|
زفـرة شـاعر بسم الله الرحمن الرحيم أسعد الله بالخير اوقاتكم أحياناً يزفر الشاعر مشاعر في ابيات قصيره تختصر الكثير من الحروف و توضح الكثير من الامور، حبيت ان أضع زفير مشاعري بين ايديكم اتمنى لكم طيب المتابعه :q1 (6): :rose: |
رد : زفـرة شـاعر تكرماً لا امراً من احد اعضاء الاداره ان يقوم بإغلاق الردود |
رد : زفـرة شـاعر زانت ظروف الوقت وان كان شانت ما اشكي ظروفي غير للي خلقني طبعي كذا والنفس من ذا استزانت راضي بقسمي زاد ولا نقصني |
رد : زفـرة شـاعر خلها في القلب تحرق مابقى ما دريت ان مابقى غير الجراح ولا سقى الله يوم رددت بـ سقى سقت عمري احسب النيه صحاح ما دريت ان خُلق مثلك ما ارتقى للصداقه بجدها والا المزاح |
رد : زفـرة شـاعر الصراحه مالقينا من صريح كود من له حاجةً يسعى وراها جاملوني بأعذب القول المليح و بـ بتسامه عالثغور اللي اراها لين شافوني على الزيرو طريح حاربوني ويل روحي و يا براها |
رد : زفـرة شـاعر من يبي له زاد ما يفنى متاعه ينفعه طيلة حياته و الممات يتقي الله بكل هرجه و استماعه يحفظه من درب فيه المهلكات |
رد : زفـرة شـاعر عامين ياهمام من جور حارث لا نبت ولا غيثاً و قاعي محاريث وارث وعقبك يلحق الورث وارث هذا العمر راحل و غيرك مواريث |
رد : زفـرة شـاعر عنّيت قلبي بدرب العشق وارهقـته وربيع عمري زهوره ذابله واعطاش ومن يوم درب الهوى لي عام فارقته اقلّ ما فيه عني النوم ما ينحــاش |
رد : زفـرة شـاعر ياشحيح الخلق كم راس مالك الف او مليار لاشك زايل البشر تفنى و المال هالك ومايدوم بين البشر الا الجمايل |
رد : زفـرة شـاعر عطان صابر و عقب الليل ضاح مايشغله شاغل ولا يلفاه هم هاتوا من الممنوع و جيبوا لي مباح ما ينهزم من لابته شامخ نقم |
رد : زفـرة شـاعر على طاري الفراق اللي طريته لي و انا مابيه ترى ماني من اللي يتبع المقفين يا حبيّب عزيز النفس ما هزه فراقك لي رجعت تطريه بحفظ الله وخذ حبك معاك و خاطري طيب |
رد : زفـرة شـاعر ربيع العمر لو عدا سنينه واجدبت ليام وبان الشيب في عارض عقيد القوم و قحوفه تعنز و احتزم صبره و ساق الحافيه قدام و طوع عاصيات الدل و غنت له على حروفه |
رد : زفـرة شـاعر بانت نوايا ناس و بانت حقايق واللي كذب بالامس بانت كذبته يا رايقاً قد كنت من قبل رايق وش كلفك تاذي حيدر بخلوته |
رد : زفـرة شـاعر سرتْ ليله بها لشواق قذايف حطمت درعي و اثاري الشوق ماينفع معه يا قاتلي ادروع شغلت البال ما كنك تلاحظ حالتي و وضعي وشبعتك شوق في وقتاً بها العربان ماتت جوع |
رد : زفـرة شـاعر عليك الله لا تسأل عن اوضاعي و كيف الحال ترا لا وضع يعجبك ناظرك والحال مايسرك تعال وشف بعينك كيف صرت من عقب ماطال صدودك وانت ما ترحم وشوقك لي ما جرك |
رد : زفـرة شـاعر تبتعد عني و انا اللي مبتعد عن درب غيرك لعنبو درباً يذل النفس يانفسي العزيزه رح سبيلك ولي سبيلي كثر الله جود خيرك انتهينا ما بدينا بظرف لحظاتاً وجيزة |
رد : زفـرة شـاعر ليالي الشوق ياشوقي تغني لي لحن طاريك تنوش بداخلي ذكرى و ترقص فالحنايا روح اعد الوقت و اتكوى و اقول اليوم يا بشريك ولا يصدق معي حظي يافوح القلب منه فوح |
رد : زفـرة شـاعر سواد الليل من عيناك لونه و نور الفجر من خديك ينصع يلوموا العقل ان أعلن جنونه وانا من حسن هذي كيف اصنع |
رد : زفـرة شـاعر ياليل ساعاتك علينا ثقيله وش ثقل الساعات ياليل؟؟ مدري لن الخليل ان شكى قسوة خليله يصير وضعه يالمحبين مزري |
رد : زفـرة شـاعر بختياري كل أمري بختياري ماتلقيت الاوامر من ردي ذا مساري ما اغير في مساري الفجر بسهيل و ليلي فالجدي يتعب ابن اللاش ماياصل مداري سرمدي مجدي و عزي سرمدي |
رد : زفـرة شـاعر فإن كنت في بعدي تعيش براحة فياليت بعدي دائما و مؤبدا حتى ولو عشت حياتي معذبا وانتي سعيده فأنا بذلك اسعدا |
رد : زفـرة شـاعر استحليت الجروح اللي حرام بدون سبه واعتقلت البسمه اللي كنت اظن لطفك سببها احسب انك يا رفيقي بلسم لقلبي وطبه وأنك الصادق بحبك و اثرك لروحي عطبها |
رد : زفـرة شـاعر الليالي يارفيقي ماتشابه ليلةً قشرا و ليله في طربها والزمن لو هو مكشر فيك نابه رب غيرك قد ضلوعه احتطبها |
رد : زفـرة شـاعر الجود ماهو سلعةً في دكادكين ولا ينال المجد هين و هافي الجود للاجواد دور و عناوين ولايروم العز قوماً ضعافي |
رد : زفـرة شـاعر يا اجمل معاناة الغرام و حنينه و اصدق عبارات المحبه و الاشواق شاعرك لو طالت ليالي سنينه يبقى رهينك يا وليفه و مشتاق |
رد : زفـرة شـاعر أسلى بذكرك و اترك الناس يبكون و أسهر بطيفك و الخلايق هجوعي لو كنت تدري في حياتي من تكووون!! أنت الوحيد اللي تِهل له دموعي ماهمني لوهم يقولون مجنون ما دام حبك خلف حدب الضلوعي |
رد : زفـرة شـاعر خيرتني دنيتي و اخترت منها الوفاء يوم الوفاء في الناس نادر و حيرتني دنيتي و احترت منها كيف صابر خان اخوه البكر نادر |
رد : زفـرة شـاعر وين من هو يفهم القول و يعيه يعرف المقصود من فحوى الكلام جيت ولا يا عسى فرقا الوجيه مثل وجهك فالملامه ما يلام شخص مثلك والله ان ما نرتجيه ساعة الفرقا ولا طول المقام |
رد : زفـرة شـاعر مرحبا مرحبا في اللين و الشده يا حماة الطرف لا ثوّر البادي عزتي للذي جاء صفكم ضده نشهد انه ورد للموت ورادي |
رد : زفـرة شـاعر يوم النوايا في وجوه القوم شانت جيتهم صادق بحبي وطيب نيه و القلوب اللي لعهدٍ كان صانت جعل يغشاها رضى رب البريه |
رد : زفـرة شـاعر الناس تكشخ بالملابس و الحلي و انتي الملابس والحلي بك كاشخه الزين خلقه زين حالي ياهلي والشامخه تبقى بليا شامخه يافاتنه قلبي بحسنك مبتلي ولك مشاعر في خفوقي راسخه زينك يطيح كل من هو معتلي حتى العذارى في حضورك لابخه |
رد : زفـرة شـاعر ذكرياتك حاضري لاتظن انها مضت غير اساير واقعي واكذب ان قلت نسيت لا رضيت بمفارقك لا و لا نفسي رضت غصب عنا غير والله مانسيتك ماحييت |
رد : زفـرة شـاعر يالبيييييه بشاعر وبزفيره شاعل كبير مخضرم سهير الطرف كم انت مبدع ودي عيون |
رد : زفـرة شـاعر ما زهمتك لجل حاجه وانت داري غير واجب ساقني ولجله زهمتك قلت ابسأل كيف حالك ؟ يالحضاري ولا انا حاجتي ماهيب عندك لا عدمتك |
| جميع الأوقات GMT +3. الساعة الآن 05:05 PM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.