|
ديوان الشاعر ضيدان بن قضعان [ALIGN=CENTER][TABLETEXT="width:70%;background-image:url('http://www.hreeb-bihan.com/vb/backgrounds/20.gif');border:10px double purple;"][CELL="filter:;"][ALIGN=center] . [/ALIGN][/CELL][/TABLETEXT][/ALIGN]http://www.anhaar.com/arabic/thumbna...article_medium شاعر السهل الممتنع وأحد عمالقة الساحه الشعريه ,فرض نفسه بشعره وأسلوبه ولقاءاته المتميزه بالطرافه, كوّن مدرسه بإسمه (المدرسه القضعانيه) , وتبعه الكثير من الشعراء.. البطاقة الشخصية : ضيدان بن منصور بن ملهي بن قضعان ال عرجا العجمي اليامي بداياته في شعر القلطه كان عمره حينها مابين 13 و 14 وكانت في عرس بندر بن عجمي سنة 1986 م .احيا العديد من الامسيات والمهرجانات الشعرية في دول الخيلج. |
فمان الله [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:10px double green;"][cell="filter:;"][align=center] فمان الله ياول من سكن بين الضلوع العوج [/align][/cell][/tabletext][/align]عسى دربك سفير وعسى الله مايخلني توكل لاتوادع عسى درب الجفأ المسهوج يصادف درب فرقى عقب هامة تلمحك عيني سمحت من الهوى ومن القصيد ومن زراق الموج رميت اغلا مجاديف الغرام وجيت بإيدني ابغرق في عذابك لارحلت يصبح المنتوج قصيد في حياتي سلوتي وإن مت يرثيني وإذا هبن بنات الريح للذكرى بدون سروج ابسرج مهرةالنسيان وابرحل من عنوايني وابنسى الين اسج وابرسل الونات فوجوفوج وابنسى دمع عيني الي ينتثر وانساك من حيني صبور ايه والله اني ماثنيت العزم قبل ادوج برضاني الجفا ورمال وصلك لين تسقيني شجاع ايه والله اني ماعرفت الذل قبل اسوج قدم رجلي على درب لبيت اهلك يدوديني كريم ايه والله اني ماعرفت الشح قبل تروج دموعي في عيوني ثم اشح بحسرتي فيني احبك حسبي الله ليت مالك في سمائي بروج ولالك في البسيطه كود شئ بينك وبيني دخيلك لاتفلت رح بفالك واترك المرجوج ترى انا مابقى لك الا انا ماعاد يمديني فمان الله سق ركبك على درب السنين العوج لكن طالبك بيت عمي لا تخليه |
ياوجـــــــودي [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:10px double indigo;"][cell="filter:;"][align=center] يا وجودي كل ما هـبّ نسنـاس الشمـال [/align][/cell][/tabletext][/align]وجد من حدّه زمانه على اللـي مـا يبيـه و يا وجودي كلما اضحيت ثم مال الظـلال لا غفت عيني و لا ذقـت شـي ٍ مشتهيـه وجد من قفّى و هْو في رجا كلمـة تعـال و إلتفت من عقب ماْ اقفى ولا أحد ٍ لدّ فيه و يا عذابي لا دنا الليل من روس الجبـال وانتهى يوم ٍ من العمر مـا عـاد أرتجيـه و انتي أبعد من سما الحلم و وصالك محال يا بعد من هلّ دمعي ضحى الفرقـا عليـه يا غناتي لا تحسبيـن دمعـي يـوم سـال ضعف و لاّ خوف و لاّ كـذا و لاّ كذيـه و الله إني من رجـال ٍ يضـدّون الرجـال لكن الحظ ّالردي ساق دمعـي كـل أبيـه و الله إنـي كلمـا دار حوليـك الـجـدال قمت كنّ الموت يشّر علـى قبـرى بديـه و الله ان قد لي و انا اصّد لاجالك مجـال صدّة اللي لا تضايـق تذكّـر قبـر أخيـه و من سألني قلت مدري و إذا عاد السؤال قلت له تكفى سؤالك ترى ما هـو وجيـه وش تبيني اقول عن من ترى ذبحي حلال ؟ و الخطا منها عليّ صرت أحبه و أهتويـه عذرها لو ماْ تْعذّر مثل و اضـرب مثـال واحد ٍ ما يعرف الحـرّ الاشقـر يشتويـه وان رجعـنـا للتواصـيـف لله الكـمـال لاْ انتهـى ليـل المزاييـن جاتـك تبتديـه كنّها غفـل ٍ مـع البـدو طاويهـا الحيـال ما يميّـز وصفهـا إلا نبيـه ٍ مـن نبيـه وآ هني اللي وصلها و ذاق مـن الـزلال شربة مع غفلـة النـاس مـن فيهـا لفيـه ياْ اول أحلام الطفوله علـى حـد ّالخيـال الرجى باللي حمى البيت من حملـة بريـه حال دونك سيف عنتر و تاسع حول حـال باْثر حول ٍ حال دونك و انا ادعى هيه هيه هيه ياللي غرّك الحسن و اطغاك الجمـال و الله أني اموت ما شفت لأوصافك شبيـه لو يسام الحسن و التيـه بجنيـه و ريـال ما بقى في سوق غيرك ريـال و لا جنيـه كيف أهدّك للمقادير و انتـي راس مـال؟ راس مال و مال و المال ماْ يعطى السفيـه حافظك حفظي لعيني و رمشي لك جـلال و انتي تْشحّين بالمـا و انـا شفّـي مويـه شايف ٍ ظلمك و ساكت و طال الليل طـال لا نويتي طعن قلبي و انا مـا قلـت ليـه لو بقى للهيل صبر ٍ علـى فـوح الـدلال ما بقـى للهيـل صبـرٍ علىشـي ٍ يجيـه و انتي تْسوقين عقلي علـى حـدّ الهبـال تحسبين ان من بغى شـي يقـدر يشتريـه و لاّ انا يا وجد حالي وجـود ٍ مـا يقـال وجد من ضحّى بغاليـه لْرضـا و الديـه و يا وجودي بأول العمر قبل ألبس عقـال وجد من باع آخر العمر في رغبـة ذويـه و يا وجودي كل ما هبّ صوتك من شمال وجد من حدّه زمانه على اللـي مـا يبيـه |
ياصــغير [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:9px double indigo;"][cell="filter:;"][align=center] يـا صغيّـر لا تضيعنـي بنظـرات البـراءه [/align][/cell][/tabletext][/align]وانت ما تعرف مدى تأثيـر نظراتـك بحالـي آه يالبيه .. يا بشويـش .. يـا هـدّ الإضـاءه للجفول اللي .. من جفالـه يجفّلنـي ظلالـي فز .. باسم الله عليك .. من المبـرّة للإسـاءة وارقد آمن في عيوني .. واسهر آمن في خيالي يا صغيّر .. والذكي .. مثلي .. ليا خانه ذكاءه مالـه إلا يعشقـك ويصيـر لعيونـك شمالـي قم فديتك وانت حر .. من الف باءه .. لين ياءه ما عطاك الا الله .. اسرف واستبيح ولا تبالـي سو ما يرضي غرورك .. وإدّ ما تهـوى أداءه الحشا لك بيت حاتم .. وانت غالي عند غالـي قم تمخطر في الحشا .. وانسى الكتابة والقراءة وحل واجب شاعرٍ مـا حلتـه سـود الليالـي وعلّمه وشلون تتعـدي علـى خـط استـواءه وعلّمه وشلون كيف .. وهل يضيعون الرجالي وكيف يجني خلف سور الجامعة .. ذنب الكفاءة ساعةٍ نادى ابليس وقال لـه : مالـك ومالـي وأنا يشفع لك صغر سنـك ونظـرات البـراءة بري حالي .. كل مالديت يمـي بـري حالـي |
ياعــظيمه [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:10px double indigo;"][cell="filter:;"][align=center] يا عظيمه كل شيٍ لـه حـدود ولـه نهايـه [/align][/cell][/tabletext][/align]لكن انتي ماوقفتـي عنـد حـدّك ياعظيمـه استلذّيـتـي بطعنـاتـي واخذتيهاهـوايـه كن ما لك حربـةٍ توجـع وطعنـاتٍ أليمـه آه ليتـك مـا تماديتـي بطعنـات البـدايـه لين صار لكل طعنه فالحشا معنـى وقيمـه الله يبيحك ولكن كيف فـي أغـرب روايـه تكتبين الحب كذبـه والهـوى دقّـه قديمـه وانتي اللي كل ما لـدّت عيونـك فالمرايـه ما لمحتي الا اليتيم اللي خذت قلبـه يتيمـه واليتيمه فاليتامـى مالهـا حـق الوصايـه الوصيّه عودها الغـض ونوايـاه السليمـه لكن انتي صار لك حق الوصايـه والولايـه واستبدّيتي وشدّوا البدو واضحيتـي مقيمـه ما رحلتي لين حطّمتـي بمـا فيـه الكفايـه عاقلٍ حب الجنون وصوت نارك في مشيمه استبحتي حرمة المجنون بـادراك وعنايـه والتفتّي له بعقلك وارتكزتي فـي صميمـه امتلكتي غايته لو كـان مالـه فيـك غايـه وانتصرتي في عيونه واعترف لك بالهزيمه من كثر ما يعشقك ماقال لك بالحـب رايـه خايف الأيـام لا تطلـع عواقبهـا وخيمـه في طريقك كل ماكنّه لمـس درب الهدايـه تـاه ودروب الحيـاة المستقيمـه مستقيمـه تايهٍ بصري ومـن جابـه لبيـت الله تايـه عذر من غمّض بعين وعينه الأخرى كريمه فدوتك مافات من ليّام واللـي عـاد جايـه يا بعد عمرٍ مخاسيره معـك عنـدي غنيمـه أنتي الفارع بقـد وجـد واسمـاء وكنايـه من عشق مثلك يجوز من الهوى وشداد ريمه ليه لا وانتي بحسنك في ذوات الحسن آيـه لا ذهب لا ماس لا ياقوت لا احجارٍ كريمه شاعرٍ له مع هل الرايات فالمرقـاب رايـه كل ماهبّت هبوبـك فلّهـا قـدر وحشيمـه سامحك من ألف باء الذنب الى مالا نهايـه واستباحك عن خطاه وكـل طـقٍ بتعليمـه يوم قلتي أعطنـي حرّيتـي أطلـق يدايـه ما ذخر عن وجهك الا طعنتينٍ في صميمـه |
الهـــــــنوف [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:10px double indigo;"][cell="filter:;"][align=center] الهنوف اللي سرت من نجد وامست فالحويه [/align][/cell][/tabletext][/align]ضيقت صدر الرياض وسافر الطايف وجاها وانتني غيم الحجاز لخـد نجـد النرجسيـه يوم جاته من زعلها كنها تقصـر خطاهـا زعلوها وارحلت واخلت قصـور الفاخريـه وألقتني شرهت الزعلان واخطاني رضاهـا سافرت والله ما اخبر اللي يزعلهـا عليـه واستباحت لله الخيره سهر عينـي وماهـا ليتها يوم استباحت دمعـة العيـن الشقيـه ما استباحت دم قلبي من خلاها في خلاهـا سامح الله ظلمها وطعونها الخضـر النديـه والله يسامح خناجرها ويعفو عـن خطاهـا عرضتني للهبايـب والضمـى والمهمهيـه واتركتني للزعل والشوق والكبر وغلاهـا والغلا ماهو في يديها ولا هـو فـي يديـه الغلا شيءً من الله واشهد ان الله عطاهـا من غلاها لو توردني على حوض المنيـه كنها تسقيني الشهد المصفى مـن شفاهـا ومن حلاها ما توصفها الحروف الابجديـه كيف توصف وردةً يبري من العله شذاهـا الورود تغـار منهـا مزهريـه مزهريـه وان تباهت عذرها معها يحق ألهـا تباهـا ما يشابههـا شبيـه ولا يحاليهـا حليـه جل ربً يوم صورها فرقهـا عـن سوهـا لأقبلت هيجنت وان اقفت جذبت السامريـه وعذابي وان عطتنـي وجههـا والا قفاهـا ان بدالي وجهها يسعـد صبـاح اليوسفيـه وان غشتني نفحة من ليلها يسعد مساهـا درة بالموت محروسـه وبالبحـر محميـه البحر من دونها والموت الاحمر من وراها دونها ما اغليت وسم اهلي ولا شداد المطيه مرخصً فالقاع عمري والثريا في سماهـا لايمي يبلى بحب الحضـر فعيـون بدويـه في ضروفً ما يقارن مستـواه بمستواهـا الله اقوى يافقير القلب ابـو نفـسً غنيـه مالك الا الصبر والجنه لقاها مـن لقاهـا والهوى اللي يطرح الرجال في يدين اجنبيه علةً بالجـوف لا تبـرا ولا يلقـى ادواهـا والهنوف اللي لرد الثـار تاخذهـا الحميـه شفتها بالعين في قلبي وهي تاخذ قضاهـا وشفتها تشتاق تطعني بـلا ذنـب وخطيـه كثر ما تشتاق لاعماقي وانا اشتاق لدفاهـا كل ما عرقت بمسمهـا تحريـت الخويـه والحقت بالميسم الميسم كذا علـى عماهـا عاقبتني كـل يـومً تلحـق الكيـه بكيـه واتعبتني وادركتني والحقت نفسـي مداهـا وان تمادت جهزوا قبري وانا ابكتب وصيـه بكتب الله لا يعاقبها ويرضـى لـي علاهـا العمـار تلفـه الايـام والدنـيـا مـديـه والسنين تلفني والنار تحرق مـن وطاهـا علموها تلحق الباقي مدام الشمـس حيـه واتغانم ما بقى منـي ومـا تطلـب فداهـا لا تمادى في جفاهـا والريـاح الموسميـه ما تقدر وقفة الاشجـار وتثمـن عطاهـا علموها ما بقى لي غيـر ادن الهاشميـه كان ترضاها علي والا تهون مـن جفاهـا وانصحوها لا تحمل نفسهـا نفـسً بريـه وذكروهـا بالقبـر لاعلهـا والا عساهـا وعلموهـا علومهـا لا تطـول فالحويـه ديرة ما هي بديرتها لـو اعجبهـا هواهـا |
هــــــــزك الـــشوق [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:10px double indigo;"][cell="filter:;"][align=center] هيه ياللي غرك الليل واغـراك النديـم [/align][/cell][/tabletext][/align]هيه ياللي هزك الشوق والمسرا ضياع وقفي بين الخطأ والسـراط المستقيـم وألعبي بين التراحيب وكفـوف الـوداع سولفي من المشاريه في صوت الحشيم واسكتي مثل الشفايف اليا طاح القنـاع واضحكي مثل النواوير في روضة خريم واغربي مثل المزاجات في غربي الرفاع وابعدي مثل المتاهات في حلـم اليتيـم واقربي بين السوالف وكتفي والـذراع وانظري لي نظرة الشوق للشيء القديم واغرقي بالدمع الازرق مظاليلً وسـاع واصبري مثل المسافات في صبر الحليم واسمعي صوت الهوى يوم فليت الشراع يوم صرتي عود ريحان ورضاي النسيم اصبري يا نجمة الصبح ما للصبـح داع قد طلبت الله وانا بين زمـزم والحطيـم شوفتك يا اغلى ثنية اليا صرتي ربـاع العيون تجوع لك جـوع والله العظيـم والعشاء فعيونك السود وعيوني جيـاع ان عطيتي ما يـرد الكريـم الا الئيـم وان بخلتي قلت تكفين والدنيـا متـاع اقبلي مثل التباشير في وجـه الكريـم وارحلي مثل التعازي على موت الشجاع |
العــــــزيـــزه [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:10px double indigo;"][cell="filter:;"][align=center] بانت نجوم الصبح واللي في عيوني من عصر ماهوب دمـع لاتضايقـت آتنّهـت واسكبـه لاوالله الا حلم شيخٍ عـن طموحـه ماقصـر لو قصرت سود الليالي مـن يمينـه وشنبـه وانـا لـو ماتعلّمـت الهزيـمـه والنـصـر ماكان ذقت من الهوى القتـال مـرّه واعذبـه شاعر وعصري فاتني واعيش في اغرب عصر لاالوقت وقتي والزمن مابينـي وبينـه شبـه لكن هنوفٍ مثلت دور العزيـزه فـي مصـر قدّت قميصى واسرفت في وصلها قبـل انتبـه يوم انتبهت استشهدت ضدي بحـراس وقصـر قلت ارحمي عزيز قـوم ذلّ وارخـى منكبـه ماني نبي الله اقاوم حسن خصـرك لاانهصـر انا بشر..عبدا ضعيـف وكـل بـرقٍ يجذبـه قالت وهي توّي تثنّـى كـن مافيهـا خصـر الشعر ياضيدان ورث جـدود والا موهبـه ؟؟ قلت الشعر سحرٍ يسخَر لي القلوب ويختصـر عمر المسافات الطويلـه والسنيـن المجدبـه والحب شيٍ لو حصرته في ضلوعي ماانحصر يطغى على حدب المعاني لين ابيحـه واكتبـه وان علّمتني الفاتنه وشلون اسير بـلا بصـر علّمتها الفنجـال وشلـون اتحـدى واشربـه وعلَمتها اني كـذا طـال الزمـان والا قصـر وان اعذب الحب اصدقه وان اعذب الشعر اكذبه |
عـــــــــيون البنـــات [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:10px double deeppink;"][cell="filter:;"][align=center] يقول من عدى علـى روس الطـوال النايفـات [/align][/cell][/tabletext][/align]من ضيقةٍ فالصدر كانيهـا وحزتهـا عصيـر يا الله يا أعظم من الأسماء واجل من الصفـات يـا الله يـا الله يـا سميـع ويــا بصـيـر يارب أجرني من عذاب القبر ما بعـد الممـات وأغفر لأبي وأبيه وأخوانه وأجرهم يـا مجيـر يارب أنا عبدٍ خلقته مـن تـراب وطيـب ذات ونفخت فيه الروح وانت اللي على ذلـك قديـر يارب انا ما اخترت اكون الشاعر اللي قاسيـات الطرق يطرقها وتصبح لـه أرق مـن الحريـر أنت الذي خلقت كائـن حـي غيـر الكائنـات الحمد لك والشكـر والمنـه وخيـر الله كثيـر يارب انا عبدك وأشيل مـن الذنـوب الكايـدات مالا تشيـل الأرض والدنيـا رحاهـا مستديـر يارب انا شاعر وأهيم بكل وادي مـن شتـات واقول ما لا أفعل وانا مؤمن ولي قلب وضميـر شاعر ويتبعني من الغاويـن كثـر الغاويـات أذنب بهم وإن غرروا بي صرت اقل من الغرير والشعر مثل السيف ابو حدين وعيـون البنـات ياليتها كانت مدى الشاعـر ومرسـاه الأخيـر ما كان جبت العيد والعـذر البنـات المترفـات إلين ما صرت الحكم بيـن المقّـدي والضريـر البارحه هبت علي الريـح مـن كـل الجهـات حتى عرفت إن الليالي غيـر والوقفـات غيـر وقمت التفت للسنين اللي غـدت منـي فـوات وآمنت بان العمر مهما طال في الدنيـا قصيـر كلٍ يموت وينتهي والوقت يمضي هـات هـات ولا عاد يبقى إلا الذكر إن كان شر أو كان خير والشاعر أبقى بعـد موتـه بالعلـوم الطيبـات او عكسها والموت ياخـذ والقصايـد تستخيـر أقرب مثال اللي لهم في البيت سبـع معلقـات راحوا ولا زالت قصايدهم كمـا البـدر المنيـر الأعشى وعمرو وطرفه بن العبد والعبسي ثبات والنابغه وابن ربيعه وابن أبي سلمـى زهيـر والشعر فضّل شاعره على سواه ولـه سمـات فضّل أبو الطيب وهو سقّا وأبو فـراس أميـر والشعر مهما فضّل الشاعـر مقـام ودرجـات مافضّله بالفعل في اليوم العبـوس القمطريـر أقولها وانا اعرف إنهـا مـا تلحفنـي العبـاة اللي طرفها في يدي واكمامهـا فيـد الوزيـر لكن على الله يامتم الصـوم ومقيـم الصـلاة تدفى الكفوف الباردات ويجبر العظـم الكسيـر يا صاحبي يا حظي المكتوب يا أغلى الأمنيـات يا اجمل الصدفات لو ما جات يا السهل العسيـر من صيف عاما ما خذاني عنك بعد ولا سبـات وانت تجاهلني وانا وضعي من اسبابك خطيـر والحب ذنب مـا يكفـرّه التجاهـل والسكـات واجه فديتك واحسم الموقف يصير اللي يصيـر ولا تعلقنـي علـى أمـل نجـومٍ سـاريـات وابقى على قول العرب لو لا الأمل مات الفقيـر يا سيدي يا أغلى السنين الماضيه والمقبـلات يا أعز وأغلى من على الدنيا برجلينـه يسيـر لا تحسب إني جاهلٍ بعض الأمـور الخافيـات اللي تحدك وانت مالك مـن مخاليبـي مطيـر أدري واقـدر واتحمـل واتحاشـى الانـفـلات وإلا تراني في بعض الأحيان ما أطيع الشويـر والصبر مفتاح الفـرج والقـل جـرّاح اللهات وسهيل يبدي في السما ويهيج في الأرض البعير وانا من اللي مجدهم على ظهـور المسرجـات قومٍ ما هي بتشد لا جاها مـن القـوم النذيـر وش عادني حيٍ على شانه ووش لي في الحياة إن كانني لا سرّجتها ما أفرِّق الجمـع الغفيـر لعيون من حبه رسى مرسى الجبال الراسيـات وإليا اصطفق ما كنه إلا الموج في البحر الغزير |
الجــــــــادل [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:10px double indigo;"][cell="filter:;"][align=center] الجادل اللي يمـر القلـب شارعهـا [/align][/cell][/tabletext][/align]بيـن الحنايـا تعـدي ماتطالعنـي تقفي مع الـدم بعروقـي واتابعهـا واحس كنها على نفسـي توزعنـي قامت تبعثر غلا وان جيت ابجمعهـا اضمهـا واتشتـت ليـن تجمعنـي بين الحنايـا تثنّـي فـي مرابعهـا كنها تقـول اتحـدى مـن يطلعنـي دام الحشـا بيتهـا وانـا مدلعهـا وش دخل القلب يزعل يوم توجعني؟ وليا خذا رمشهـا رجـل يطالعهـا لعـل رمـش خذانـي مايرجعنـي عيونة جيـوش والنظـرة طلايعهـا غارت بصدري وجاز لسيفها طعني!! ويوم انكفت لين قلبي من قلايعهـا والصبر عن خافقي ماعاد ينفعنـي مدها لها القلب وعيونـي مراتعهـا اموت فيها وهي للريـح تزرعنـي ريحانتي والغـلا بالقلـب زارعهـا تشرب عروقي وترواني وتشبعنـي كان النحل من رحيق الورد مشبعها انا شموخي من احلا شي جوعنـي وليا تعانق خجلهـا مـع تواضعهـا عانقت ليل على مسـراه شجعنـي وليا تعانق خجلهـا مـع تواضعهـا عانقت ليل على مسـراه شجعنـي لوينسـري ليلهـا سريـت بايعهـا بشر ولا اللة عن الزلـة مرفعنـي واصبحت من عقب ماني ضدها معها ان ضاعت اضيع وان دلت تسنعني!! للجادل اللـي شراينـي شوارعهـا القلب يقتادنـي والنفـس تمنعنـي. |
حــــنا بـــــدو [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:10px groove indigo;"][cell="filter:;"][align=center] ياللي على وجهـي قريتـي كـل صفحـات الشقـى [/align][/cell][/tabletext][/align]اقري وانا بكتب قصيـده واشعـل الساحـه حريـق باقي كثر مـاراح واللـي راح نصـف اللـي بقـى وان ماوصلتْ لغايتي بمـوت فـي نصـف الطريـق يابنت يوم امطر غلاك فـي قلـب ضيـدان وسقـى تدرين وش سبـة شقاهـا وسبـة الجـرح العميـق شقاها مـن يمنـاه واسـم الشيـخ والنفـس امحقـى والجرح منك يا أعـذب العذبـات يالمـوت الرقيـق يابنـت مـادام البـدو تخلـف هقـاوي مـن هقـى وانا بدوي متنـي يشيـل مـن الزمـن مـالا يطيـق ابى افتخر حنـا بـدو نعشـق علـى وضـح النقـى حنـا بـدو فينـا الولـد للقمـه العلـيـا عشـيـق حنـا بـدو فينـا الولـد لـو شـاف موتـه مااتقـى حنـا بـدو فينـا الولـد يرقـى ولومالـه رفـيـق حنـا بـدو فينـا الولـد لامـن رقـى رقـى رقـى الين يوصل غايتـه لـو كانـت فـي قمـة طويـق يابنـت جيتـك والثمـن عمـري ابـي ليلـة لقـى يامّـا كـذا ولا بـلاش مـن الصداقـه والصـديـق وساعة تبسمتـي وشفـت الجمـر والثلـج اصدقـى قلت ان شهد ان الموت حق وصحت لك صيحه غريق واعتقت دمعي والزعل والحـزن لرضـاك اعتقـى وقفـه عيونـي فـي عيونـك ياعسـاهـا ماتفـيـق وآمنت باللـي سخـرك تقريـن صفحـات الشقـى واشعلت بردي في دفـاك وشبـت الساحـه حريـق |
انعست عين الغلا [ALIGN=CENTER][TABLETEXT="width:70%;background-image:url('http://www.hreeb-bihan.com/vb/backgrounds/20.gif');border:10px double purple;"][CELL="filter:;"][ALIGN=center] انعسـت عيـن الغـلا والهـوى iiهـدا [/ALIGN][/CELL][/TABLETEXT][/ALIGN]خانـت الايـام والمـلـح iiوالعـشـره وابتديـت تشـوف نفـسـك وتتـحـدا وأنـت ماكنـت تتغـلـى ولا iiتـشـره كنت مجروحـي وصـرت الـدوا iiوالـدا كنـت آآه صـرت آآهــات منتـشـره غلطـة اللـي بالمحـبـه أخــذ iiوأدا واعترف لك بالغـلا وابصمـت iiعشـره الهـوى جـاب الـغـلا والـهـوى iiودا وأنت وجروح الزمـن بالحشـا iiخشـره يابعـد مـن مابعـد جـا ومـن iiهـدا ويابعد من ساج روض الحشـا iiنشـره يـوم صـار الحـب جزيـه ولـك iiتـدا والقصيـد اسهـل مـن كتابتـه iiنشـره خـذ قصيـدي ياشـذا الـورد iiلانــدا وأنتبه لـي واستمـع موجـز iiالنشـره والله أنــك بالـغـلا فــارق iiجــدا مثل فـرق الابتسامـه عـن iiالكشـره |
الجمـــــــس [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:10px double indigo;"][cell="filter:;"][align=center] راكب اللي ما تجيبه وكالة بالبيد [/align][/cell][/tabletext][/align]ولا يجيبه بهبهاني ولا وضيحي قطر ادهمٍ وسم الجميح على جنبه جديد مهبل اللي يوم عرض يحسبنه شفر جمس شكمانين ملقبينه بالوليد من سرابه ما يغبط القصيبي والجبر كاتبينٍ في ضمانه حديده ما يبيد تمرةٍ قاري عليها حفيد ابو بكر كن وجهه لا نطحته تشعشع صبح عيد وان قفيته كنه السيل لا سال وحدر وان عرضلك في مزاياه من عنق الفريد وان ركبته تحسبنك على سطح القمر دقته نغمة عبادي على سلم فريد لا عزف الاول وجاوب على عاشر وتر لا شتغل قالت شكامينه اركد ياحديد والقزوز تقول للقاع روح يا فقر كن في الشكمان الايمن صدى عبد المجيد وكن في الشكمان الايسر صدى نايف صقر والبلوف تقول للكهربه هل من مزيد والسيور تقول للمروحه اين المفر تحت كبوته من الفن طيران وعبيد ما يغنون المسافه ولا طال السفر كل اغانيهم على الدرب واصل ياعنيد لين تلفي قصر شيخ على العليا شهر سايقه من صلب ربعي وله باس شديد ما يخاف البعد والليل والموت الحمر من صناديد ال عرجاء هل العلم الوكيد لابةٍ من جن تمشي على هيئة بشر |
احبك حسبي الله ليت مالك في سمائي بروج ولالك في البسيطه كود شئ بينك وبيني دخيلك لاتفلت رح بفالك واترك المرجوج ترى انا مابقى لك الا انا ماعاد يمديني صدى يعطيك الف عافيه |
الأبراج [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:10px double indigo;"][cell="filter:;"][align=center] الدلو والميـزان والقـوس والحـوت ماغير برج العـاج تغـري وصوفـه وبرج بقلبـي بـرج لولـو وياقـوت لا يـا بعـد بـرج الحمـام ورفوفـه ما يسكنه غيرك من السيـف للكـوت لو ينتحي راس الولـد عـن كتوفـه علـم وكيـد بالمواثـيـق مثـبـوت ما هـو عـذر اللـي يفـرك كفوفـه والله لا سافر لك لـو ارجـع بتابـوت وانا من اللي ما ربـوا فـي مروفـه على الشقا لاع الهـوى كـل شفلـوت وانتـي تلوعيـن الحشـا بالطروفـه والوقـت للجاحـظ والايـام هـاروت والقلب حاتم وانتـي اغلـى ضيوفـه يا مرحبا ترحيبـة عقـاب يـا نـوت والحـي يلحـق لـو تحـده ظروفـه صوتك يكفيني عن الشـرب والقـوت وشوفـك غناتـي والحيـاه مخلوفـه يااقوى من اللوعات واسخف من التوت وابلغ مـن البيـت الاخيـر وحروفـه رجـل تنادينـه ولا يسمـع الصـوت خسـارة سمعـه وصوتـه وشـوفـه ورجل يضمك بيـن اياديـه ويمـوت والله مـا يلحـق حياتـه حسـوفـه |
صفحات الشقاء [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:10px double indigo;"][cell="filter:;"][align=center] يلي على وجهي قريتي كل صفحات الشقى [/align][/cell][/tabletext][/align]اقري وأنا باكتب قصيدة واشعل الساحة حريق باقي كثر ما راح واللي راح نصف اللي بقى وان ماوصلت لغايتي باموت في نصف الطريق يابنت يوم امطر غلاك بقلب ضيدان وسقى تدرين وش سبة شقاه وسبة الجرح العميق ؟ شقاه من يمناه واسم الشيخ والنفس امحقى والجرح منك ياأعذب العذبات يالموت الرقيق يا بنت ما دام البدو تخلف هقاوي من هقى وانا بدوي مني يشيل من الزمن ما لا يطيق ابفتخر حنا بدو نعشق على وضح النقا حنا بدو فينا الولد للقمة العليا عشيق حنا بدو فينا الولد لو شاف موته ماأتقى حنا بدو فينا الولد يرقا ولو ماله رفيق حنا بدو فينا الولد لا من رقا رقا رقا الين يوصل غايته لو كان في قمة طويق يابنت جيتك والثمن عمري ابي ليلةٍ لقا يما كذا والا بلاش من الصداقة والصديق وساعة تبسمتي وشفت الجمر والثلج اصدقا قلت أشهد أن الموت حق وصحت لك صيحة غريق واعتقت دمعي والزعل والحزن لرضاك أعتقا وأغفت عيوني في عيونك ياعساها ما تفيق وامنت باللي سخرك تقرين صفحات الشقا واشعلت بردي في دفاك وشبت الساحة حريق |
يا بحر جده [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:10px double purple;"][cell="filter:;"][align=center] حزين والله اني حزين وخاطري مكسور لو اضحك واتظاهر بالسعاده يابحر جده وانا يا بحر يوم اصد واخفى دمعتي معذور لك الله يابحر صدت والصده هي الصده اخاف تقول عني يابحر ضيدان بن منصور في يوم من الايام ودموعه على خده وانا مابن حي الله بشر يكشف لك المستور انا رجل يموت ولادرت الامواج عن سده و لاقاف ماقف ماهوب قدي لاطغى المغرور انا قد الكلام وماقفي قدي وانا قده و اباقف وابتسم لواني حزين وخاطري مكسور الين الله يفرجها علينا يابحر جده |
نجد [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:10px double indigo;"][cell="filter:;"][align=center] ذعذعي يا***** نجد لاطاب نوم السالي [/align][/cell][/tabletext][/align]وانعشيني بريح من ربى نجد للشرقيه رحمة الله نسناسك على غترتي وعقالي كأنه الوصل والبيد شهباء والدير محميه مرحبا يا***** ياهلا وانخطر في بالي صاحب ٍ مانساني مرحبا بابه على طاريه يحسبني نسيته وانجلى همي وغربالي واثرني مانسيت الي سبأ بالهوى عانيه وكل ماهب نسناس الغلا من ديار الغالي هب في القلب من ريح الصبا عبرة نجديه وانجحدت الدموع من الملأ آه وعزالي وان غشتني دموعي نعنب الحب والحنيه والله اني صبور والبلاء ياصرايم حالي لاتذكرت دمع ماغبا لو جحدت راعيه واحدماجحد حبه ولا شمت العذالي جاهر بالغلا حلوالنبأ من صفاة النيه كان ماله سوى تاج الحلا واسم جد وخالي وصار بلقيس وفي وادي سبأ والحشى واديه وله جموع تنادي بالولاء من تخدته والي وله خفوق حماه من الظماء واحرمه وسميه ولي عيون تحدى وتخلى من كراه حالي كأنه تقول للنوم تهبا منت كفؤ ليه غلق الصبر والصدر امتلاء بالغلا وامالي شتتها رياح الاقرباء والسنين معيه علتي علتي والمبتلاء لاجفاه البالي ماله الا حصانه لو كباه في نهار الحيّه سامح الله خبلي لو سلا عن ربيع وصالي وسامح الله قلبي يوم اباء يندفن في حيه ووسامح الله هبوب بالغلا من ديار الغالي ذعذعت لين ذعذعت الصبا عبرة نجديه |
يامرحبـا ترحيبـة كلـهـا لــش [align=center][tabletext="width:70%;background-image:url('http://www.hreeb-bihan.com/vb/backgrounds/20.gif');border:10px double indigo;"][cell="filter:;"][align=center] يامرحبـا ترحيبـة كلـهـا لــش [/align][/cell][/tabletext][/align]تكسيش من راسش الى حد ماطـاش من قلـب مهيـوم بحبـه صفالـش يلعب به الغربـي لسمـع طريـاش يفـرح لمـن قالـش كيـف حالـش لولا غلاش وحشمتش كان ما جـاش وانقلتي انه غايتـش شـف بالـش كن ملك يعرب من الطـاش لطـاش يابرحالـي ويـن مالـي ومـالـش لا والله الا لي ولـش نعنبـا الـلاش من هامتي لمحزمـي لـش حلالـش بيتش فدييتش واسكني باوسط الجاش ثم ابتلش بـي وانـا فـي شبالـش غديت كني من شـرا علتـه كـاش انا في وجه امش وابيش وخوالـش |
| جميع الأوقات GMT +3. الساعة الآن 05:12 PM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.