الكون سبح والحوت داخل بحاره = جلت صفاتك وذاتك يامنزل الكهف والطور
الحمدلك حمد دايم ماشن مزن المثاره= وعداد ما السيل دفّر وصبح الحقل ممطور
ياهاجسي لاتخلي منبع يكثر هداره= جوب على البدع سرعه وده رسوله على الفور
أثبت لمنبع وغيره أنك قوي في الصداره= عودتني لانخيتك تجيب لي در منثور
لاتحتقر أي شاعر حمى عليك احتقاره= مابا العرب تنتقدني وتقول توفيق مغرور
وان حد غلط فيك عادي لادق طبال طاره= مسكين خله يطبل قلبه من القهر محرور
أنا احمدالله منبع في الشعر غير مساره= من يوم جتني حروفه امسيت عاجب ومسرور
لانه من اول يهاجم في عقله انها عساره=القات له درو واضح لاجاء مقطف ومطيور
حاول يسي زحف بري وانا كسرته بغاره=لاماحنب في النهايه واصبح مقيد ومأسور
واصبح كما قال لول تاجر مضيع ضماره=حاول يسوّق بحيله وعاد للييت مفدور
قد قلت له قبل مده مالك مضا في الغماره= في البودي اركب وخلك جالس مع الصور والعور
واتحمّدالله قبلتك تكون ضمن السياره= غصبا انهم وافقو بك كم صمخ ابو قرن معصور
والفصل لي قلت حاشا ماكنت انا من صغاره= ولاتعلمت عندك او يوم شليت طبشور
لسحم تعلمت عنده دروس فيها مهاره =لاما تخرجت منه وأصبحت مثل ابن حبتور
قد ربما شخص غيري قريب او حول زاره= تعنيه داري ولكن تصنع ملفات وتدور
اما عن الوضع تسئل غايب مفارق دياره=تتخبره وانت عارف انه على البعد مجبور
مابسئلك حول رازح من هو السبب في دماره= قد قلت لي في كلامك ماعاد به سر مسرور
ولا عن أبين ومأرب نبع الكرم والحضاره=ولا الحراك الجنوبي لي عذبو بنتنا نور
بتخبرك حول شله واسمائهم مستعاره=تيار مسموم فكره ماله ديانه ودستور
بث القلق للمواطن في كل منزل وحاره= ياغارة الله منه في كل لقطار محظور
بين المواطن يعيشو وتخصرو من خصاره=قد شفت كم من سببهم في شبوه الأمس منحور
من يستمعهم يصدق قال انتو اهل الطهاره= ولو بحثت الحقيقه تنظيم للغرب مأجور
وبعضهم سا معسكر وبعضهم في مغاره =يخططو بالمكيده والكل خاسر ومظرور
تضن ذا الفكر راكد وأحيوه بعد اندثاره=يوصلو به رساله شوفو ترو الأمن مزرور
والمشكله والمصيبه لي قالت المستشاره=من داخل البيت لبيض تصريح رسمي ومنشور
بايرسلو جيش غربي صوب اليمن يانباره=قرار صاغوه جاهز في مجلس الامن منظور
لاوقعو قل لعمك يسرع يجهز مطاره = ويسلم القصر حقه لايصبح الدم مهدور
الوقت قله بيده وهو عليه اختصاره =يارب لاتبتلينا مثل اهل كابول ولاهور
ذكر النبي طب قلبي عد الشجر والحجاره= الله مصلي وسلم عليك ياكامل النور
عداد مالاح بارق وأرخت مزون المطاره= صلاه تغشى جنابك من قلب مثني ومعشور
[/poem]