ياهضاب اليمن يا سهلها والجبالي يا هضاب اليمن يا سهلها والجبالي ===========يا ربوع الوطن يا كل ارض السعيده يا بكيل الإباء يا اهل الكرم والنظالي ============يا رجال الوفا يا هل العلوم السديده يا القحاطين ذي تحمل صفات الرجالي ===========بالاخص السند وقت الشدايد عبيــده يا مشابيب مذحج ذي لهم صيت عالي ===========قوم لاخصمها اتطاول فتقطع وريـده يا مقادم قبل حاشد رجال النزالي ===========هم والافراد ذي تثبت فلاهي شديــده يا قبايل بلادي في الوطا والعوالي =============ذي ثقلهم يوازن للحيود السنيده لا تبيعو وطنكم للجشع والمغالي =============لا تبيعوه لو كلف لثوره جديده شعبنا يلفض أنفاسه وهو شعب غالي ============عيدو امجاد ثورتنا بثوره مجيده واشربو لاجل هذا الشعب ذي مر حالي ============وارفعو رايته نكتب عليها نشيده مجدنا ذي بناه ابائنا بالقتالي ============حقهم ذي علينا يوجب انا نعيده وادعي الكل ينهض قبل وقت الزوالي =========== لا ن هذا هو استحقاق با نستعيده شلو العهد منا اننا ما نبالي ========== ما نبيع اليمن من حوف لما الحديده قلت وانا قفيلي با يشل الثقالي =========== من سلاله في التاريخ صلبه تليده من سباء ذي على الجودات فاول وتالي ========= ذي ذكـــرها الاهي في مواطن عديده الحجر خط عني واكتتب في الرمالي ========== بالتواصي نقلها الجد وأوصى حفيده لادعانا الوطن لبيت له بالوصالي ========== وان طلب مننا شي شل ماهو يريده جند له في الشدايد شيخنا والعيالي ==========ضد من كاد له ولا زرع له مكيــده ــــــــــــــــــــــــــــــــــــــــــــــــــ ـــــــــــــــــــــــــــــــــ كلماتي بتاريخ 13/مارس/2015 |
رد : ياهضاب اليمن يا سهلها والجبالي قصيدة في قمة الروعة كلها وطنية وحماس صح لسانك اخي القفيلي ونأمل خير فيك وفي الشباب امثالك |
رد : ياهضاب اليمن يا سهلها والجبالي شعبنا يلفض أنفاسه وهو شعب غالي ============عيدو امجاد ثورتنا بثوره مجيده الشعب عليل من عقود والموت افضل له صح لسانك ونعم فيك وفي قبايل اليمن قصيدة وافيه من افي و في وافين |
رد : ياهضاب اليمن يا سهلها والجبالي روح السراب الصاادق صحت ابدانكم ولاهنتو ومعليكم زود وتحياتي لكم |
رد : ياهضاب اليمن يا سهلها والجبالي صح لسانك القفيلي أبيات وطنية رااائعة اللهم احفظ يمننا من كل المتامرن عليه |
رد : ياهضاب اليمن يا سهلها والجبالي صح بدنك يا صامت وسلمت يا الغالي على مرورك تحياتي لك |
رد : ياهضاب اليمن يا سهلها والجبالي مرحبا وآلف حيا بالاصـيـل الـمثـالـي ------------مرحبا بـالـقـفـيــلـــي كل لحظه نعيده مرحبا صاحب الشعر الحسين الزلالي ------------شعر صافي متوّج بالدرر في قصيده شاعرنا النبيل والاصيل ،؛، القفيلي ،؛، صح لسانك يالغالي صح لسانك وعلا شانك ولا تحرمنا من جديدك تقبل ودي وشكري وتقديري ومروري وردي المتواضع |
جميع الأوقات GMT +3. الساعة الآن 10:41 AM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.