|
برووووق و رعوووود بسم الله الرحمن الرحيم . . . . . بروق و رعود والمزنه ياللي ما ماهطل ماها عهود و وعود مكذوبه حشا ماتروي الضامي شرود و ورود و روايه حقيقه مافهمناها و نود الوقت و شعوفه رياحه تخلف اسهامي اشوف اهداف وارميها و رميي ما ابد جاها و اشمر واحتزم صبري واسوق العز قدامي شربت الكر من صغري و مي الفر عفناها وطوعت العصيه غصب عن ظروفي وأيامي تلحفت السحاب ونمت ونوم العين يهناها توسدت الجبال ولي مع الفرقد امر سامي غريب اطوار لكني احشم ارجال ولحاها و عز الجيد و اتعنا على شانه بقدم دامي و فروخ البوم لا لآلت تلالي هاذ مبداها فلا يرقى الطويله غير من يصبر على الحامي وانا لي قاعده وامشي عليها وحسب مغزاها وصيه من ابي ليّه وعليها شد لحزامي اذا خاويت ما خاوي روخوم القوم وسوادناها واذا سايرت ما ساير سوى مطنوخ هكامي واذا لاحت بروق الصيف وسحباً ما هطل ماها اهد اطناب واتحول على مرتع يبل ضامي |
رد : برووووق و رعوووود تلحفت السحاب ونمت ونوم العين يهناها توسدت الجبال ولي مع الفرقد امر سامي قصيدة محمله بتصويرات بلاغيه مدهشه اهنيك على قريحتك الشعريه وصح لسانك |
رد : برووووق و رعوووود سهير الطرف حيا بك بآجمل ورد وآنداها ----------------أصبت الصيد من رميه عليك الله يا رامي صح لسانك يالغالي سهير الطرف صح لسانك وعلا شانك ولا تحرمنا من جديدك تقبل ودي وشكري وتقديري ومروري المتواضع |
رد : برووووق و رعوووود اهلا اهلا سهير الطرف ,, القصيده ثروه لغويه بلاغيه عميقه ولكنها ينطبق عليها المعنى في بطن الشاعر ,, شعرك جميل بس بسطه لنا شوي خله بسيط للعامه مثل الشعراء الي يفهموه ماباعلق لاني مافهمت شي ,, ههههههه |
رد : برووووق و رعوووود بدينا ليلنا بمطرة أرتوينا من حلا ماها بلا سحاب ولا رعود تنبه بيدنا الضامي أمطرت خير بحروف متصفحنا سماها حروف سهير رتبها لنا معرفه السامي كتب أبيات موزونة حيارى يوم قرأناها فيها حزن وشموخ حشا تطوله الهامي وآخر قوله ختمها بنصيحة لو درسناها عرفنا في ذاك الحمل بطش ضرغامي صح لسانك سهير يعطيك الف عافية والله لايحرمنا من بديع حرفك وجميل قصيدك ورقي حضورك تحياتي ،، |
رد : برووووق و رعوووود الله الله عليك صح لسانك وأعلى الله شأنك سهير الطرف |
رد : برووووق و رعوووود صح لساااااااانك اخوي سهير الطرف ابيااات حلوه تحمل في احشايها عتاااب وتثني بان سهير شااعر محنك متاثر بروق ورعود فنقول لك اخوي سهير بالله درك ,,, تحيااتي لسموك |
رد : برووووق و رعوووود إقتباس:
جمال مروورك هو من زان المشاركه اسعدا جداَ حضورك اسعد الله يالغالي صح الله بدنك تحياتي |
رد : برووووق و رعوووود إقتباس:
اسعدني تواجدك يالغالي اسعدك الله خالص ودي وتقديري و تحياتي |
رد : برووووق و رعوووود إقتباس:
حلوين لين اخر شي خربتها جعلك العافيه المهم يا حشري مش كل شي لازم تفهمه :146: اسعدني تواجدك اللرائع اخي طاش اسعدك الله ولا تقول لي ما فهمت عهدي بك ابو المفهوميه :12: خالص ودي وتقديري |
| جميع الأوقات GMT +3. الساعة الآن 12:52 PM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.