مــــ(الارشيــــــــــــ2002م ـــــــــــــف)ـــــــــــن

ابو صادق يقول الشعر اجمل===اذا حاكى تغاريد البلابـــــــــل
وللتفاح غنا والسفرجـــــــل===وغناء للحدائق والخمائــــــــل
ولكن اين له والارض تقحل===وماقدكان اخضر بات قاحـــــل
ولم يبقى لزرع الورد مشتل===كتل لسمنت حلت في المشاتـل
الا يا مرحبا ما المزن هملل===وما سالت سيوله في المسايل
ببن عبدوه ذي بالشعر رسل===ولا جاني رسوله بالرسايــــــل
وهو قد وزعه في كل مقيل === وضلوا يقرأونه في المقايـــــل
ولااعلم غيرمن لخبار تنقل === وبعض الناس يطرح لي تسائل
بشان الرد قلت البـــدع اول === يصلني بعد ذلك بانحــــــــــاول
وحين اخبرتهم واحد تجمــل === منحني نسخته وافي وجامـــل
وعندي حق لونا قلت ماقبل === بهذا الشكل ان يجري التعامل
ولكن شفت ماشي داعي ازعل === وباقدم عن الدعوى تنازل
وبا جوب على البدع المطول === وبا اكتب ردبالقدر المماثــل
ولاهي مشكله حتى اذا قــــل === فقد تغني عن الكثره قلائـــل
وخير القول ماقل ومــــــا دل ===فكم من طول يحدث دون طائل
يقولوا لي ان صالح قال بافشل === ونا في الشعر مانا قط فاشل
ولو خطه وصلني ما تاجــــــل === جوابه كان جاه الرد عاجــــل
وباب الشعر مهما كان مقفل === معي مفتاح يفتح كل قافـــــل
ولو ان الفرزدق هو ولخطل === مع من عاصروهم من فطاحل
امامي لن تجد شعري تضائل === ويمكن يشعروا هم بالتضائل
ولو ما ودي الفخر المهــــول === ولكن جات في شعرك مهاول
بدأت البدع معلن حرب تشعل === ولم تعلن من الخصم المقابل
كانك مونتقمري ضد رومـــل === بخطة حرب تحرز نصر هائل
بدت فيها عزيمة جيش هتلـر ===لتتوالى الهزائم للهتـــــــــارل
خطط حربك بودي لو تبـــــدل === حصار الخصم يدفع به يقاتل
ولا تنجح خطط ما لم تمـــول === ولا عندك مصانع او معامل
قد استسلم مفاعل شرنوبــل === فكيف انته ولا عنجك مفاعل
ذكرت الدين نرجو الله يقبـــل === دعائك ينتصرفالدين عــــادل
وحكمه عام واحيانا" مفصل === ويدعو للتسامح والتكافــــل
وحكم الدين قابل ان يـــــؤول === عدى عكس العداله غير قابل
ويخطي من جعل نفسه مخول === لتاويله ولا يقبل مجـــــــادل
فمهما يعلم الانسان يجهــــل === ومن يجهل حقوق الغير جاهل
فكم من داعيه للدين ضلــــل === بتوضيفه لاغراض التحامـــل
ويا صالح قداستعرضت مازل === وبا جاريك من باب التفاعــل
سنة تسعين عالمنا تحـــــول === بنجم الروس لما بات آفـــــــل
بناهم لقتصادي كان معتـــــل === وفي داخل مبانيهم تآكـــــــــل
وقربتشوف ظن انه مؤهــــل === فكحلها واعمتها المكاحـــــل
هو التاريخ با لاحداث يحفــل === وعاده لم يزل حافل وحافــــل
وكم من مرتفع يهبط لأسفــل === وكم من صاعد قد كان نازل
وواشنطن تبا العالم يشكــــل === كما شاءت نظامه والهياكل
وميزان العداله قد تعطـــــــل === ويجري الوزن في ميزان عاطل
لأن الوضع في العالم مخلخل === وتمسك فيه امريكا المفاصل
ولا احسب شعوب الارض تقبل === ستتحرك ولكن في تثاقــــل
وها نحن نرى العالم تملمـــل === وكم ثورات تبداء بلقلاقـــــل
وحول القدس يا محبط تفائــل === نضال الشعب مداعة التفائل
وقد شاهدت فيها شعب اعزل === يقدم تضحياته بالقوافــــــــل
وحتما" تضحياته با تكلــــــل === بأحلى نصر من صنع البواسل
مواقفهم بطوليه تسجــــــــــل === وللحكام سجلنا التخـــــــاذل
دع الحكام هم اجبـــــن وارذل === على الاطلاق من كل الاراذل
ومامن شك ان العقل يذهـــــل === لما تجري امامه من مهازل
وعن وضع اليمن شعرك تناول === قضاياها الجديره بالتنــــاول
ذكر لحزاب ما اتعمق وحلـــل === مواقفها ولا اصدر حكم عادل
ولا تيامن بآرائه ولا اشــــول === وشدد هجمته ضد الاشـــــاول
اضنه شاف ضرب الاضعف اسهل === فوجه له من النيران وابل
ولو با نستطيع اقناع حنشـــل === لما يصلح يوافق لا يعاضـــــل
ينفذ في السياسه حل امثــــل === بجعل الحكم قابل للتـــــــــداول
ونظمن امن لسيد ولدحـــــــل === بأن نجعل من القانون فاعــــل
وما بين ال اسلم وال لحـــول === نحل المشكله يكفي تقاتــــــــل
ولو توجد عوائق با تــــــذلل === وحل الثار للتنفيذ قابـــــــــــــل
وتتسائل عن رجوع الشيخ عرول === رجوعه لايثير ابسط تسائل
هو راجع الى ارضه وللاهــل === ولايوجد امامه اي حائـــــــــل
رئيس الدوله اهل به وسهـــل === ومنذو وقت قذ تم التواصـــــل
وهيثم ربما يرجع وشعفــــــــل === اذا اصبح ما يعيق الان زائل
مواقف في السياسه قد تبــــدل === ومنه ماهو آني وآجــــــــــل
واما عن سؤالك ايش انااعمل === معي صالون بالركاب اواصل
اسافرفيه فاضي او محمــــل === الى صنعاء وبعض احيان باجل
ونتحصل على مشرب وماكـــل === بحمد الله انا شارب وآكــــــل
وخزن قات وادفع فيه ما ابخل ===ولا يقلقني الا لحي ناصـــــــل
وفي شغل الوضيفه ما تكســل === اذا جهدي طلب مانا بباخـــــل
وراتبها الحقيقه قد تكفــــــل === بصرف البيت ذي هو كان داهل
وما تبقت من اخطاء با تعدل === وبعض اشياء اتت تحصيل حاصل
صلاة الله على طه المبجـــــل === وآله هم واصحابه الافاضـــــل

أردت اقتباس بيت أو بيتين
فوجدت القصيدة كلها تستحق الاقتباس
صح الله لسان الشاعر الكبير مسعد
والله يعطيك العااافية أبو رغد