قال الخواجه قال الخواجه لي عسى عيدك اسعيد ========== وهو مسيحي فتيكاني فرنسي هنى وحنا مانهنيه بالعيد =========== مابعد هنيته بعيد الكرمسي راس السنه ميلاد عيسى بتحديد ========== وهو نبي مذكور في كل درسي لا جيت اباهنيه اشعر بترديد ========== حاله يترجمها شعوري وحسي وهو معي طيب ولاهوب عربيد ========= مالو غلط باقول معصي ومخسي نو برملم مابيننا اي تعقيد ========= رفقة عمل نصبح علىها ونمسي وهو شرابه كاس بيره مع ريد ========== وانا شرابي مأ وشاني وببسي بس الصراحه يشربه دون تزويد ====== واذا اشتغل يرسي في الشغل يرسي واذا وعد مايختلف بالمواعد ========= وحن لا وعدنا يصبح الوعد منسي وهو معي صادق كلامه بتأكيد ========== وانا معه ياكثر خرطي وهلسي وفوق ذا تاتيه نبرات تهديد ======= من كل جاهل عاكس الخط عكسي مايسلم الكافر بذبحن وتصعيد ==========يالي تقول ياريتهم تحت ظرسي هل هو غظب من بعد شجبآ وتنديد ========= اوالمشكله مابين جني وانسي ولا سياسه جس نبظن وتمهيد ========== خطه وراها دعم غربي وفرسي وين الخطأ والمشكله يالجاويد ========وياهل الهواجس حللو قول هجسي او المسئله تحتاج فتوى وتعميد =========من عند قرظاوي ومن عند مرسي الشاعر حسين شقران العقيلي |
رد : قال الخواجه واذا وعد مايختلف بالمواعد ========= وحن لا وعدنا يصبح الوعد منسي وهو معي صادق كلامه بتأكيد ========== وانا معه ياكثر خرطي وهلسي فعلاً صار الحال معكوس فهذه صفات المؤمن وصارت اليوم أخلاق غير المسلمين صح لسانك وأعلى الله شأنك شاعرنا القدير |
رد : قال الخواجه صح لسانك يا بن شقران المسلمين تركوا تعاليم دينهم وانذلوا ولن يعزهم الى الرجوع الى دينهم شكرا لك |
رد : قال الخواجه صح لسانك يابن شقران شاعر وفيلسوف في نفس الوقت طرحة قضيه مهمه واواقع ترجمته في ابيات رايعه فعلا تعاني مجتمعتنا من تفسيرات للدين بطريقه متزمته وقلة فهم للدين الرسول كان جاره يهودي والكل عارف قصة الاذي للرسول وكان الرسول يزوره وايضاً اذا حييتو بتحيه فاحييو باحسن منها فلو كنا فاهمين ديننا كان هذه الصفات فينا شكرا ابن شقران قصيده في الصميم وانتقاد الذات |
رد : قال الخواجه صح لسانك أخي العزيز ابن شقران قصيدة رائعة جدا وفيها تنبيه راقي إلى ضرورة ن نهنئ أخواننا النصارى باعيادهم لأننا مؤمنين ومصدقين برسولهم وعيد مبارك وكل عام وأنت بخير وسعادة تحياتي ،، |
رد : قال الخواجه صح الله لسانك اخي حسين ابيات رايعه من روعت قايلها التهنيه قدنا لهنيهم عبر وسائل اعلامنا وحكامنا لا تحمل هم هههه جعلك تسلم ولك مني اجمل تحيه وتقدير |
رد : قال الخواجه إقتباس:
اخوي ابوعلي تسلم وتشكر على ردك وتوضيحك الراائع وعلى حضورك الكريم يعطيك العافيه تحياتي لك |
رد : قال الخواجه إقتباس:
اخوي الزناد الصامت صح الله بدنك واعطاك العافيه تسلم وتشكر على مرورك الطيب واضافتك الرااائعه وحضورك الكريم تحياتي لك |
رد : قال الخواجه إقتباس:
اخوي عاشق الصحراء صح الله بدنك وكبرقدرك تسلم وتشكر على حضورك الكريم واطرائك الجميل وعلى ردك التوضيحي الذي اضاااف على متصفحي الكثير اخوي عاشق الصحراء ومحب الشعر والشعراء ربي يعطيك العافيه تحياتي لك |
رد : قال الخواجه إقتباس:
اختنا روح السرااااب صح الله بدنك واعطاك العافيه عزيزتي شاكر لك مرورك وحضورك الكريم واطرائك الجميل وعلى اضافتك الرااااائعه تسلمي ياروح وانتي من عواده وعيدك اسعد وكل عام وانتي طيبه |
جميع الأوقات GMT +3. الساعة الآن 09:01 PM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.