|
ما عاد فيها من مجال ..! السلام عليكم., اقول يا صاحبي ماعاد فيها وربي من مجال زامت بصدري مثل ما السيل في سده يزوم ضرب الهنادي فيه وطعون من حدب السلال احسها واسمع لها في داخل الصدر الكتوم حاولت اجنّب دربها من يمين ليا شمال ادرا بها الشرهات واكسب مطاليق العلوم والصيرميه في جوابي تثنت في السؤال براقها ما هو ينوش الا الجوازي والرخوم ذا سلم لي من بعد جدي وثابت لا يزال وعقّب صبيّن ما يحافظ على ورث السلوم ما همني لو جات من عقل ولا من هبال با اسوقها يصحى على وقعها راعي الحلوم ولا فلا انا من سلالة مشاكيل الرجال اللي فعايلهم تعدت مصابيح النجوم يا صاحبي با اسوقها بس بوجز بالمقال ما يستر الرجال لو يكتسي زين الهدوم الا فعايل تجعله من كريمين السبال والمرجله كلن على عدها الكايد يروم ما كل من هو رامها يحسب انه باينال رغم انها مطلب لقاصي وداني بالعموم كلن وجهده لا يعنيه في طرد المحال ويصون وجهه من عنا الوقت وكفوف السموم الله خلق لكن فرق في عباده بالخصال مثل الشجر طلع الثمر حنظله غير الكروم الوقت ذا بوار والناس بارت بالوصال وتقطعت لرحام ماحد بواجبها يقوم يا كثر لارا والبشر كثرهم عند الجدال ويا قلهم عند النوايب وفي وقت اللزوم وختامها بالحمد والشكر يا مولا الجلال يا حيث بالشكر والحمد افضالك تدوم مراويح السحاب |
رد : ما عاد فيها من مجال ..! الوقت ذا بوار والناس بارت بالوصال وتقطعت لرحام ماحد بواجبها يقوم يا كثر لارا والبشر كثرهم عند الجدال ويا قلهم عند النوايب وفي وقت اللزوم كلام رائع ومعاني رنانة كلك ذوق |
رد : ما عاد فيها من مجال ..! ما همني لو جات من عقل ولا من هبال با اسوقها يصحى على وقعها راعي الحلوم ولا فلا انا من سلالة مشاكيل الرجال اللي فعايلهم تعدت مصابيح النجوم صح لسانك كعااادتك شاعر مافيك قصور ابدعت ننتظر المزيد من روائعك |
رد : ما عاد فيها من مجال ..! زامت يزوم هنادي حدب السلال مطاليق الصيرميه تثنت ينوش الجوازي صبين السبال كفوف السموم حنظله كروم النوايب يا هوووووه ... القصيده حيل صعبه .. بس لاحظت انك مستخدم مفردات اماراتيه اللهجه عالعموم صح لسانك حبيت هالبيت الوقت ذا بوار والناس بارت بالوصال وتقطعت لرحام ماحد بواجبها يقوم كينق .. وربي كينق |
رد : ما عاد فيها من مجال ..! قصيدة رائعة جدا صح لشانك شاعرنا ربي يعطيك ويزيدك من فضله رجاحة عقل وبلاغة معنى وروعة البيان أجتمعت لكي تصبح عنوان لهذه القصيدة التي فيها نصح وتوضيح راق لي هذا البيت يا كثر لارا والبشر كثرهم عند الجدال ويا قلهم عند النوايب وفي وقت اللزوم فعلا يا كثرهم عند الجدال وعند السلى والوناسة والهبال بس لاصار شئ ماتلقى غير من هم فعلا رجال تحياتي ،، |
رد : ما عاد فيها من مجال ..! إقتباس:
اشكرك كثيرا لما قلت هنا فقد اثلج صدري ممتن لحضورك ولشخصك اكثر ياهلا |
رد : ما عاد فيها من مجال ..! إقتباس:
صحت ابدانش انشاء الله ولا عليش زود اطراء من شاعره قويه يثلج صدري ممتن لحضورش هنا واكثر لشخصش الكريم يا هلا |
رد : ما عاد فيها من مجال ..! إقتباس:
نعم هناك بعض التشابه بينها وبين اللهجه الاماراتيه لكن لم استعيرها ابدا بل اخذتها من لهجتنا الاصليه الف شكر سوبر على كرم الحضور والتواجد في الصفحه ممتن للحضور الطيب واكثر لشخصك الاطيب ياهلا |
رد : ما عاد فيها من مجال ..! إقتباس:
كلامكي والذهب وجهان لعمله واحده ممتن لهذا الحضور الجدير بالشكر ولشخصك اكثر يا هلا |
رد : ما عاد فيها من مجال ..! الله خلق لكن فرق في عباده بالخصال مثل الشجر طلع الثمر حنظله غير الكروم صح الله لسانك قصيدة رااائعه من شااعر كبير قلب شبوه وش جاب لا جاب هذه طرق اهل الجنوب يام اللهجة الاماراتية مميزة تمشي مع الحضارة ومحافظة على الاصاله واحبها بصراحه فقط في الشعر الياميين لا يعلا على قصيدهم ويتميز انه من السهل الممتنع |
| جميع الأوقات GMT +3. الساعة الآن 02:27 PM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.