01-18-2017, 02:26 AM | #81 | |
| رد : الشاعر وليد بن عبثان العمري بدع جديد مرسل الى الشاعر الكبير / توفيق عبدالله ابوزيده ـــــــــــــ ربـّاه عــبدك أقبلك طـــائـع ونفـسه راضـيه ===== قـنوع مـن دنيا النـدم , طـامع بعفـوك يالودود سالك رضاك ورحمتك , سترك ولبس العافيه ===== وجـنتك , واعــوذ بـك من معمعة ذات الوقود وبعــد قـال العوبثي سليّت حــرف القافيه ===== بجعل صليله في سطور المعركه برق ورعود راكــب على افصح أصيلات الطروق العاديه ===== "مُـهره حُـمينيه" لها تاريـخ في طــيَ البعود تـدرك معانيها , وفـارسـها الولـيد الداهيه ===== آخــر مفـوّه بالعـرب , كندي بلاده أرض هـود خذها عن اللي سطروا مجد السنين الماضيه ===== من في المجابه يجعلوا جماجم الأعداء عقود عقود في صــدر الجبل لبيض وراس الباكيه ===== ذي لا لما من فوقها تمـسي سـواقيها ورود والليله ان النجم يلمع في سماي الصافيه ===== كنه يناديني تأهـب وأطلع الشــامخ سـنود من هاهنا من موقعي حيث الوحوش الضاريه ===== من واد حبّان الشرف مربى النماره والأسود قم ياولد في واجـبك وارحل بضربه قاضيه ===== مكتوب تأثيره كما "صاروخ سوفييتي سكود" واقصـف ديار المـأربي ولا تـذر له باقيه ===== وقبل يتشهد أمـــانه هـــات أقـــواله وعــود قل له تراني مرتفــع عن كل ماهي دانيه ===== عيني تروم القاصـيه والرجـل تجـتاح الصعود قل له ســمعنا زلتك لو ما دريـت الآتيه ==== قلت ان شبوه وأهلها ماهم على نهج الجدود كل الدوافع والحجج عندك صــراحه وآهيه ===== ماقـد سـلف منك جــبرني أنتزع كــل القيود شــبوه عزيزه بـ أهلها والله ومأرب غاليه ===== مابا انجرف في مسلكك مهما تبادر بالجحود دامـك تخاطبنا بـ لهجـه عنصـريه باغيه ===== عاد اللبن قم واطرشه او بايقـع سـم الكبود ما القــاعده ذي عندنا وعندكم متواليه ===== اهل البلد ماحد خـوراج غير بن عمك سعود وكل تعييرك لنا قد كــان هــدره فاضيه ===== كـــونك بتعرف أصلهم أيضا ًومن أين الطـرود اخفض زعيقك نحونا واصــرخ بوجه الراعيه ==== ذي ضيعت بوش العرب من خلف نومه بالبرود ذا فصل أول قد خرج فيه العـرب متوافيه ==== عفوت عنّك لأجــل لا نوصل الى سلخ الجـلود ايضا ًومن أجل اختصر وابدا معك بالثانيه ===== عادت حليمه وانت تهتف لا حليمه لن تعـود ماهي شـماته إنما إطــرح إجـابه شافيه ==== لأني أرى عبدالملك سيله جــرف كل السدود كل المعاقل في طـريقه بالتسلسل خـاويه ===== هو رِك فيكم او خــيانه مثلما ســابق عهود الى متى يسـرح ويمرح والحــكومه غافيه ==== لا والله إلا الموت أشرف شأن من بعض الرقود أم إن بن منصور يترقـب يخــوض الحاميه ===== من بعد ماتُحسم لمن بين الدواعش والزيود ما شـأننا لحـنا وياكم له كفف متساويه ===== فتاح عـكّر صـفوها واليــوم بن هـادي يجـود مابا ترد السيل مطلع وان كسرت الساقيه ===== خــيره ولكن بعـدها أبصــم بترسـيم الحدود ياكم صبرنا عنكم رغــم الظروف القاسيه ===== عقدين وأكثر بينما "ماشي تغير في عبود" وطبعكـم تربه خصـيبه لو خلعتوا طـاغيه ===== في الحـال ينبت طاغيه وانه تقـدمكم يقود الله يكفينا بلاكــم , شـلها فـي الناصيه ===== طعن القفا ماهو لنا حتى ولو ما احنا سدود تميت والان اســتلم باقي عليك التاليه ===== تركت أسهلها وارويتك على عــذب العـدود والخاتمه صلوا على شفيع يـوم الغاشيه ===== شفيعنا في يوم يجمعنا في المحشر حشود
| |
|
01-18-2017, 02:30 AM | #82 | |
| رد : الشاعر وليد بن عبثان العمري وينـك يازعـيـم السـاحـه وينـك يازعـيـم السـاحـه , دام الـكـل شفـتـه زاعــم انــه لا مثيـلـه يـوجـد فــي عــدوه ولا فــي عـومـه مهـلاً مــن شـطـح يتمـهـل , لايقـبـل عليـنـا هـاجـم والله مـا بهـم مـن يُذكـر مثـل العوبـثـي فــي قـومـه بوعبثان قد لي هاجـس وقـت الصـدق فعلـه حاسـم ضربه واحـده مـن عنـدي وان المعركـه محسومـه مـش ملـزوم لكـن لازم قـال المهتجـس بــن سـالـم باعـقّـب عـلـى ذي فـاهـم والــي لكـنـتـه مفـهـومـه عين القصد , لُب المعنـى, لأقـوال الجماعـه طاسـم بدحـق فـي القوافـي لكـن , حـازر دحقتـي معلومـه كـــلاً مـنـهـم فـــي وادي يتـمـشـى بـحـلـمـه هــايــم والله يانقـذهـا دولــه لـــو هـــي تـرتـجـي دلـقـومـه ضاق القلب من مايجـري والشـرع القصيـر الدالـم لهـل النظـره المحـدوده واهــل اللهجــه المذمـومـه قلـنـا للجنـوبـي حـاسـب , لاتعـجـل وتصـبـح نـــادم قلـنـا للشمـالـي يـصـمـت , والا بـانـتـزع حلـقـومـه حـل الفدرلـه انسـب لــي وانــا لــه منـاصـر داعــم مـع حيـدر وحنكـة عقلـه والــي يعـتـرض بـادوّمـه امــا الـبـيـض قـــد حلـلـتـه, انـــه منـتـقـم او نـاقــم يحـلـم انـهـا باتـرجـع , قـبـل الـوحــده المـشـؤومـه عالجتوا الخطاء بالأخطاء واصبـح جمعهـا متراكـم باعـوم العصـاء فـي يـده لكـن العـصـاء مشظـومـه الإصــلاح أكـبــر آفـــه , مـنّــه حـــس قـلـبـي وارم دآء قد صاب ثورة شعبي , عفواً والسبب جرثومه هـو فـرّق مسـيـرة شعـبـي , اي والله مـاهـو لامــم والأفــراد كــلاً قـصـده تـمـسـي لحـيـتـه مـدسـومـه يـا ابوسيـف خذهـا منـي واتـبـع قابـسـي والـزاجـم وايـاك الـحـذر لاتـرجـع , تبرمـهـا وهــي مبـرومـه امــا المولـعـي بوعـابـد , هــذا منطـقـه مــن قـــادم وحده بالرضاء او وحده , او وحده بحامـي حومـه ماعنده سوى ذا المنطق بن هـادي ونفـس الطاقـم لا ماشي لبن ياساهن من ذي الفقـر فـي درشومـه وحنـا مـن يعانـد معنـا , مـا لـه مـن بـلانـا عـاصـم في حوم المعارك نثبت , مثل الشٌمّـخ الصمصومـه ماشي صعب فـي ناظرنـا ماهـل عادنـي بـك عاشـم انـك مــا تبـانـا نـوصـل , حِــل الكـيـل بالمشـرومـه بـا لومـك عـلـى ماقلـتـه يـومـك بالغـلـط لــي تـاهـم هـذا قـدح هـذا باطـل , نابـع مــن صمـيـم اجثـومـه وحنـا حَـب صـافـي سُـنّـه والمـذهـب ميـسّـر غـانـم مذهب شافعي وانتوا ذي دسيتـوا عـرب موسومـه موسومـه بأوسـم مـن قُـم , وحنـا خابريـن الواسـم مـن شـأن الجويـره تدعـم موقفكـم وهـي محتومـه يوم الخوف ساكـن فيهـم مـن ذي للمصايـب خـارم لـو ماحـنـا لـهـم باتـوقـع , سقـطـه ماتليـهـا قـومـه لـكـن عـادنـا بانلـقـي نـظــره فـــي غـريــم الـغــارم مـن هـو صقـر ياحيـا بـه وانتـوا رحـبـوا بالبـومـه واختمها بذكر الطاهـر مامسـى المُـزن غيثـه ثاجـم ماطـر عمّهـا واتبـارك والـودن امتلـى مـن سـومـه
| |
|
Bookmarks |
الكلمات الدلالية (Tags) |
الشاعر , العمري , بن , عبثان , ولدي |
Currently Active Users Viewing This Thread: 1 (0 members and 1 guests) | |
| |
مواضيع مشابهة | ||||
الموضوع | الكاتب | المنتدى | المشاركات | آخر مشاركة |
بدع الشاعرابو سيف الدياني العولقي وهي مرسلة الى الشاعر وليد بن عبثان الاسودي | روح السراب | قناة حريب بيحان " يوتيوب " | 8 | 09-22-2014 09:44 PM |
شريط رقم 287 علي صالح اليافعي بدع الشاعر وليد بن عبثان و جواب توفيق عبدالله | توفيق عبدالله | حريب بيحان الشعر والموروث الشعبي | 3 | 09-14-2012 12:47 AM |
مساجله شعريه جديده بين الشاعر // وليد بن عبثان والشاعر // توفيق عبدالله | توفيق عبدالله | حريب بيحان الشعر والموروث الشعبي | 5 | 09-13-2012 06:40 PM |
المساجله الثانيه بين الشاعر وليد لن عبثان والشاعر توفيق عبدالله | توفيق عبدالله | حريب بيحان الشعر والموروث الشعبي | 11 | 09-04-2012 09:36 AM |
نص البدع الذي بيني وبين الشاعر وليد بن عبثان لسودي | توفيق عبدالله | حريب بيحان الشعر والموروث الشعبي | 11 | 06-17-2012 06:03 AM |