منتدى الآصالة والتاريخ حريب بيحان

السلام عليكم .،
اقول

يا ام العيون السود بالهون الا بالهون
لا تتعبين الرمش بمزارق النظرات

صحيح لو عدّوا حلاياش با يبطون
من كثرها بين الطبايع وبين صفات

لكنها ما تفتن الا .. ولد مغبون
عينه وقلبه في ميادينكم خوات

ما عنده الا مثل وصفش او انه دون
هذا الذي بايسهر الليل لش مابات

وينقاد في سلك الغوا بالهوى مسجون
يمسي يفكر فيش كنّه مخزن قات

اما انا لو تفتني كل من بالكون
ما تقدري يابنت فيني انا بالذات

لاني عشقت البدر مادونه اعطي دون
ومن يعشق القمرا ما ناظر النجمات

جدايل وصدر وعنق عنق المها ومتون
تسيّد على كل الغنادير .. والسادات

وله جمرتين اللول من خلفها مكنون
وبراق خده نوره اصفى من اللمبات

له عيون ما ربي خلق في حلاها عيون
احبه ولا اسمع فيه عاذل ولا شمات

وتحت الحنايا حافظه منزله مصيون
وجوده معي في كل روحه وبالجيّات

ا حبه وهو يدري وكل الملا يدرون
ومرتاح في حبه وغارق في اللذات

سلامي عليه يفوق في حسبتي مليون
يشرح شعور وحب ترجمتها ببيات

فيا ام العيون السود لو تسمحي بلهون
معذور يا الترفه لو قلت لش هيهات

فلا تتعبين الرمش يابنت انا ممنون
ما عاد به داعي لمزارق النظرات

جويعد مساعد الحارثي