|
[align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] (سوار الذهب) [/align][/cell][/tabletext][/align]يالفارس اللي ترجّلت و حضنك الهدب يا ليتك أبطيت و الدنيا عليها السلام يوم اعتنق معصم الأمه سوار الذهب طاب التلاقي و لا أحلى منه غير الخصام ثرت و بدل ما يسيل الدم لين الركب اوميت بالغصن حتى جاك سرب الحمام همنا بموّالك اللي مثل صوت القصب يا عاجل البر و الخيره و مسك الختام الله على فعلك أثره مثل حد الحدب و الله على الكرسي أثره مثل بنت الحرام أحدٍ على أخوه و أحدٍ ضد أبوه انقلب ترسم و تحسم خرايط تحت جنح الظلام و أحدٍ رهين اتجاه الريح مع من غلب و أحدٍ على طول خلف خلاف .. ليته عدام ما يعجبه لا العجب و لا الصيام برجب كان أسفل السافلين و فجأه أعلى السنام و اللي انولد وسط فمّه ملعقة من ذهب الرّب ساتر عيوبه من سنين الفطام بس انت غير و فعولك غير .. ياللعجب من يأسنا في الحلال نظن فعلك حرام خطابة العرش مرّوا في زحام و صخب يا أشد أهمية من أهل الصخب و الزحام يا أكبر فخامة و أقوّ عزوم و أعلى رتب و أطلق زعامة و أعز جنودوأطهر نظام لا فاخروا بالدراهم و الحسب و النسب فاخر بشيٍ عجز عنه الملوك العظام معاويه و انت عيدين بحياة العرب و احنا جسد و انتم الاثنين تاج و وسام قالوا زمام أمة محمد عساه انقضب قلت الله يخلي خشوم النسا للزمام في شرقنا تنقص الثورة و حجم الغضب و يزيد رقم النصايب جنب رقم الخيام فخامة الرّيس أعيانا الرجا و التعب حتى أصغر أحلامنا ماهي على ما يرام فخامة الرّيس آخر شي عندي طلب تسمع من اللي فتح لك قلبه آخر كلام لو فيه عشرين حاكم من سوار الذهب ما كان قلنا عروبتنا عليها السلام |
[align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] (المقابر) [/align][/cell][/tabletext][/align]المقابر في مكانٍ تفاخر فيه روس النصايب و امتلت من عظام الناس فاضي قبوره كل شيٍ يتراجف فيه حتى الهبايب و الذهايب توارى و النصايب فخوره وقّفت بي قدم رجلي و كلّي عجايب و البكا حولي اسمع له تمّرد و ثوره لين جاء و أخجل عيونٍ تودّع حبايب مؤمنٍ جفّف الدمع بحديثٍ و سوره عن يميني بيوت السابقين الذهايب و عن يساري بيوت اللاحقين محفوره أسمع أصغر ذنوبي كنّه يصيح تايب و القدم ما نشدت بموقفه عن شعوره اذكر انه تشرّه لحظة و كان هايب قلت خلّ الطواري ما طلبتك مشوره دامها جت من الله مرحباً بالمصايب لو ثقل حمل نفس المسلم اللي صبوره جيت أشيل الجروح المشرقات العطايب طيّب الله ثرى اللي فارق العين نوره ما ركزت النصيبه و اعتلت راس شايب كود أبا أدل ذاك القبر لا جيت أزوره علّ ما تبخل بماها عليه السحايب كودها تستر أطراف النصيبه زهوره كلّ حزنٍ ملا الدنيا على القلب ذايب و انقلي يالجروح الحمل لو زاد جوره كنت أعزّي مجاريحٍ بعاد و قرايب و أترك الخاطر لعيني تجبّر كسوره تغرف الحزن و تصب العباير صبايب و إن خلص دمعها لعيون أبوي معذوره شايلٍ صورته في البال لو كان غايب ليته اللي يشيل لشخصي اليوم صوره كان لي ظنّ بصغري و لا هوب صايب أحسب إن القبور من الحياة مهجوره علّ قبره نعيم و صالحاته سبايب هي عزاي بوداع مودّعٍ جاه دوره |
[align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] (إبن باز) [/align][/cell][/tabletext][/align]الموادَع به من الحنظل و لون الشامه و ارتحالات الزفير و ذاريات الكنّه و الليالي كسب و آخرة المكاسب خامه و البنادم بين ضحك و بين دمع و ونّه كيف نبكي لا فقدنا شيخنا العلاّمه كيف نزعل و الصواب اللي فجعنا سنّه الكفيف المبصر الشامخ قصير القامه بشّروا به سندس الفردوس و أهل الجنّه عالمٍ يا كثر ما أبحر لأمته و أيامه و أمته به كانت لباب السما ممتنّه حالمٍ ما كانت لنفسه جميع أحلامه وش خذا منّا .. و حنّا وش خذينا منّه كم عنى للتايه اللي ما اهتدى لإسلامه كم ترك بالخلف قنطار الذهب له رنّه كم جلس يقرا نفوس العالم اللوامّه كم وقف للمستغيث اللي كبر به ظنّه مرّةٍ شفته و شفت قلوبنا قدّامه كل ما افتى عوّد الجني لماكر جنّه ما حلا حتى اعتدال الشيخ في هندامه يوم يقبل .. عطر يجهر به و عطر يكنّه زعفرانٍ باذخٍ في مشلحٍ و عمامه كنّه أطهر صبح و إلا ما أعرف وش كنّه ؟ الموادع شين .. و الشامخ قصير القامه بشّروه بعشرةٍ قد بشّروا بالجنّه |
[align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] (شمر) [/align][/cell][/tabletext][/align]الشمس غابت و كلٍ دوّر سراجه و الشوق جمّر .. ما أحّر الشوق لا جمّر دام اتجاهك شمال مودعك حاجه سلّم على حايل و سلّم على شمّر قدّامك الخافق اللي ينشد علاجه كنّه معلّق على برزان و مسمّر و انت تعرف يا بعد حيّي من تواجه بيضان الأفعال لا من الزمن سمّر إن ضاقوا أعنف من البحر و من أمواجه و إن راقوا أركد من الخرمان لا عمّر كم صيت بيتٍ عتق في الباب مزلاجه و كم شيخ امارة قبل تعيينه مومّر و كم حاتميٍّ تكفّي فلّة حجاجه وشلون للضيف لو عن ساعده شمّر و إن مرّ تاريخهم متلبّسٍ تاجه كم عاشقٍ كيّف و كم حاسدٍ زمّر في جوٍ أغلى على الرجلي الى داجه من ديرة السادس و من ديرة معمّر كنّه الى أهدى له البرّاق ثجّاجه طلّة غريرٍ ضحك و من الخجل حمّر توارثوا حرثه و تمتير ديباجه ركّابة الجيب من ركّابة الضمّر الودّ لا غرس بدري صعب مخراجه و الله و لا ألذّ و أحلى منه لا ثمّر أدخل على اللي تطوف البيت حجاجه من ناقصٍ عند مدح الغير يتذمّر و المدح لو كان في الرديان للصاجه و يقال عمّر بلد بالعون ما عمّر و الذم لو زاد في الطيّب تولاجه لا أحرق و لا أغرق و لا عمّر و لا دمّر |
[align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] (آخر زمن) [/align][/cell][/tabletext][/align]السوالف يا جنيني طاولنّي و العرب تالي نسوا حسن الضيافه و الخوارج من تدنّي في تدنّي و البلد مليان تهريج و طرافه و الحياة أكبر من اللي مسّ ظنّي و أوسع من أحلام الأنذال التوافه و القصايد صنعتني و الفن فنّي و القوافل ما تحسب إلا المسافه ليه أعبّر غادياتٍ عارضنّي و صكّ شحاذٍ على باب الصحافه ما خذيتك يا جنيني بالتبنّي و لا غذيتك غير حسٍ له رهافه حط في بالك قبل ما تحتضنّي ما انت باللي ينتهقوى باختطافه لك علي ما دمت منّك و انت منّي ما تمرّك غير الأنسام بلطافه و إن دخل بك في ظلام الليل جنّي لا تخافه لا تخافه لا تخافه كلبّوها سورتين و ترجهنّي يطلع المعتوه و يجيك اعترافه و الله إنّي و و الله إنّي و و الله إنّي من رجالٍ في ملاقاهم حسافه حقّهم ما ياصله راع التمنّي و انتصافتهم ماهيب أي انتصافه أتفيّا في ظلال الغصن كنّي شايبٍ رحّال شاف اللي يعافه قلت خلّوني على ليلاي أغنّي و أزعجوا موالّي دعاة السخافه عصبة الخنّاس عشّاق التجنّي ملحقين أعمارهم ذل و كلافه وش يبون الخاربين بقلع سنّي آفةٍ لا بارك الله بأيّة آفه لا سلام .. و كل نذل يحلّ عنّي ما بعد ملّت يديّ من النظافه و السفيه اللي من العام متعنّي ما ترك حتى النعامه و الزرافه إن مدح و إن سبّ و الله ما شحنّي اعتبرته تافه و ستين تافه و القصايد صنعتني و الفن فنّي و البلد مليان تهريج و طرافه |
[align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] (تهليله وتكبيره) [/align][/cell][/tabletext][/align]تطمّن يا قصيدي مالك إلا العزّ و النوماس من أيام النّبي و الشّر ما تسكت مزاميره تجمّلني مثل صفرا الى لزّت تجيب الكاس و أنا لك وجه عزٍّ طبّق العزّ بحذافيره لك الله لا جروحٍ تنزف و لا خاطرٍ منحاس هذولا ما لهم غير الشتيمة في البلد سيره هذولا مجدهم زايف .. هذولا عرقهم دسّاس هذولا حوّلوا ضحكة بياض الطرس تكشيره هذولا لو أقول إن البحور تكذّب الغطّاس عطى كلٍ شعيب و ضاق جوّه .. يالله الخيره سماسرةٍ على روس ألسنتهم فلسفه و إفلاس يا شين المفلس اللي لجّ خلق الله بتنظيره أنا رغم أنفهم راع البياض المرهف الحسّاس و أنا اللي دلّته تسوى لها عشرين تبهيره سقى الله ديرةٍ كانت زمان أقرب من الأنفاس غدت من ديرةٍ بأنفاس لأنفاسٍ بلا ديره سقى الله صرخةٍ غنّت صباح و صحّت لها ناس على فقدان فردوسٍ تغنّينا بأساطيره سقى الله يوم ذبّينا مراقيبٍ ورا مكناس وقف سلمان بن عبد العزيز و لا وقف غيره و رحت أصدح بصوتي و الزمن خلفي يدّق أجراس و أفضفض للتراب اللي يفضفض لي بأساريره و أطوّل قامتي و أوقّف التاريخ راس براس و أقول إن ماتوا أهل المجد ما ماتوا مداويره عسى الله ما يبارك في القلم لا راود القرطاس و هو في داخله حقدٍ دفين و حسدٍ و غيره تعلّق يا قصيدي بالنجوم و شلّة الخنّاس عليها من هل التوحيد (تهليله و تكبيره) و أنا ذاك الخوي قل : (يالله الخير) و لك النوماس و الى خان الخوي بس الخوي قل : (يالله الخيره) |
[align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove purple;"][cell="filter:;"][align=center] (عروس) [/align][/cell][/tabletext][/align]خويّة درب عمري ما خذاني دونها النسيان و أنا يا أهل الملامه ما رغبت العيش وحداني أبي لي مهرةٍ ما عسفت صغيره و بنت حصان أبوها اللي يفّك المشكلة و يزبّن الجاني و أخوها لا تعزوى باسمها فزّوا له العربان يحقّ لها الفخر في قولة آل فلان جدّاني أبيها في بحر عشرين لا زودٍ و لا نقصان أبيها أقصر طويلة و الوصوف أشكال و ألواني أبي الجبهه كما الصبح و كما القوس أسود الحجان و أبيها ناعسات و نرجسيّة سود الأعياني أبي رمشٍ كما ريشٍ يغطّي الثلج في الأوجان و أبي جفنٍ يشيل الرمش طربانٍ و كسلاني و أبي خدٍ مثل وردٍ تنمى في طرف بستان و أبي خشمٍ قصير و مثل حدّ السيف شاماني أبي البسمه كما البرق و ثناياها كما المرجان و شفاها جمرتين و فمّها خاتم سليماني أبي شعرٍ كما ذيل الفرس لا طبّت الميدان أو الشلال لا من بات ليله بين الأمتاني أبي جيدٍ سواة ابريق فضه ناتقٍ مليان و صدرٍ كنّه مرايه عليها طلع رمانّي أبي ظهرٍ كما الجدول و قدٍ مثل غصن البان و خصرٍ مثل مجدول العنان و جسم روياني أبيها نابية ردفٍ و بطن ضامرٍ جوعان أبيها مدمجة ساق و قدمها لسان ثعباني أبيها بنت عزٍ من رغدها ينعم الفسقان أبي الرقه و أبي الدقه لها بأطرافها شاني أبي المشيَه كما اللي طالع من المعركه كسبان و أبيها ترش مع خطواتها مسكٍ و ريحاني أبي صوتٍ الى منّي سمعته كنّ فيه ألحان يدغدغ مسمعي و يثير كل السحر فأشجاني أبيها حب و إخلاص و هواجيس و فرح و أحزان أبيها مثل ما دكتور أهالي العشق وصّاني أبيها لوحةٍ ما صوّرتها ريشة الفنان أبيها جوهره ما جابها قاصي و لا داني أبيها تنتصر لي من زمانٍ حطّني نيشان و تبشر بالغلا اللي ما لفا به واحدٍ ثاني مهرها قلبٍ و شعرٍ يهزّ القلب و الوجدان و ألبسّها القصيد و تصبح أوزاني و قيفاني أبي اللي فات و اللي فات صعب و من لقى العنوان يردّ العلم و إلا أفضّل أبقى أعيش وحداني |
[align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] (سالفة بدو) [/align][/cell][/tabletext][/align]طول النهار أضمّد جروح غيري و يصيح جرحي لا ضويت آخر الليل يا ما المسا صبّ السهر في نظيري و خذا معَ لمّة هجوسي تعاليل و خلف العيون اللي تراقب مسيري أحيت مزون العين قاع المناديل النار فيها من مواقد ضميري و الدرب فيه من الرموش المضاليل أشيل حلمٍ حاس كسره مريري كم صكّت اليمنى اختها ترثي الحيل انشبت في بعض المحابيل طيري واطيري اللي عذّبته المحابيل كم صارت العشرة وسيلة عشيري و عدّيت مشواري معه (كذبة إبريل) خلاص دامه ضاق حتى شويري باللي تجبين اسرعي يا مقابيل عرفت كيف أكون بعيون غيري من سالفة بدوٍ على ضوّهم ليل |
[align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] (يابوي) [/align][/cell][/tabletext][/align]يا بوي أنا من ضوّك أشعلت ضوّي و الله ما تفنى و لو كنت فاني شربت علمك في مراحل نموّي حتى قوى عودي و غنّا لساني تذكر ضناك الحالم اللي ينوّي صار أكبر من أيّة نوايا و أماني يا ليت عمرك طوّل و عشت جوّي و تشوف كيف أنجبت لك عمر ثاني عشقٍ على حبل الوريد متلوّي لهواية التحليق وحدي خذاني ما ضقت من باكر و أنا أقول توّي هذا زمان الغير و إلا زماني ودّي تحدّثه النجوم بعلوّي دام الثرى يحلم بحزّة طماني من لا دخل بين الرجال متقوّي ما ظنتي يصهل صهيل الحصاني و اللي على جال الضلوع متطوّي تباشري بمفارقه يالمحاني و الله لأسوّي ثم أسوّي و أسوّي و إلا فلا باسمي فلان الفلاني ماتوا عداي و صار وقتي عدوّي لابو دقايق ساعته و الثواني أنا على ذاك المكان متروّي بس الوعد لا قلت هذا مكاني |
[align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove deeppink;"][cell="filter:;"][align=center] (أغلى العرب) [/align][/cell][/tabletext][/align]وين انت يا أغلى العرب ناوي توّ القمر ما سرى توّه ما شفت يا المترف الراوي وشلون دنياي محلوّه ليلي بدونك وش يساوي جيت و حبيبك صفا جوّه و إن خفت من حاسدٍ غاوي يحرسك مولاك من سوّه كانك على حسرتي قاوي ما للزمن طيب و مروّه اخترتك لدربي مخاوي و ماني موصّيك بالخوّه تجرح يا مملوح و تداوي فديتك اللي تبي سوّه و إن صرت بعدين ما تاوي علّك حبيبي على القوّه |
| جميع الأوقات GMT +3. الساعة الآن 01:10 AM. |
.
new notificatio by 9adq_ala7sas
HêĽм √ 3.1 BY: ! ωαнαм ! © 2010
.