عيد اكتوبر وهاجس الشعر

الشعر , اكتوبر , عدد , وهاجس

عيد اكتوبر وهاجس الشعر

جوي معكر وهاجس شعري اتعسر = حالة تعصي غريبه غيـــر معهـــوده

ياهاجسي كيف هل معقول ماتقدر= صــارت امامك دروب الشعر مســـدوده

يا لومتك لتـــوم ذا المــره تبا تعثر = ما با تشارك بفرحة عيد مشهـــــوده

ذكــــــرى عظيمه كذكرى ثورة اكتوبر= لازم تساهم ولــو ببيات محــــدوده

هـــذا هــو العيد فـــي تاريخنا الاكبر= كان التمخض ولستقلال مولــــــوده

انته تساهــم وتحيي ذكريات اصغر= سوف اعتبر حـالة التقصير مقصــوده

وبعد تكرار لومي لــــه قد اتأثر = وقــــــال مــــانا الــــذي يبخل بمجهــوده

مـــــا دمت الحيت با اتكلم وانا مجبر= با اقول لك قول با يؤذيك مــــــردوده

ثوره قضت نحبها ايش عــاد نتذكر= زمان قد موتوها غيـــــــر مــــوجوده

مـــــن يوم مــــاتت ثمنتعشر سنه واكثر= اهدافها كلها ضـــاعت ومفقــوده

والشعب ذي كان في الماضي بها اتحرر= لولا الاباء طالب المستعمر العوده

مــــن بعد مــــا احتلته قوة علي لحمر= حياته اليوم متعــوسه ومنكـــــوده

قــد كــل شي بعد سبعه سبعه ادمــر= في كل جانب وفيه ارقــام مرصــــوده

تــــم الذي لم يكــــن في العقل متصور= البر والبحر ملك اشخاص محـــدوده

والا مـــن ذي كان ثابت كله ادهور= من حيث ماجيت والاوضــــاع معصوده

واين جــــات الكـــوادر وين جــو العسكر= الاغلبيه من الا عمال مطــــروده

ومــن بقي حي مـــــن ثوارهـــا اتزفر= خـــــارج بلاده يده للغير ممـــــدوده

وزنجبار احتفت بالــفين واثنعشر= مــــن بعد تدميرها با النصــر محســـوده

وقلت لـي عيد يا شاعر تعال اشعر= شف حالـة الصمت بعض احيان محموده

فقلت ياهاجسي قــف لا تقول اكثــر = فسالتك كـــانها احسن لـي من الجـــوده

ياليتني ما طلبتك شعـــر يا لغبــــر= قـــــولك امامي جعــل لبواب مــوصوده

انت انفصالي تريــــد الارض تتشطــــر= افكا رك افكـــار من باعوم مسنوده

مــا با اتبعك قبل اشوف الناس تتحاور= حتى نرى ايش يثمر ايش محصــوده

صح هاجسك يابو صادق برغم اختلافي معه في مضمون البوح وليتك مانغبشته يا استاذ مسعد

لقد شن هجوم لا نظير له نال من وحدتنا أيما نيل سامحه الله حقاً انه متأثر بأجواء باعوم هههههههه

لاهنت يابو صادق ولك التحيه

قد يكون لي حضور لتعقيب على هاجسك شعراً اذا اسعفني الوقت

صح لسانك يا ابو صادق

الله يصلح الحال

تقديرى لشخصك الكريم

هاجسك متعسر وكذا انتجت .. كيف لا هو مو متعسر

لا تخاف بقول ما شاء الله ..

صح لسانك ... والله يصلح الحال ويديم الاعياد في اليمن .. المشكله عيد لكن ما نقدر نفرح به من الوضع الحالي ...

فقلت ياهاجسي قــف لا تقول اكثــر = فسالتك كـــانها احسن لـي من الجـــوده


لا والله جمله من هاجس والحمد لله ذي هو مافسل هذه معلقه وليست لليوم فقط ستتجدد مع الايام وتوفيق يخلي التعقيب وش بايقول هههه

شكرا شاعرنا الكبير

صح الله لســانك

اخي الغالي ابوصــادق

والشعب ذي كان في الماضي بها اتحرر= لولا الاباء طالب المستعمر العوده

مــــن بعد مــــا احتلته قوة علي لحمر= حياته اليوم متعــوسه ومنكـــــوده

صح لسانك يا ابو صادق
وأعلى شأنك

مـــــن يوم مــــاتت ثمنتعشر سنه واكثر= اهـدافــها كـلـها ضـــاعـت ومـفـقـــوده

والشعب ذي كان في الماضي بها اتحرر= لـولا الابـاء طـالب المـستعـمـر الـعـوده

مــــن بعد مــــا احـتلته قـوة علي لـحـمر= حـيـاته الـيـوم متـعــوسه ومـنكـــــوده

قـد كــل شي بـعـد سـبعـه سـبعـه ادمــر= في كل جانب وفيه ارقــام مرصــــوده

تــــم الـذي لـم يكـن في الـعـقـل متـصـور= البر والبـحـر ملك اشـخـاص محـــدوده


الأستاذ العز يز / مسعد علي
صح لسانك واعلى شانك
ابداع وشعور صادق يا اباصادق
وصادقٌ هذا الهاجس المبدع والصر يح
اما الحوار ماقد بدى منه إلا إذنة ويمكن يطلع بَكرَة
كل احترامي وتقديري لشخصك الكريم
خالص التحية