الغز هديه الشعار المنتدى والجميع اعضا المنتدى اتمنا ان تنال اعجابكم

المنتدى , الصغار , العز , اتمنا , اعجابكم , اعضا , ان , تنام , هديه , والجميع

الغز هديه الشعار المنتدى والجميع اعضا المنتدى اتمنا ان تنال اعجابكم

هاذه ابيات فيها لغز هديه من راعي الجربا الى شعار المنتدى واتمنى ان تنال اعجابكم ومن عرف اللغز يرسل واللغز اعتقد حله سهل

عذرا هنوف ٍ ذات خصر ٍ رهيفي &&& والردف ناعم مستدير ٍ ومليان
الصدر ملس ومن قباله نحيفي &&& والعنق زرفا وباقي الجسم عريان
فرعا وكن الخشم حد الرهيفي &&& وكل ٍ يبيها بين بدو ٍ وحضران
تاقف كما حر ٍ براس السنيفي &&& وتقعد على ارض ٍ بين جمر ٍ ونيران
تكرم وتحشم جار وطرقي وضيفي &&& ومن شافها يبرى ولو كان وجعان
من خشمها تقطر بدم ٍ رعيفي &&& تسقيه ورع امبلل الجسم بردان
ابيض ووشمه مثل نقش القطيفي &&& وسط المجالس دايم ٍ عالي الشان
يا كم خلى من قوي ٍ ضعيفي &&& وياكم فك انشاب وانقوع دمان
بحطته تبغى الطريق العفيفي &&& وابرفعته صارت عزازيب عرسان
ستر العذارى وكل رجل ٍ شريفي &&& واغدى لهم عقب ٍ بنات ٍ وورعان

هذا مطلع القصيدة وفيه الحل:

وان كان تبغى يابن الاجواد كيفي &&& دني لي الدله ومن صنع رسلان

[align=center]اعتقد ان الاخ زمان الصمت قد اجاب الاجابه الصحيحه

منتظرين تكمل لنا القصيده يازمان الصمت ويسلم راعي الجربا على اللغز الرائع


تحياتي لكم جميعاً [/align]

صح لسانك يازمان الصمت وابشر ياتوفيق عبدالله بتكملت القصيده

هاذه تكملت القصيده

يا من يبي راسه وجو ٍ مكيفي &&& ارقى على راس المسمى بشفيان
مرقى سقاه الوبل مزن ٍ رجيفي &&& وانشا لسيل ٍ يودع الدو رويان
تسعين يوم ٍ ما حد ٍ قال عيفي &&& وحتى الموارد ما حكت فيه بدوان
الجو زان وما بعد فيه هيفي &&& والبال صافي عن هواجيس واحزان
لا ذعذع الغربي بفيح ٍ لطيفي &&& من فوق زهر ٍ مختلف فيه الالوان
تلقى القطا مع نقع ٍ نظيفي &&& وتلقى الحباري في مشاعيب وديان
الخرب يرعى مومن ٍ ما يخيفي &&& وتلقى ام سالم تنشد الصبح الالحان
والبل تسرح ما عليها تخيفي &&& وان روّحت درّت لذيذات الالبان
وراع الدبش ما عاد قلبه وجيفي &&& ينام ليله ولا خشى الذيب سرحان
وكل ٍ يقول العام هذا مريفي &&& ما صار مثله في قديمات الازمان
البر يفرق في ربيع وخريفي &&& وهاذي ترى الدنيا على كف ميزان
مر ٍ تزين ومر فيها جحيفي &&& والحر يبقى حر لو كان جيعان
وان كان تبغى يابن الاجواد كيفي &&& دني لي الدله ومن صنع رسلان
عذرا هنوف ٍ ذات خصر ٍ رهيفي &&& والردف ناعم مستدير ٍ ومليان
الصدر ملس ومن قباله نحيفي &&& والعنق زرفا وباقي الجسم عريان
فرعا وكن الخشم حد الرهيفي &&& وكل ٍ يبيها بين بدو ٍ وحضران
تاقف كما حر ٍ براس السنيفي &&& وتقعد على ارض ٍ بين جمر ٍ ونيران
تكرم وتحشم جار وطرقي وضيفي &&& ومن شافها يبرى ولو كان وجعان
من خشمها تقطر بدم ٍ رعيفي &&& تسقيه ورع امبلل الجسم بردان
ابيض ووشمه مثل نقش القطيفي &&& وسط المجالس دايم ٍ عالي الشان
يا كم خلى من قوي ٍ ضعيفي &&& وياكم فك انشاب وانقوع دمان
بحطته تبغى الطريق العفيفي &&& وابرفعته صارت عزازيب عرسان
ستر العذارى وكل رجل ٍ شريفي &&& واغدى لهم عقب ٍ بنات ٍ وورعان

[align=center]كفو كفو كفو يا راعي الجربا سلمت ولاهنت يا الغالي بيض الله وجهك

تحياتي وقواك الله [/align]

صح لسانك واعلى شانك

ابيات في منتهى الروعه والبلاغه